इब्रानियां 11:37 - ओङ राजपूत

³⁷ वांचा पत्थराव करला गेला, आरी लारे चीरवाले गेले, तलवारी लारे मारले गेले। वे कंगाली मां ते क्लेशा मां ते बुरे व्यवहारा नु सेहते हुले भेङा ते ब़ाकरीया ची खाला नु ओढ़ले हुले इंगे-ऊंगे भटकते रेहले।

इब्रानियां 11:37 ပူးပေါင်းရင်းမြစ်များ

मत्ती 21:35

पर जमींदारा ने ओचे दासा नु पकड़ती कर, कानु तां कोटले, ते कानु मारती नाखले, ते काये उपर पत्थराव करला।

मत्ती 3:4

यूहन्‍ना ची ओढ़णी ऊंठा चे माला लारे बणली आली हुती, ते ओ कड़ी उपर चमड़े चा कमरबन्ध ब़ांहली आला हुता। तिङीया ते शहद ओचा भोज़न हुता।

मत्ती 8:20

ईशु ने ओनु केहले, “लोमड़ीया चीया घौरा ते आसमाना चे पखीयां चे बसेरे हुवी, पर मैं इन्सान चे पूता वास्ते ठोङ मेहलणे ची वी जग़हा कोनी छै।”

लूका 13:34

“हे यरुशलेम! हे यरुशलेम! तु भविष्यवक्‍ता नु मारती नाखी, ते जको दुधे गोढु भेज़ले गेले वांचे उपर पत्थराव करी। कितना ही वारी मैं ईं चाह्‍ले, कि जिंवे कूकड़ी आपणे ब़ाला नु आपणे खांपा तले भेले करे, यूंही मैं वी दुधे ब़ाला नु भेले करे, पर तम्ही ईं कोनी चाह्‍ले।

प्रेरितां चे काम 14:19

पर कोच्छ यहूदी अन्ताकिया ते इकुनियुम शहरा कनु आती कनु लौका नु आपणे पक्ष मां करती गेले, ते पौलुस चे उपर पत्थराव करला, ते मरले आले समझती कर ओनु शहरा ब़ाहरु घींसती कर ब़ाहरु छिकती गेले।

प्रेरितां चे काम 7:52

का कङी वी कुई इसड़ा भविष्यवक्‍ता हुला जानु तम्चे पुरखा ने सताले ना हो? इठे तक कि वाणे वा भविष्यवक्‍ता नु वी मारती नाखले हुते, ते जेह्णे ओ धर्मी इन्साना चे आणे ची पेहले ही कनु भविष्यवाणी करली हुती। तम्ही ओही मसीह नु धोक्‍के लारे पकड़वाती कर मरवाती नाखले।

2 कुरिन्थियां 12:10

ये वजह कनु मैं मसीह चे वास्ते कमजोरीया, अपमान, कष्ट, संकट, ते मुसीबता मां पुरी तरावें सन्तुष्ट छै। कांकि जिसे बेले मैं कमजोर रिहे, ओ बेले ही मैं बलवन्त रिहे।

इब्रानियां 11:25

ऐवास्ते कि ओनु पापा मां थोड़ी ङिहें सोख भोग़णे कनु नरीकारा चे लौका लारे ङोख भोग़णे होर वी उत्तम लाग़ले।

इब्रानियां 13:3

कैदीया ची इसड़ी सुधि गिहा मनती गिहा वांचे लारे तम्ही वी कैद मां छिवा, सताले जाणे आला नू भूलजा कांकि तम्ही सारे हेक शरीरा चे अंग छिवा।

प्रकाशितवाक्य 11:3

ते मैं आपणे ङुंहु ग़वाहा नु हा अधिकार ङिही, कि वे ब़ोरी ची ओढ़णी घालती कर हेक हजार ङोन साऔ साठ ङिहां तक भविष्यवाणी करे।”