इब्रानियां 11:13 - ओङ राजपूत

¹³ ये सारे विश्‍वासा ची दशा मां मरले, ते वाणे वायदा करलीया आलीया चीजा कोनी गेहलीया। पर वानु दूरी कनु ङेखती कर खौश हुले ते मनती गेहले कि अम्ही धरती उपर प्रदेसी ते ब़ाहरले छिऊं।

इब्रानियां 11:13 ပူးပေါင်းရင်းမြစ်များ

मत्ती 13:17

कांकि मैं तम्हानु सच्‍च किहे पला कि ब़ोहत से भविष्यवक्‍ता ने ते धर्मीया ने चाह्‍ले कि जको बाता तम्ही ङेखा पले, ङेखो, पर कोनी ङेखलीया, ते जको बाता तम्ही सुणा पले, सुणो, पर कोनी सुणलीया।

यूहन्‍ना 12:41

यशायाह ने ये बाता नु ऐवास्ते केहले कि ओणे ईशु ची महिमा ङेखली ते ओणे ओचे बारे मां बाता करलीया।

यूहन्‍ना 8:56

तम्चा ब़ा अब्राहम माया ङिओ ङेखणे ची आस लारे मगन हुता, ते ओणे ङेखला ते खौश हुला।”

रोमियां 4:21

ते ओनु पूरा भरोसा हुता कि जिसी बाते चा वायदा नरीकारा ने करला, ओ ओनु पूरा करने मां वी सामर्थी छै।

रोमियां 8:24

अम्ची आस चे जरिये तां अम्चा उद्धार हुला। पर जिसी चीजे ची आस करली जाये जिसे बेले वा ङेखणे मां आवे, तां बल्ति आस किठे रेहली? कांकि जिसी चीजे नु कुई ङेखती गिहो ओची आस कूण करी?

2 कुरिन्थियां 4:18

ते अम्ही तां ङेखलीया आलीया चीजा नु कोनी पर अणङेखलीया चीजा नु ङेखते रिहुं कांकि ङेखलीया आलीया चीजा थोड़े ङिहां चा छी, पर अणङेखलीया आलीया चीजा सदा बणलीया रिही।

2 कुरिन्थियां 5:6

ऐवास्ते अम्ही सदा हिम्मत ब़ांहली रिहुं ते ईं जाणु कि, जब तक अम्ही शरीरा मां छिऊं, तब तक प्रभु कनु दूर छिऊं।

इफिसियां 2:19

नतीजा हा छै कि ना तम्ही विदेशी रेहले ते ना ही मुसाफिर, पर हमा तां तम्ही नरीकारा चे पवित्र लौका चे साथी ते नरीकारा चे कुणम्बे चे हुती गेले।

इब्रानियां 11:14

जको इसड़ीया बाता किही वे प्रकट करी, कि वे आपणे ही देशा ची खोज मां छी।

इब्रानियां 11:17

विश्‍वासा लारे ही अब्राहम ने, परखले जाणे चे बेले इसहाक नु बलि वास्ते भेंट करती ङिले जेह्णे वायदे नु सच्‍च मनले हुते,

इब्रानियां 11:27

विश्‍वासा लारे ही ओ राजे चे क्रोधा कनु नी ङरला ते ओणे मिस्र देशा नु छोड़ती ङिले, कांकि ओ अणङेखले नरीकारा नु, मनती गेहले ङेखता हुला मजबूत रेहला।

इब्रानियां 11:39

विश्‍वासा चे जरिये यां सब चे बारे मां आच्छी ग़वाही ङिली गेली, तां वी वानु वायदा करला आलीया चीजा कोनी मिड़लीया।

1 पतरस 1:1

हा चिठ्ठी पतरस ची ओर कनु, जको ईशु मसीह चा प्रेरित छै, नरीकारा चे वां प्रदेसीया चे नांवे, जको पुन्तुस, गलातिया, कप्पदूकिया, एशिया ते बिथुनिया चे इलाके मां खिंडती-पुंडती रिही।

1 पतरस 1:17

ते जिसे बेले तम्ही, “हे ब़ा,” केहती कर प्राथना करा, जको बिना पक्षपात हर हेके चे कामा चे अनुसार न्यां करी, ऐवास्ते ये दुनिया मां प्रदेसी हुवणे चा समय नरीकारा चा आदर करते हुले जीवन बितावा।

1 पतरस 2:11

हे प्यारे, मैं तम्हा कनु बिनती करे पला, कि तम्ही संसारा मां प्रदेसीया चे रूपा मां छिवा, जको तम्ची आत्मा लारे योद्ध करतीया रिही वा शरीरा चा इच्छा कनु तम्ही बचले रिहा।

1 यूहन्‍ना 3:19

ऐचे कनु अम्ही जाणु कि अम्ही सच्‍चाई चे छिऊं, ते नरीकारा चे सामणे आपणे मना मां हिम्मत कर सग़ु।