इब्रानियां 11:7 - ओङ राजपूत

⁷ विश्‍वासा लारे ही नूह ने वां बाता चे बारे मां जको ओ बेले कोनी ङिसी पलतीया, चितावनी मिलणे उपर भग़ती लारे आपणे घराणे चे बचाव वास्ते जहाज बणाला। ऐचा नतीजा हा हुला कि संसारा दोषी ठहराला गेला ते नूह धार्मिकता चा वारिस हुला, जको विश्‍वासा लारे हुवे।

इब्रानियां 11:7 ပူးပေါင်းရင်းမြစ်များ

मत्ती 2:12

तब नरीकारा ने वानु हेक खाबा मां चौकस करती ङिले, कि हेरोदेस चे गोढु बल्ति ना जजा, वे ङुजे मार्ग़ा कनु आपणे देशा नु चाह्‍ले गेले।

मत्ती 24:15

“ऐवास्ते जब तम्ही उज़ाड़ने आली किज़ड़ी चीजे नु जाई चर्चा दानिय्येल भविष्यवक्‍ता चे जरिये हुली हुती, पवित्र जग़हा भिली ङेखा (पढ़ने आला समझती गिहो),

मत्ती 24:25

ङेखा, मैं पेहले कनु तम्हानु ईं सब कोच्छ केहती ङिले।

मत्ती 24:38

कांकि जिंवे जल-प्रलय कनु पेहले चे ङिहां मां, जिसे ङिओ तक कि नूह जहाजा उपर कोनी चढ़ला, ओ ङिओ तक लौक खाते-पीते, ते वांचे मां बीहा शादीया हुतीया।

मत्ती 3:7

जब ओणे घणे फरीसिया ते सदूकिया नु बपतिस्मे वास्ते आपणे गोढु आते ङेखले, तां वानु किहुं लाग़ला, “हे नाग़ा ची ब़च्‍ची! तम्हानु केहणे चिताती ङिले कि तम्ही नरीकारा चे क्रोध कनु द्रोड़ा ?

लूका 17:26

जिंवे नूह चे ङिहां मां हुले हुते, यूंही मैं इन्साना चे पूता चे ङिहां मां वी हुवी।

रोमियां 1:17

कांकि ओचे मां नरीकार ची धार्मिकता विश्‍वास लारे ते विश्‍वास चे वास्ते प्रकट हुवे, जिंवे पवित्रशास्त्रा मां लिखले पले, “धर्मी जन विश्‍वास लारे जीते रिही।”

रोमियां 10:6

पर जको धार्मिकता विश्‍वासा लारे छै, वा यूं किहे कि, “तु आपणे मना मां ईं ना किहो कि, ‘स्वर्ग़ा उपर कूण चढ़ी?’ ” यानिकि, मसीह नु धरती उपर तले उतारने वास्ते।

रोमियां 3:22

यानिकि नरीकारा ची वा धार्मिकता जको वां सब वास्ते छै, जको मसीह ईशु उपर विश्‍वास करी, वां सब विश्‍वास करने आला वास्ते बिना कुई भेद-भाव लारे छै।

रोमियां 4:11

ते ओणे खतने चा चैन्ह पाला, जको विश्‍वास चे जरिये धार्मिकता ची छाप छै, जको ओणे बिना खतने दशा मां गेहली हुती। ऐवास्ते ओ वां सब चा ब़ा ठहरला, जको बिना खतने ची दशा मां विश्‍वास राखी, ताकि वे वी धर्मी ठहरो।

रोमियां 4:13

नरीकारा ने हा वायदा करला हुता कि अब्राहम संसारा चा वारिस हुवी, हा वायदा ओनु ते ओचे वंश नु व्यवस्था चे जरिये कोनी मिड़ला, पर विश्‍वास ची धार्मिकता चे जरिये मिड़ला हुता।

रोमियां 9:30

तां अम्ही का किहुं? ईं कि नेरीया जातिया ने जको धार्मिकता ची खोज ना करी, धार्मिकता हांसिल करली यानिकि वे धार्मिकता नु जको विश्‍वास लारे छै।

गलातियां 5:5

पर अम्ही विश्‍वास चे वजह नरीकारा चे सामणे निर्दोष बणने ची आस राखु। पवित्र आत्मा ची सहायता लारे अम्ही ऐची बाट ङेखु भिले।

फिलिप्पियां 3:9

ते ओचे मां ही लाभे माई वे धार्मिकता ची वजह कनु ना जको व्यवस्था चे विधान उपर टिकली हुती, बल्कि वे धार्मिकता ची वजह कनु जको मसीह मां विश्‍वास ची वजह कनु मिले, जको नरीकारा कनु मिले ते जाया अधार विश्‍वास छै।

इब्रानियां 11:1

हमा विश्‍वास, आस करली आलीया चीजा चा पक्‍का, ते अणङेखलीया चीजा चा प्रमाण छै।

इब्रानियां 12:25

ऐचा ध्यान रिहो कि तम्ही ओची आज्ञा ना टाला, जको तम्चे लारे बाता करे पला। जब वे, ङण्ड कनु नी बच सग़ले, जेह्णे ओची आज्ञा नी मनली, जेह्णे वानु धरती उपर चितावनी ङिली हुती, तब अम्ही ङण्ड कनु किवें बच सग़ु, अगर अम्ही ओची ना सुणु, जको स्वर्ग़ा कनु अम्हानु चितावनी ङिये?

इब्रानियां 5:7

ईशु ने आपणी देह मां रेहणे चे ङिहां मां ऊंची अवाजी मां हींजवे बाहती-बाहती कर ओकनु जको ओनु मौत कनु बचा सग़ेला, प्राथना ते बिनती करली ते भग़ती ची वजह ओची सुणली गेली।

इब्रानियां 8:5

ये वे याजक छी जको स्वर्ग़ीय चीजा चे प्रतिरुप ते प्रतिबिम्ब ची सेवा करी जिंवे कि जिसे बेले मूसा तम्बू बणावणे उपर हुता तां ओनु ईं चिताले गेले, “ङेख जको नमुना तनु पहाड़ा उपर ङिखाणला गेला हुता, ओचे अनुसार सब कोच्छ बणाओ।”

1 पतरस 3:20

जेह्णे ओ गुजरले समय मां आज्ञा कोनी मनली, जिसे बेले नरीकार नूह चे ङिहां मां सब्र राखती रुकला रेहला, ते ओ जहाज बणे पलता, जाये मां ब़ेसती कर थोड़े लौक यानि सेर्फ आठ जींये पाणीया कनु बचती गेली।

2 पतरस 1:1

शमौन पतरस चे तरफु जको ईशु मसीह चा दास छै ते प्रेरित छै, हा चिठ्ठी वां लौका चे नांवे जेह्णे अम्चे नरीकार ते उद्धारकर्ता ईशु मसीह ची धार्मिकता चे जरिये अम्चे आलीकर ब़ोहत कीमती विश्‍वास गेहला।

2 पतरस 2:5

ते नरीकारा ने पुराणे युगा चे संसारा नु वी कोनी छोड़ले बल्कि भग़तीहीन संसारा उपर महा जल प्रलय भेज़ला, पर धार्मिकता चे प्रचारक नूह समेत आठ जणा नु बचाती गेले।

2 पतरस 3:6

ये वजह कनु ओ युगा चा संसार पाणीया मां ब़ुङती कर नाश हुती गेला।