इब्रानियां 10:39 - ओङ राजपूत

³⁹ पर अम्ही भांसु हटणे आले कोनी, कि नाश हुती जऊं, पर विश्‍वास करने आले छिऊं, कि जान बचाऊं।

इब्रानियां 10:39 ပူးပေါင်းရင်းမြစ်များ

मरकुस 16:16

जको कुई विश्‍वास करे ते बपतिस्मा गिहे ते ओही बचाला जई, जको विश्‍वास ना करी, ऊं दोषी ठहराले जई।

लूका 11:26

तब वा जती कर आपणे कनु नेरीया बुरीया सात दुष्टात्मा नु आपणे लारे गेहली आवे, ते वे ओचे मां रम्मती कर ओठे वास करे, ते ओ बन्दे ची भांसली दशा पेहले कनु वी बुरी हुती जाये।”

यूहन्‍ना 17:12

जब मैं वांचे लारे हुता, तां मैं दुधे ओ नांवा ची ताकत लारे जको तु मनु ङिले वांची रक्षा करली। मैं वांची चौकसी करली। वांचे महु ओ बन्दे नु छोड़ती कर जको नाश हुवणे आले मार्ग़ा नु चुणती गेहले हुते, नेरे कुई नाश कोनी हुले ऐवास्ते कि जको पवित्रशास्त्र मां केहले गेले ऊं पुरे हो।

यूहन्‍ना 20:31

पर ईं ऐवास्ते लिखले गेले कि तम्ही विश्‍वास करा कि ईशु ही नरीकारा चा पूत मसीह छै, ते विश्‍वास करती ओचे नांवा लारे जीवन गिहा।

यूहन्‍ना 5:24

“मैं तम्हानु सच्‍च-सच्‍च किहे पला, जको माया वचन सुणती कर माये भेज़णे आले उपर विश्‍वास करे अनन्त जीवन ओचा छै ते ओचे उपर सजा ची आज्ञा नी हुवी पर ओ मौत कनु पार हुती कर हमेशा ची जीन्दगी मां घिरती चुकला।

यूहन्‍ना 6:40

कांकि हाओ माये ब़ा नरीकारा ची मर्जी छै हर हेक बन्दे जको पूता नु ङेखे ते विश्‍वास करी ते ओनु अनन्त जीवन मिली, ते अन्त चा ङिहां मां मैं ओनु जीते करती ङिही।”

1 थिस्सलुनीकियां 5:9

कांकि नरीकारा ने अम्हानु आपणे गुस्से वास्ते कोनी, पर ऐवास्ते चुणले कि अम्ही आपणे प्रभु ईशु मसीह चे जरिये उद्धार पा सग़ु।

2 थिस्सलुनीकियां 2:3

कुई रीति लारे काये धोक्‍के मां ना आजा, कांकि ओ ङिओ नी आवी, जब तक धर्म चा त्याग ना हो ते ओ पापा चा मर्द यानि विनाश चा पूत प्रकट ना हो।

1 तीमुथियुस 6:9

पर जको धनी हुवणे चाहवे, ओ इसड़ी परीक्षा मां पड़ती कर फन्दे मां फसती कर ते घणे बेकार मूर्खता ते नुकसान पुचाणे आलीया बाता मां फसती जई, जको बन्दा नु बिगाड़ती नाखे ते विनाश चे समुन्दरा मां ब़ुङाती नाखे।

इब्रानियां 10:26

अगर सच्‍चाई ची पिछाण गेहणे चे बाद वी अम्ही जाणती ब़ुझती पाप करु तां पाप वास्ते कुई बलिदान बाकि ना रेहती जई।

इब्रानियां 10:38

ते माया धर्मी जन विश्‍वास लारे जीता रिही, ते अगर ओ भांसु हटती जाओ तां माये मन ओकनु खौश नी रिही।”

इब्रानियां 11:1

हमा विश्‍वास, आस करली आलीया चीजा चा पक्‍का, ते अणङेखलीया चीजा चा प्रमाण छै।

1 पतरस 1:5

तम्ची रखवाली नरीकारा ची शक्‍ति लारे, विश्‍वास चे लारे ओ उद्धार वास्ते, जको आणे आले समय मां उजागर हुवणे आली छै, करली जई।

2 पतरस 3:7

पर ऐ समय चा आसमान ते धरती ओह वचना चे जरिये ऐवास्ते राखले गेले कि ब़ाड़ले जाओ ते अधर्मी बन्दा चा न्यां ते नाश हुवणे चे ङिओ तक यूंही मेहले रिहे।

1 यूहन्‍ना 5:16

अगर कुई आपणे भावां ते ब़ेहणीया नु इसड़ा पाप करते ङेखे, जाया नतीजा हमेशा ची मौत ना हो, ते ओनु आपणे भऊ ते ब़ेहणीया चे वास्ते प्राथना करनी चाही छै, ते नरीकार ओनु जीवन ङिही। मैं वांचे बारे मां बात करे पला जको वे इसड़े पाप करने मां लाग़ले आले छी, मैं वानु हमेशा ची मौत तक नी पुचावी। इसड़े पाप वी रिही, जाया नतीजा मौत छै। मैं तम्हानु इसड़े पापा चे वास्ते प्राथना करने वास्ते कोनी किहे पला।

1 यूहन्‍ना 5:5

संसारा उपर जय पाणे आले कूण छै? सेर्फ ऊं जाया विश्‍वास छै, कि ईशु, नरीकारा चा पूत छै।

प्रकाशितवाक्य 17:11

ऊं ङरावणे ढौर जको पेहले कङी जीते हुते, पर हमा जीते कोनी, खौद्द ही आठवां राजा छै ते वा साता महु पैदा हुले, ते ओचा वी नाश हुवणे आला छै।

प्रकाशितवाक्य 17:8

जको ढौर तु ङेखले, ऊं पेहले तां हुते पर हमा कोनी, ते पताला महु निकलती कर विनाश मां ढी, ते धरती चे रेहणे आले जाई नांवे संसारा ची शुरुआत चे समय कनु जीवन ची किताबे मां लिखली कोनी गेली, ऐ ढौरा ची हा हालत ङेखती कर पेहले हुते ते हमा कोनी ते बल्ति आती जई, अचम्भा करे।