इब्रानियां 11:25 - ओङ राजपूत

²⁵ ऐवास्ते कि ओनु पापा मां थोड़ी ङिहें सोख भोग़णे कनु नरीकारा चे लौका लारे ङोख भोग़णे होर वी उत्तम लाग़ले।

इब्रानियां 11:25 ပူးပေါင်းရင်းမြစ်များ

मत्ती 13:21

पर आपणे भीतर ज़हड़ ना राखणे ची वजह कनु वे थोड़े ही ङिहां चे छी। ते जिसे बेले वचना ची वजह कनु वांचे उपर क्लेश जा परेशानी आवे, तां वे तुरन्त ठोकर खाती जई।

लूका 16:25

“पर अब्राहम ने केहले, ‘हे पूत, याद कर कि तु आपणे जीन्दगी मां आच्छीया चीजा तां गेहती चुकला, ते यूंही लाजर बुरीया चीजा, पर हमा ओ इठे शान्ति लारे छै, ते तु तड़फी पला।

प्रेरितां चे काम 7:34

मैं सच्‍चमां आपणे लौका ची बेहालती नु जको मिस्र मां छी ङेखली ते वांचीया ङुसकीया ते वांचे रोवणे सुणती गेले। ऐवास्ते वानु छुड़ावणे वास्ते उतरला छै। हमा आ, मैं तनु मिस्र मां भेज़ी।’

रोमियां 5:3

सेर्फ ईं कोनी, बल्कि अम्ही क्लेशा मां वी घमण्ड करु, ईं जाणती कर कि क्लेशा लारे सब्र,

2 कुरिन्थियां 5:17

ऐवास्ते अगर कुई मसीह मां छै तां वा नवीं सृष्टि छै। पुराणीया बाता गुजरती गेलीया, ङेखा वे सारीया नवींया हुती गेलीया।

कुलुस्सियां 1:24

हमा मैं वां ङुखा चे वजह खुशी मनावे, जको तम्चे वास्ते चवे, मसीह ची देह रूपी कलीसिया चे क्लेश मां हमेशा भईवाल हुता रिहे।

2 तीमुथियुस 1:8

ऐवास्ते अम्चे प्रभु ची ग़वाही चे लारे, ते माये कनु जको ओचा मैं कैदी छै, शर्मसार ना हो, पर वे नरीकारा ची ताकत चे अनुसार सुसमाचार चे वास्ते माये लारे ङोख चा।

इब्रानियां 10:32

पर वां पेहले ङिहां नु याद करा, जब तम्ही मसीह चे बारे जाणने चे बाद तम्ही कष्टा ची हालती मां संघर्ष करते रेहले।

इब्रानियां 11:37

वांचा पत्थराव करला गेला, आरी लारे चीरवाले गेले, तलवारी लारे मारले गेले। वे कंगाली मां ते क्लेशा मां ते बुरे व्यवहारा नु सेहते हुले भेङा ते ब़ाकरीया ची खाला नु ओढ़ले हुले इंगे-ऊंगे भटकते रेहले।

इब्रानियां 4:9

ऐवास्ते जाणती गिहा कि नरीकारा चे लौका वास्ते हेक विश्राम चा ङिओ तय छै, जिंवे सातवां ङिओ विश्राम चा ङिओ हुता।

याकूब 1:20

कांकि बन्दे चा क्रोध नरीकारा ची धार्मिकता नु निभा ना सग़ी।

याकूब 5:5

तम्ही धरती उपर भोग़ विलास मां लाग़ले रेहले ते बल्ति बङा ही सोख भोग़ला, ते तम्ही आपणे आप नु मोटे ताजा करती गेले हेक ङिओ बढीजणे चे वास्ते।

1 पतरस 2:10

“तम्ही पेहले तां कहीं वी कोनी हुते, पर हमा नरीकारा चा वंश छिवा। तम्चे उपर दया कोनी हुली हुती, पर हमा तम्चे उपर नरीकारा ची दया हुली।”

प्रकाशितवाक्य 18:7

जितनी ओणे आपणी बढ़ाई करली ते सोख-भोगला, उतना ही दर्द विनु, ते ङोख ङिया, कांकि वा आपणे मना मां किहे, ‘मैं राणी हुती गेली, बांढी कोनी, ते ङुखा मां कङी वी नी पड़ी।’