इब्रानियां 10:34 - ओङ राजपूत

³⁴ कांकि तम्ही कैदी विश्‍वासी भावां चे ङुखा मां वी ङुखी हुले, ते आपणी जायजात वी खुशी लारे लूटीजु ङिली, ईं जाणती कर, कि तम्चे गोढु हेक नेरी वी उत्तम ते सदा रुकणे आली जायजात छै।

इब्रानियां 10:34 ပူးပေါင်းရင်းမြစ်များ

मत्ती 19:21

ईशु ने ओनु केहले, “अगर तु सेद्ध हुवणे चाहवी तां जा, आपणे सब कोच्छ बेचती कर कंगाला नु ङे, ते तनु स्वर्ग़ा मां धन मिली, ते आती कर माये भांसु टुरती पड़।”

लूका 10:42

पर हेक बात जरुरी छै, ओ सोणे हेंस्से नु मरियम ने चुणती गेले जको विकनु खोसला नी जई।”

लूका 12:33

आपणी जायजात बेचती दान करती ङिया, ते आपणे वास्ते इसड़े ब़टुवे बणावा जको पुराणे ना हुवी, यानि स्वर्ग़ा मां इसड़ी दौलत भेली करा जको घटी ना, ते जाये गोढु चोर ना जई, ते कीड़ा ना बिगाड़ी।

लूका 9:25

अगर इन्सान सारे संसारा नु हांसिल करे, ते आपणी जीन्दगी गंवाती ङियो, जा विचा नुकसान चवे, तां ओनु का फायदा हुवी?

प्रेरितां चे काम 21:33

बल्ति सैनापति उग़ते हुती कर पौलुस नु पकड़ती गेले ते ङुंहु संगला लारे ब़न्धावणे ची आज्ञा ङिली। ते पूछु लाग़ला कि, “हा कूण छै, ते ऐणे का करले?”

प्रेरितां चे काम 28:20

ऐवास्ते मैं तम्हानु हकरवाले, कि तम्चे लारे मिले, ते बातचीत करे, कांकि इस्राएल ची आस चे वास्ते मैं यां संगला लारे जकड़ला पला।”

प्रेरितां चे काम 5:41

वे ये बाते लारे खौश हुती कर महासभा चे सामणे चाह्‍ले गेले कि “अम्ही ईशु मसीह चे नांवा वास्ते बेकदरे हुवणे चे काबिल तां बणले।”

2 कुरिन्थियां 5:1

कांकि अम्ही जाणु कि, जिसे बेले अम्चे संसारिक देह नु धरती कनु ढाती ङिले जई तां अम्चे वास्ते नरीकारा ची ओर कनु स्वर्ग़ा मां हेक इसड़े घरा जिसड़ी देह तय करली गेली, जको इन्साना चे हाथा लारे बणाले आले कोनी छै पर स्वर्ग़ीय ते अनन्त काल चे छै।

इफिसियां 3:1

ऐ वजह कनु मैं पौलुस नेरीया जातिया वास्ते ईशु मसीह चा प्रचार करने आला गुलाम बणला आला छै

इफिसियां 4:1

ऐवास्ते मैं पौलुस जको प्रभु ची सेवा करने ची वजह कनु कैद मां छै, तम्हा कनु बिनती करे पला कि जिसी बुलाहट कनु नरीकारा ने तम्हानु हकारले, ओचे अनुसार जीवन बितावा।

इफिसियां 6:20

मैं नरीकारा चा सुसमाचार सुणावणे वास्ते संगला लारे ब़झला आला राजदूत छै। प्राथना करा कि जिंवे ओ चाहवे, यूं हिम्मत लारे सुणा सग़े।

फिलिप्पियां 1:7

माया हा विचार तम्चे वास्ते ठीक छै, कांकि तम्ही माये दिला मां बसती गेले, ते माई कैद मां ते सुसमाचार चे वास्ते उत्तर ते प्रमाण ङेणे मां तम्ही सारे माये लारे अनुग्रह मां भईवाल छिवा।

कुलुस्सियां 1:5

ईं वे उम्मीद ते प्रेम चे वजह हुले जको तम्चे वास्ते स्वर्ग़ा मां पली छै, जाई चर्चा तम्ही ओह सुसमाचार चे सच्‍चे वचना मां सुणती चुकले।

1 तीमुथियुस 6:19

कि वे आपणे वास्ते आग़ु कनु इसड़ा धन भेला करो कि आणे आले समय चे वास्ते आच्छी नीम बणती जाओ जाये कनु ओ ओनु पकड़ती गिहो जको सच्‍चमां जीवन छै।

2 तीमुथियुस 1:16

उनेसिफुरुस चे घराणे उपर प्रभु दया करो, कांकि ओणे घणा वारी माये जीया नु ठाडे करले, ते माये संगला कनु शर्मसार कोनी हुला।

2 तीमुथियुस 2:9

जाये वास्ते मैं कुकर्मी जिसड़ा ङोख चवे पला, इठे तक कि कैद वी छै, पर नरीकारा चा वचन कैद कोनी।

2 तीमुथियुस 4:8

भविष्य मां माये वास्ते धर्म चा ओ मुग़ट जको स्वर्ग़ मां पला ला, जानु प्रभु, जको धर्मी छी ते न्यांयी छी, मनु ओ ङिओ ङिही, ते मनु ही ना, बल्कि वा सारा नु वी, जको ओचे प्रकट हुवणे नु प्यारे जाणे।

इब्रानियां 11:16

पर सच्‍चाई हा छै कि वानु हेक बेहतर देशा ची इच्छा हुती, जको स्वर्ग़ देश छै। ऐवास्ते नरीकार वांचा नरीकार किहवावणे मां ना लज़ावी, कांकि नरीकारा ने ही वांचे वास्ते हेक शहर तियार करला।

इब्रानियां 13:14

कांकि इठे अम्चा कुई स्थाई रेहणे आला शहर कोनी, बल्कि अम्ही ओ शहरा ची बाट ङेखु पले जको आणे आला अनन्तकाल चा छै।

इब्रानियां 13:3

कैदीया ची इसड़ी सुधि गिहा मनती गिहा वांचे लारे तम्ही वी कैद मां छिवा, सताले जाणे आला नू भूलजा कांकि तम्ही सारे हेक शरीरा चे अंग छिवा।

इब्रानियां 9:15

ऐवास्ते ओ हेक नवीं वाचा चा बिचोला छै, कि वे मौत चे जरिये जको पेहली वाचा चे समय चे अपराधा कनु छुटकारा गेहणे वास्ते हुली, हकारले आले लौक वायदे चे अनुसार अनन्त विरासत नु गिहो।

याकूब 1:2

हे माये भऊ, जिसे बेले तम्ही हर-तरहा ची परीक्षा मां पड़ा तां यिनु पुरी खुशी ची बात समझा,

1 पतरस 1:4

यानि हमा तम्चे वास्ते स्वर्ग़ा मां वा विरासत मेहली गेली, जाये तम्ही वारिस छिवा। जको ना तां कङी खत्तम हुवणे आली, ते निर्मल, ते ना ही कङी गलणे आली छै।

1 यूहन्‍ना 3:2

हे प्यारे, हमा वी अम्ही नरीकारा ची ऊलाद्ध छिऊं, ते हमा तक हा प्रकट कोनी हुले कि आणे आले समय मां अम्ही का कोच्छ हुं! इतने जाणु कि जिसे बेले ईशु मसीह प्रकट हुवी ते अम्ही ओचे समान हुती जऊं, कांकि ओनु उसड़े ही ङेखु जिसड़ा ओ छै।