इब्रानियां 10:25 - ओङ राजपूत

²⁵ ते अम्ही अराधना सभा मां लगातार भेले हुवणे मां सुस्त ना हुती जऊं जिंवे कई हुती वी चुकले हेके ङुजे नु शाबास करते रिहा ते ऐ बारे मां होर वी ज्यादा गोढु हुती जावा, जिंवे कि तम्ही ङेखा ही पले, ओ ङिओ गोढु आता जाये।

इब्रानियां 10:25 ပူးပေါင်းရင်းမြစ်များ

मत्ती 10:15

मैं तम्हानु सच्‍च किहे पला कि न्यां चे ङिओ, ओ शहरा ची दशा कनु सदोम ते अमोरा चे देशा ची दशा घणी सेहणे चे लायक हुवी।

मत्ती 18:20

कांकि जिठे ङोन जा तीन जणे माये नांवा उपर भेले हुवी, ओठे मैं वांचे बीच मां मौजुद रिहे।”

यूहन्‍ना 12:48

जको मनु तोच्छ जाणे ते माया बाता नु ना मनी, ओनु दोषी बणावणे आला हेक छै, यानि जको वचन मैं केहले वे ही आखरी ङिओ मां ओनु दोषी ठहरावी।

प्रेरितां चे काम 16:16

जिसे बेले अम्ही प्राथना करने ची जग़हा मां जऊं पलते ले, अम्हानु मार्ग़ मां हेक दासी मिड़ली, विचे मां हेक इसड़ी दुष्टात्मा हुती। वा भविष्य बावड़ती कर आपणे स्वामीया नु घणा सारा धन कमाती कर ङिती।

प्रेरितां चे काम 2:1

जिसे बेले पिन्तेकुस्त तेंहवार चा ङिओ आला, वे सारे हेकी जग़हा भेले हुले।

प्रेरितां चे काम 2:42

ते वे प्रेरितां कनु शिक्षा गेहणे, ते संगति राखणे मां, ते बच्‍चड़ रोटी खाणे मां, ते प्राथना करने मां लवलीन रेहले।

प्रेरितां चे काम 20:7

हफ्ते चे पेहले ङिओ जिसे बेले अम्ही रोटी भानणे चे वास्ते भेले हुले, ते पौलुस ने जको ङुजे ङिओ जाणे आला हुता, वांचे लारे बाता करलीया, ते आधी राती तक उपदेश ङिता रेहला।

रोमियां 12:8

जानु होंसला ब़न्धावणे चा वरदान मिड़ला, ओ होंसला ब़न्धाता रिहो, ते दान ङेणे आला खुले मना लारे दान करो, जको अगुवाई करे, ओ लगन लारे करो, जको दया करे, ओ खुशी लारे करो।

1 कुरिन्थियां 11:20

जिसे बेले तम्ही खाणे वास्ते भेले हुवा, ओनु प्रभु भोज़ ना केहले जा सग़ी।

1 कुरिन्थियां 14:23

तां अगर कलीसिया हेक जग़हा भेली हो, ते सब चे सब नेरीया भाषा ब़ोलो, ते ब़ाहरले जा अविश्‍वासी लौक भीतर आती जाओ तां का वे तम्हानु पाग़ल नी समझे?

1 कुरिन्थियां 14:3

पर वे जको भविष्यवाणी करे, लौका ची आत्मिक बढोतरी शाबासी ते सब्रा नु उग़ते बधावे।

1 कुरिन्थियां 3:13

तां हर-हेक चे काम प्रकट हुती जई, कांकि ओ न्यां चा ङिओ ओनु बावड़ी, ऐवास्ते कि जाखते लारे प्रकट हुवी ते ऊं जाखते हर-हेक चे कामा नु परखी कि किसड़े छै।

1 कुरिन्थियां 5:4

कि जिसे बेले तम्ही, ते माये मन, अम्चे प्रभु ईशु ची सामर्थ लारे भेले हुं,

फिलिप्पियां 4:5

तम्ची नरमाई लारे भरीली आली आत्मा चा ज्ञान सारा बन्दा उपर हो प्रभु चे आणे गोढु छै।

1 थिस्सलुनीकियां 4:18

ते यूं करती यां बाता लारे हेके ङुजे नु शान्ति ङिले करा।

1 थिस्सलुनीकियां 5:11

यूंही हेके ङुजे नु शान्ति ङिया, ते हेके ङुजे चे धार्मिक विश्‍वास ची बढ़ोतरी चे वजह बणा, तां तम्ही इसड़े करा वी हुवा।

इब्रानियां 10:24

अम्ही हा वी खास ध्यान राखु कि अम्ही आपस मां प्रेम ते भले कामा मां हेके ङुजे नु किवें प्रेरित करते रिहुं।

इब्रानियां 10:37

कांकि पवित्रशास्त्र मां लिखले पले कि, “हमा ब़ोहत ही थोड़ा समय रेहती गेला जबकि आणे आला आवी, ते ओ देर नी करी।

इब्रानियां 13:22

हे माये भऊ, मैं तम्चे कनु बिनती करे पला कि ऐ हिम्मत चे उपदेश चीया बाता नु मनती गिहा, कांकि मैं तम्हानु ईं ब़ोहत थोड़े शब्दा मां लिखले छै।

इब्रानियां 3:13

पर जब तक ओ ङिओ, जानु “आज़” केहला जाये, अम्चे सामणे छै, हर हेक ङिओ हेके ङुजे ची हिम्मत ब़न्धाते रिहा, इसड़े ना हो कि तम्चे महु कुई वी पाप चे छल मां कठोर बणती जाओ।

याकूब 5:8

तम्ही वी तसल्‍ली राखा, ते आपणे मना नु मजबूत करा, कांकि नरीकारा चे आणे ची घड़ी गोढु छै।

1 पतरस 4:7

सारीया बाता चा अन्त तुरन्त हुवणे आला छै। ऐवास्ते काबु हुती कर प्राथना वास्ते चौकस रिहा।

2 पतरस 3:11

जबकि ये सारीया चीजा, यूं करती पिघलणे आलीया छी तां तम्हानु पवित्र चाल-चलन ते भग़ती मां आच्छे हुवणे चाही छै।

2 पतरस 3:14

ऐवास्ते, हे माये प्यारे भऊ जबकि तम्ही यां बाता ची आस ङेखा पले तां जत्तन करा कि तम्ही शान्ति लारे ओचे सामणे बेदाग ते बेकसूर ठहरा।

2 पतरस 3:9

प्रभु आपणे वायदे चे बारे मां देर ना करी जिसड़ी देर कोच्छ लौक समझे पर तम्चे बारे मां तसल्‍ली करे, ते ना चाहवी कि कुई नाश हो बल्कि ईं कि सब नु मन फिरावणे चा मौका मिलो।

यहूदा 1:19

ईं लौक जको फूट नाखणे आले ते ये संसारिक लौक छी, जाये मां नरीकारा चा आत्मा कोनी।