इब्रानियां 10:29 - ओङ राजपूत

²⁹ तां सोचती गिहा कि ओ कितने भारी ङण्ड चा भाग़ी बणी, जेह्णे नरीकारा चे पूता चा अनादर करला ते वाचा चे लुहींया नु जाये जरिये ओ पवित्र ठहराला गेलता, अपवित्र जाणले ते अनुग्रह ची आत्मा चा अपमान करला।

इब्रानियां 10:29 ပူးပေါင်းရင်းမြစ်များ

मत्ती 26:28

कांकि ईं वाचा चे माये ऊं लुहीं छै, जको ब़ोहता चे वास्ते पापा ची माफी चे वास्ते बाहले जाये।

मत्ती 7:6

“पवित्र चीज कुत्ता नु ना ङिया, कङी इसड़े ना हो कि पलटती कर तम्हानु फाड़ती नाखो। ते आपणे मोत्ती सूअरा चे सामणे ना नाखा। इसड़े ना हो कि वानु आपणे पग़्ग़ा तले लताड़ती नाखो।

मरकुस 7:2

ते वाणे ओचे कोच्छ चैला नु अशुद्ध यानिकि बिना हाथ धोले रोटी खाते ङेखले।

लूका 12:10

जको कुई मैं इन्साना चे पूता चे विरोध मां कुई बात किही, ओचा हा अपराध माफ करला जई, पर जको पवित्र आत्मा ची निन्दा करी, ओचा अपराध माफ नी करला जई।

यूहन्‍ना 10:36

तां मनु जको ब़ा ने पवित्र बणाती कर दुनिया मां भेज़ले, तम्ही कां किहा कि मैं निन्दा करे पला, कांकि मैं केहले, ‘मैं नरीकारा चा पूत छै?’

यूहन्‍ना 17:19

वांचे वास्ते मैं आपणे आप नु पवित्र करती कर दुधी सेवा मां ङिये पला, कि वे वी सच्‍चाई लारे पवित्र हुती कर दुधी सेवा करो।

प्रेरितां चे काम 7:51

“हे जिद्दी लौक, ना तां तम्ही काना लारे सुणने चाहवा, ते ना ही तम्ही समझणे चाहवा, तम्ही सदा पवित्र आत्मा चा विरोध करा। जिंवे तम्चे पुरखा करते, यूंही तम्ही वी करा।

रोमियां 16:20

शान्ति चा नरीकार शैताना नु तम्चे पग़्ग़ा तले जल्दी कुचलवाती ङी। अम्चे प्रभु ईशु मसीह चा अनुग्रह तम्चे उपर हुता रिहो।

1 कुरिन्थियां 11:27

ऐवास्ते जको कुई बेढंगी रीत लारे प्रभु ची रोटी खाये जा ओचे मुंगरा महु पीयो ऊं प्रभु चे शरीर ते लुहींया चा दोषी बणी।

1 कुरिन्थियां 11:29

कांकि जको ऐनू खाते-पीते बेले प्रभु चे शरीरा नु पिछाणले बिना खाये ते पीयें आपणे ही उपर ङण्ड वास्ते खाये-पीये।

1 कुरिन्थियां 15:25

ईं जरुरी छै कि ओ ओस बेले तक राज़ करो जब तक ओ आपणे सारे दुश्मना नु आपणे अधीन ना करती गिहो।

1 कुरिन्थियां 15:27

कांकि, “नरीकारा ने सब कोच्छ ओचे पग़्ग़ा तले करती ङिले,” पर जब ओ किहे कि सब कोच्छ ओचे अधीन करती ङिले गेले, तां ईं साफ छै कि जेह्णे सब कोच्छ ओचे अधीन करती ङिले, ओ आप अलग़ रेहला।

1 कुरिन्थियां 6:11

ते तम्चे महु कोच्छ इसड़े ही हुते। पर हमा तम्ही धुपती कर शोद्ध हुती गेले प्रभु ईशु मसीह चे नांवा लारे ते अम्चे नरीकारा ची आत्मा चे जरिये करले गेले कामा चे नतीजे लारे धर्मी घोषित करले गेले ही छिवा।

इफिसियां 4:30

ते नरीकारा ची पवित्र आत्मा नु ङुखी ना करा, जाये कनु तम्चे उपर छुटकारे चे ङिओ वास्ते छाप ङिली गेली छै,

इफिसियां 5:26

कि वानु वचना चे लारे पाणीया चे इश्नान लारे शोद्ध करती पवित्र बणाओ।

इब्रानियां 10:10

नरीकारा ची इच्छा लारे अम्ही ईशु मसीह चे शरीरा चा हेक ही बार बलिदान चढ़ाले जाणे चे जरिये पवित्र करले गेले।

इब्रानियां 12:25

ऐचा ध्यान रिहो कि तम्ही ओची आज्ञा ना टाला, जको तम्चे लारे बाता करे पला। जब वे, ङण्ड कनु नी बच सग़ले, जेह्णे ओची आज्ञा नी मनली, जेह्णे वानु धरती उपर चितावनी ङिली हुती, तब अम्ही ङण्ड कनु किवें बच सग़ु, अगर अम्ही ओची ना सुणु, जको स्वर्ग़ा कनु अम्हानु चितावनी ङिये?

इब्रानियां 13:20

शान्ति चा नरीकार, जेह्णे भेङा चे महान आजड़ी यानि मसीह ईशु, अम्चे प्रभु ईशु नु अनन्त वाचा चे लुहींया चे जरिये मरले आला महु जीते करले,

इब्रानियां 2:11

कांकि पवित्र करने आला ते जको पवित्र करले जई, सब हेक ही ब़ा कनु छी, यानि नरीकार कनु। येही वजह कनु ईशु वानु भऊ केहणे कनु ना लज़ावी।

इब्रानियां 2:3

तां अम्ही लौक इसड़े महान उद्धार ची बेपरवाही करती कर आणे आले ङण्ड कनु किवें बच सग़ु? जाई चर्चा सबकनु पेहले खौद्द प्रभु चे जरिये करली गेली, ते प्रभु नु सुणने आला चे जरिये अम्हानु विश्‍वास हुला।

इब्रानियां 4:14

ऐवास्ते जब नरीकारा चा पूत ईशु हेक इसड़ा महान महायाजक, जको स्वर्ग़ा मां गेला, जको अम्ही मनती गेले, ओचे मां विश्‍वास मां मजबूत बणले रिहुं।

इब्रानियां 6:4

जेह्णे कुई समय सच्‍च चे ज्ञान चे सोज़ले गेहती गेले हुते, जेह्णे स्वर्ग़ीय वरदान चा स्वाद चाखती गेलता, जको पवित्र आत्मा चे भईवाल हुती गेलते,

इब्रानियां 6:6

नरीकारा कनु दूर हुती गेले, तां वानु मन फिराव वास्ते बल्ति नवें बणावणे अनहोणे छै। कांकि वे नरीकारा चे पूता नु आपणे वास्ते दुबारा क्रूसा उपर चढ़ावी ते उजागर ही ओचे उपर कलंक लावी।

इब्रानियां 9:13

कांकि व्यवस्था चे अनुसार जब ब़करा ते ङान्दा चे लुहीं ते बछड़ी ची कैरी अपवित्र लौका उपर छंडकणे लारे शरीरा ची शुद्धता वास्ते पवित्र करे,

इब्रानियां 9:20

ते केहले, “ईं वे वाचा चे लुहीं छै जाई आज्ञा नरीकारा ने तम्चे वास्ते ङिली छै।”

प्रकाशितवाक्य 1:5

ते ईशु मसीह चे तरफु जको भरोसेमन्द ग़वाही ते मरले आला महु जीता हुवणे आला महु पलेठी चा ते धरती चे राजा चा हाकिम छै तम्हानु अनुग्रह ते शान्ति मिलती रिहो। ओ अम्चे लारे प्रेम राखे ते ओणे आपणे लुहींया लारे अम्हानु पापा कनु छुड़ाले छै।