इब्रानियां 10:22 - ओङ राजपूत

²² तां आवा, अम्ही सच्‍चे मना लारे, ते पुरे विश्‍वासा लारे, ते विवेक चा दोष दूर करने वास्ते दिला उपर मसीह चे लुहींया चा छिड़काव गेहती कर, ते शरीरा नु शोद्ध पाणीया लारे धुवाती कर, नरीकारा चे गोढु जऊं।

इब्रानियां 10:22 ပူးပေါင်းရင်းမြစ်များ

मत्ती 3:11

मैं तां तम्हानु मन फिरावणे वास्ते पाणीया लारे बपतिस्मा ङिये, पर ओ जको माये बाद मां आणे आला छै, ओ माये कनु महान छै कि मैं ओचे ब़ूटा नु चवणे चे लायक कोनी, ओ तम्हानु खौद्द पवित्र आत्मा ते जाखते लारे बपतिस्मा ङी।

लूका 1:1

आदरणीय थियुफिलुस, ब़ोहता ने वा बाता चा जको अम्चे बीच मां बितलीया, इतिहास लिखणे मां हाथ लाला,

यूहन्‍ना 3:5

ईशु ने उत्तर ङिला, “मैं तम्हानु सच्‍च-सच्‍च किहे पला, जब तक कुई इन्सान जल ते आत्मा लारे ना जमही तां ऊं नरीकारा चे राज़ मां जा ना सग़ी।

यूहन्‍ना 8:9

जिसे बेले लौका ने ईं सुणले ते सारा महु पेहले बङा कनु लाती कर छोटा तक, वांचे महु हेक-हेक करती कर उठु खिसकु लाग़ली, ते ईशु ओठे हेकला रेहती गेला, ते वा असतरी वी उठी भिली रेहली।

प्रेरितां चे काम 22:16

हमा कां देर करी पला? खड़ा हो, बपतिस्मा गे, ते ओचा नाम गेहती कर आपणे पापा नु धोती नाख।’

प्रेरितां चे काम 8:21

ये बाते मां ना दुधा हेंस्सा छै, ना भईवाली, कांकि दुधे मन नरीकारा चे आग़ु सिधे कोनी।

1 कुरिन्थियां 6:11

ते तम्चे महु कोच्छ इसड़े ही हुते। पर हमा तम्ही धुपती कर शोद्ध हुती गेले प्रभु ईशु मसीह चे नांवा लारे ते अम्चे नरीकारा ची आत्मा चे जरिये करले गेले कामा चे नतीजे लारे धर्मी घोषित करले गेले ही छिवा।

2 कुरिन्थियां 7:1

हे माये प्यारे भऊ, जबकि ये वायदे अम्हानु मिड़ले, तां आवा, अम्ही आपणे आप नु शरीर ते आत्मा ची सारी मलिनता कनु शोद्ध करु, ते नरीकारा चा भय मनते हुले पवित्रता नु सेद्ध करु।

इफिसियां 3:12

मसीह मां हुती कर ओचे उपर विश्‍वास करने लारे अम्हानु हिम्मत ते भरोसा हुला कि अम्ही नरीकारा चे गोढु जा सग़ु।

इफिसियां 5:26

कि वानु वचना चे लारे पाणीया चे इश्नान लारे शोद्ध करती पवित्र बणाओ।

इफिसियां 6:5

हे सेवक, तम्चे जको मालिक छी, आपणे सच्‍चे मना लारे कद्दर ते आज्ञा मनते हुले, जिंवे मसीह ची आज्ञा मना यूंही वांची आज्ञा वी मना।

1 तीमुथियुस 4:2

ईं वा कूड़े बन्दा चे कप्पट चे वजह कनु हुवी, जाई समझ सही फैंसला ना गेह सग़ी।

तीतुस 3:5

ते ओणे अम्चा उद्धार करला। ते ईं धर्मा चे कामा ची वजह कनु कोनी, जको अम्ही आप करले, पर आपणी दया चे अनुसार, नवें जनमा चे झूलने लारे, ते पवित्र आत्मा चे अम्हानु नवें बणावणे लारे हुले।

इब्रानियां 10:1

व्यवस्था, जाये मां आणे आली आच्छीया चीजा ची छां छै, पर वांचा असली रुप कोनी। ऐवास्ते वां हेके तरह चे बलिदाना चे जरिये जको हर साल अचूक चढ़ाले जई, नरीकार चे गोढु आणे आला नु हरगिज सेद्ध ना कर सग़ी।

इब्रानियां 10:19

ऐवास्ते हे माये भऊ, जबकि अम्हानु ईशु चे लुहींया लारे अति पवित्र स्थान मां जाणे ची पुरी हिम्मत हुती गेली,

इब्रानियां 11:28

विश्‍वासा लारे ही ओणे फसह ते लुहीं छंडकणे ची विधि मनती गेहली, कि नाश करने आला दूत इस्राएलीया चे पलेठी आले पूता नु नाश ना करो।

इब्रानियां 12:24

तम्ही ईशु चे गोढु जको नवीं वाचा चा बिचोला छै ते छिड़काव चे लुहींया चे गोढु जको हाबिल चे लुहींया कनु उत्तम साफ बाता करे, आती पुज़ले।

इब्रानियां 4:16

ऐवास्ते अम्ही नरीकारा चे अनुग्रह चे सिंहासन चे सामणे हिम्मत ब़ांहती कर चालु, कि अम्चे उपर दया हो ते ओ अनुग्रह गिहुं जको जरुरी समय उपर अम्ची सहायता करो।

इब्रानियां 6:11

पर अम्ची हाओ इच्छा छै कि तम्चे महु हर हेक जणे अन्त तक इसड़ा ही यतन करते रिहो, ताकि तम्ही ओनु पक्‍के गे सग़ा जाई तम्हानु आस छै।

इब्रानियां 7:19

कांकि व्यवस्था ने कुई बाते ची सिद्धि कोनी करली ते विची जग़हा उपर हेक इसड़ी उत्तम आस मेहली गेली जाये जरिये अम्ही नरीकारा चे गोढु जा सग़ु।

इब्रानियां 9:10

ऐवास्ते कि वे सेर्फ खाणे-पीणे चीया चीजा, तरह तरह चे इश्नान विधि चे अधार उपर शरीरिक नियम छी, जको नरीकारा चे नवें विधान तक नियुक्‍त करले गेले छी।

इब्रानियां 9:19

कांकि जब मूसा सब लौका नु व्यवस्था ची हर हेक आज्ञा सुणाती चुकला, तां ओणे बछड़ा ते ब़करा चे लुहीं चती कर, पाणी ते लाल ऊन ते जूफे चे ग़ुच्छे लारे वे किताबे उपर ते सारे लौका उपर छंडकती ङिले,

याकूब 1:6

पर विश्‍वासा लारे मांगा, ते कहीं शक्‍क ना करा। कांकि शक्‍क करने आला समुन्दरा ची लहर आलीकर छै जको हवाई लारे बीहे ते उछलती रिहे।

याकूब 4:8

नरीकारा चे गोढु आवा, ओ वी तम्चे गोढु आवी। ओ पापी बन्दी आपणे हाथा नु साफ-सुथरे राखा। ते शक्‍क करने आली बन्दी, आपणे मना नु पवित्र राखा।

1 पतरस 1:2

ते नरीकार ब़ा चे भविष्य ज्ञान चे अनुसार, पवित्र आत्मा चे पवित्र करने चे जरिये आज्ञा मनणे ते ईशु मसीह चे लुहींया चे छिड़कले जाणे चे वास्ते चुणले गेले। तम्हानु अनुग्रह ते शान्ति ब़ोहत मिलती रिहो।

1 पतरस 3:21

ते ओही पाणीया ची मिसाल वी यानिकि बपतिस्मा, ईशु मसीह चे जीते हुवणे चे जरिये, हमा तम्हानु बचावे, ओचे कनु शरीरा चे मैल नु दूर करने चा मतलब कोनी छै, पर शोद्ध विवेक लारे नरीकारा चे हाथा मां हुती जाणे चा मतलब छै।

प्रकाशितवाक्य 1:5

ते ईशु मसीह चे तरफु जको भरोसेमन्द ग़वाही ते मरले आला महु जीता हुवणे आला महु पलेठी चा ते धरती चे राजा चा हाकिम छै तम्हानु अनुग्रह ते शान्ति मिलती रिहो। ओ अम्चे लारे प्रेम राखे ते ओणे आपणे लुहींया लारे अम्हानु पापा कनु छुड़ाले छै।