इब्रानियां 10:20 - ओङ राजपूत

²⁰ जको ओणे ओ पड़दे चे जरिये यानि आपणे शरीरा चे जरिये अम्चे वास्ते नवां ते जीता मार्ग़ खोलती ङिला।

इब्रानियां 10:20 ပူးပေါင်းရင်းမြစ်များ

मत्ती 27:51

ते ङेखा, मन्दरा चा पड़दा उपर कनु लाती तले तक फड़ीती कर ङोन टुकड़े हुती गेला। ते धरती हलती गेली ते चट्टाना तिड़कती गेलीया,

मरकुस 15:38

ते मन्दरा चा पड़दा उपर कनु लाती तले तक फड़ीती कर ङोन टुकड़े हुती गेला।

लूका 23:45

ते सूरज चे सोज़ले जते रेहले, ते मन्दरा चा पड़दा आधे मां फड़ीला गेला।

यूहन्‍ना 10:7

तब ईशु ने वानु बल्ति केहले, “मैं तम्हानु सच्‍च-सच्‍च किहे, भेङा चे दरवाजे मैं छै।

यूहन्‍ना 10:9

दरवाजे मैं छै, अगर कुई माये लारे भीतर आवे तां ऊं बचाले जई। ऊं भीतर ब़ाहर आवी जई ते चर्रा मिली।

यूहन्‍ना 14:6

ईशु ने वानु केहले, “मार्ग़, सच्‍चाई ते जीन्दगी मैं ही छै। बिना माये जरिये कुई नरीकार ब़ा गोढु पोज़ ना सग़ी।

इफिसियां 2:15

ते आपणे शरीरा मां बैर यानि वा व्यवस्था जाया आज्ञा विधिया ची रीतिया उपर हुतीया, मिटाती ङिले कि ङुंहु लारे आपणे मां हेक नवें इन्सान पैदा करती कर मेल कराती ङियो।

1 तीमुथियुस 3:16

ते ऐचे मां कुई शक्‍क कोनी, कि भग़ती चा भेद गम्भीर छै, यानिकि मसीह जको शरीरा मां प्रकट हुला, पवित्र आत्मा मां धर्मी सेद्ध ठहरला, स्वर्ग़दूता नु ङिसला, नेरीया जातिया मां ओचा प्रचार हुला, संसारा मां ओचे उपर विश्‍वास करला गेला, ते महिमा मां उपर चवीला गेला।

इब्रानियां 6:19

वा आस अम्चे प्राण वास्ते इसड़ा लंगर छै जको टिकाऊं ते मजबूत छै, जको पड़दे चे भीतर अति पवित्र स्थान तक पुज़ती जाये,

इब्रानियां 9:3

ङुजे पड़दे चे भांसु जको खाने हुते ओ अति पवित्र स्थान किहवाता।

इब्रानियां 9:8

पवित्र आत्मा हा बात स्पष्ट करे कि जब तक तम्बूआ चे पेहले खाने छै, तब तक अति पवित्र स्थान मां जाणे चा मार्ग़ खुला कोनी।

1 पतरस 3:18

कांकि मसीह ने वी अम्चे पापा चे वास्ते ङोख भोग़ले। यानिकि ओ बेकसूर हुता। अम्चे पापा चे वास्ते हेक वारी मरती गेला कि अम्हानु नरीकारा चे गोढु गेहती जाओ। शरीरा चे जरिये तां ओ मारला गेला, पर आत्मा चे जरिये जिवाला गेला।

1 यूहन्‍ना 4:2

नरीकारा ची आत्मा लारे ब़ोलणे आले नु तम्ही यूं पिछाण सग़ा, हर हेक आत्मा जको मनती गिहे कि, “ईशु मसीह बन्दे चे रूपा मां हुती कर धरती उपर आला।” ओ नरीकारा ची आत्मा कनु ब़ोलणे आला छै।

2 यूहन्‍ना 1:7

कांकि ब़ोहत सारे इसड़े भरमाणे आले संसारा महु निकलती आले, जको ईं ना मनी कि ईशु मसीह शरीरा मां हुती कर आला। भरमाणे आला ते मसीह-विरोधी हाओ छै।