इब्रानियां 10:23 - ओङ राजपूत

²³ हमा अम्ही बिना कुई शक्‍क चे आपणी वे आस मां अटल रिहुं, जको अम्ही स्वीकार करली, कांकि जेह्णे वायदा करला ओ विश्‍वास योग्य छै।

इब्रानियां 10:23 ပူးပေါင်းရင်းမြစ်များ

1 कुरिन्थियां 1:9

नरीकार विश्‍वास भरला छै, जेह्णे तम्हानु आपणे पूत अम्चे प्रभु ईशु मसीह ची संगति मां हकारले।

1 कुरिन्थियां 10:13

तम्ही कुई इसड़ी परीक्षा मां कोनी पड़ले, जको इन्साना चे सेहणे कनु ब़ाहर छै। ते नरीकार भरोसेमन्द छै ओ तम्हानु कुई इसड़ी परीक्षा मां नी पड़ु ङी, जको तम्चे सेहणे कनु पार हो। पर ओ परीक्षा चे लारे उपा वी करी कि तम्ही मजबूत रेह सग़ा।

2 कुरिन्थियां 9:13

तम्ची ये सेवा नु सबूत मनती कर वे नरीकारा ची महिमा करे, कांकि तम्ही मसीह चे सुसमाचार ची आज्ञा मनते हुले स्वीकार करले ते तम्ही नरीकारा चे लौका वास्ते ते सब ची सहायता करने मां उदारता ङिखाणली।

1 थिस्सलुनीकियां 5:24

तम्चे हकारने आला सच्‍चा छै, ते ओ इसड़े ही करी।

2 थिस्सलुनीकियां 3:3

पर प्रभु सच्‍चा छै, ओ तम्हानु मजबूती लारे खड़ा करी, ते ओ दुष्ट कनु सम्भालती कर राखी।

तीतुस 1:2

ओ अनन्त जीवन ची आस उपर, जको वायदा नरीकारा ने, जको कूड़ मार ना सग़ी शुरु कनु करला।

इब्रानियां 11:11

विश्‍वासा लारे ही सारा ने आप ब़ुढी हुवणे उपर वी ब़ाल जमावणे ची ताकत गेहली, कांकि विणे वायदा करने आले नु विश्‍वासयोग मनले हुते।

इब्रानियां 3:1

ऐवास्ते, हे माये विश्‍वासी भऊ, तम्ही जको स्वर्ग़ीय ब़ुलावे मां भईवाल छिवा, ईशु उपर ध्यान ङिया, जको अम्चे वास्ते नरीकारा चा प्रेरित ते महायाजक छै।

इब्रानियां 3:14

अगर अम्ही आपणे पेहले भरोसे नु अन्त तक बणाली रिहुं, तां अम्ही मसीह चे भईवाल बणले रिहुं।

इब्रानियां 3:6

पर मसीह पूता आलीकर नरीकारा चे घरा चा अधिकारी छै। अगर अम्ही मजबूत विश्‍वासा उपर ते आपणी आस चे गर्व उपर अन्त तक मजबूती लारे बणले रिहुं, तां अम्ही ओचे घराणे छिऊं।

इब्रानियां 4:14

ऐवास्ते जब नरीकारा चा पूत ईशु हेक इसड़ा महान महायाजक, जको स्वर्ग़ा मां गेला, जको अम्ही मनती गेले, ओचे मां विश्‍वास मां मजबूत बणले रिहुं।

इब्रानियां 6:18

इठे कङी ना बदलने आलीया ङोन बाता छी, हेक ओचा वायदा ते हेक ओची कसम जाये बारे मां नरीकार कूड़ा साबित हो ही ना सग़ी। अम्ची मजबूती लारे हिम्मत ब़झती जाओ, जको आसरा गेहणे वास्ते ऐवास्ते द्रोड़ले कि वे आस नु जको सामणे पली आली छै गे सग़ु।

याकूब 1:6

पर विश्‍वासा लारे मांगा, ते कहीं शक्‍क ना करा। कांकि शक्‍क करने आला समुन्दरा ची लहर आलीकर छै जको हवाई लारे बीहे ते उछलती रिहे।

प्रकाशितवाक्य 3:11

मैं जल्दी ही आणे आला छै, जको कोच्छ दुधे गोढु छै विनु थामली रेह कि कुई दुधा मुग़ट खोसती ना गिहो।