इब्रानियां 11:10 - ओङ राजपूत

¹⁰ कांकि ओची नजर ओ टिकाऊं शहरा उपर हुती, जानु रचने आला ते बणावणे आला नरीकार छै।

इब्रानियां 11:10 ပူးပေါင်းရင်းမြစ်များ

यूहन्‍ना 14:2

माये ब़ा चे घरा मां ब़ोहत सारी रेहणे ची जग़हा छै, अगर ना हुवीया तां, मैं तम्हानु केहती ङिया। कांकि मैं तम्चे वास्ते जग़हा तियार करने वास्ते जाये पला।

2 कुरिन्थियां 5:1

कांकि अम्ही जाणु कि, जिसे बेले अम्चे संसारिक देह नु धरती कनु ढाती ङिले जई तां अम्चे वास्ते नरीकारा ची ओर कनु स्वर्ग़ा मां हेक इसड़े घरा जिसड़ी देह तय करली गेली, जको इन्साना चे हाथा लारे बणाले आले कोनी छै पर स्वर्ग़ीय ते अनन्त काल चे छै।

फिलिप्पियां 3:20

पर अम्ची नागरिकता स्वर्ग़ा उपर छै, ते अम्ही हेक उद्धारकर्ता प्रभु ईशु मसीह चे उठु आवणे ची खुशी लारे इंतजार ङेखु पले।

इब्रानियां 11:16

पर सच्‍चाई हा छै कि वानु हेक बेहतर देशा ची इच्छा हुती, जको स्वर्ग़ देश छै। ऐवास्ते नरीकार वांचा नरीकार किहवावणे मां ना लज़ावी, कांकि नरीकारा ने ही वांचे वास्ते हेक शहर तियार करला।

इब्रानियां 12:22

पर तम्ही सिय्योन पहाड़ा चे गोढु, जीते नरीकारा चे शहर, स्वर्ग़ीय यरुशलेम चे गोढु आती गेले ते अणगिणत स्वर्ग़दूता ची खौश करने आली सभा चे गोढु आती गेले,

इब्रानियां 12:28

जिंवे अम्ही अविनाशी राज़ गेहला जको हली ना, ऐवास्ते आवा अम्ही नरीकारा चा भय मनते हुले, ओनु खौश करने आली भग़ती लारे अराधना करु।

इब्रानियां 13:14

कांकि इठे अम्चा कुई स्थाई रेहणे आला शहर कोनी, बल्कि अम्ही ओ शहरा ची बाट ङेखु पले जको आणे आला अनन्तकाल चा छै।

इब्रानियां 3:4

कांकि हर हेक घरा चा कुई ना कुई बणावणे आला हुवे, पर जेह्णे सब कोच्छ बणाले ओ नरीकार छै।

प्रकाशितवाक्य 21:2

बल्ति मैं पवित्र शहर नवें यरुशलेम नु स्वर्ग़ा कनु ते नरीकारा चे गोढु कनु तले उतरते ङेखले, ते ओ शहर वे बीन्दणी आलीकर हुता, जको आपणे मुणसा चे वास्ते सिंगार करली आली बीन्दणी हो।