इब्रानियां 1:3 - ओङ राजपूत

³ ओ नरीकारा ची महिमा चे सोज़ले, ते ओचे सुभाव ची छाप छै, ते सारीया चीजा नु आपणी सामर्थ चे वचना लारे, सम्भाले। ओ अम्चे पापा नु धोती कर, स्वर्ग़ा मां सर्वशक्‍तिमान नरीकारा चे सज़्ज़े पासु जती ब़ेहला।

इब्रानियां 1:3 ပူးပေါင်းရင်းမြစ်များ

मत्ती 22:24

“हे गुरु, मूसा ने केहले हुते कि अगर कुई बिना ऊलाद्धी चे मरती जाये, ते ओचा भऊ ओची घराआली लारे बीहा करती कर आपणे भावां चे वास्ते ऊलाद्ध पैदा करो।

मरकुस 16:19

प्रभु ईशु वांचे लारे बाता करने चे बाद स्वर्ग़ा उपर चती गेहला गेला, ते नरीकारा चे सज़्ज़े पासु ब़ेसती रेहला।

यूहन्‍ना 1:14

ते वचन देहधारी हुला, ते अनुग्रह ते सच्‍चाई लारे भरीती कर अम्चे बीच मां डेरा करला, अम्ही ओची इसड़ी महिमा ङेखली, जिसड़ी ब़ा चे हिकड़ाते ची महिमा।

यूहन्‍ना 1:29

ङुजे ङिओ यूहन्‍ना ने ईशु नु आपणी तरफ आते ङेखती कर केहले, “ङेखा, ईं नरीकारा चे मेमणे छै, जको संसारा चे पापा नु चती चाह्‍ले जाये।

यूहन्‍ना 1:4

ओचे मां जीवन हुता, ते हा जीवन बन्दा ची ज्योति हुती।

प्रेरितां चे काम 2:33

यूं करती नरीकारा चे सज़्ज़े हाथा कनु ऊंची पद्दवी गेहती कर, ते ब़ा कनु वा पवित्र आत्मा गेहती कर जाया वायदा करला गेलता, ओणे हा उण्डेलती ङिला जको तम्ही ङेखा ते सुणा वी।

प्रेरितां चे काम 7:56

“ङेखा, मैं स्वर्ग़ा नु खुड़ले आले, ते मैं इन्साना चे पूता नु नरीकारा चे सज़्ज़े पासु भिले आले ङेखे पला।”

रोमियां 1:16

मैं सुसमाचार वास्ते शर्मिन्दा कोनी, कांकि हा सुसमाचार नरीकारा ची सामर्थ छै, जको विश्‍वास करने आला वास्ते, पेहले तां यहूदी, बल्ति नेरीया जातिया वास्ते, उद्धार चा मार्ग़ छै।

रोमियां 8:34

बल्ति कूण छै जको ङण्ड ची आज्ञा ङिही? मसीह ईशु ही छै जको मरती गेला बल्कि मरला आला महु जीता वी हुती गेला, ते नरीकारा चे सज़्ज़े पासु ब़ेहला, ते अम्चे वास्ते बिनती वी करे।

2 कुरिन्थियां 4:4

ते वा अविश्‍वासीया चे वास्ते, जाई ब़ुध्दि नु ऐ संसारा चे ईश्‍वर ने यानिकि शैताना ने अन्धी करती नाखली, ताकि मसीह जको नरीकारा चा प्रतिरुप छै, कि ओचे तेजोमय सुसमाचार चे सोज़ले वांचे उपर ना चमको।

कुलुस्सियां 3:1

तां जिसे बेले तम्ही मसीह चे लारे जिवाले गेले, तां स्वर्ग़ीय चीजा ची खोज मां रिहा, जिठे मसीह मोजुद छै, ते नरीकारा चे सज़्ज़े पासु ब़ेहला।

तीतुस 2:14

जेह्णे आपणे आप नु अम्चे वास्ते ङिती ङिले, कि अम्हानु हर-तरहा चे अधर्म कनु छुड़ाती गिहो, शोद्ध करती आपणे वास्ते हेक इसड़ी जाति बणाती गिहो जको भले-भले कामा मां तियार हो।

इब्रानियां 1:13

कांकि स्वर्ग़दूता महु नरीकारा ने कङी कानु इसड़े कोनी केहले, “माये सज़्ज़े पासु ब़ेसती रेह, जब तक कि मैं दुधे बैरीया नु दुधे पग़्ग़ा चे तले ची चौकी ना करती ङिये।”

इब्रानियां 10:12

पर मसीह तां पापा चे बदले हेक ही बलिदान सदा वास्ते चढ़ाती कर नरीकारा चे सज़्ज़े पासु जती ब़ेहला।

इब्रानियां 12:2

ते विश्‍वास चे कर्ता ते सेद्ध करने आले ईशु ची तरफ तकते रिहुं, जेह्णे ओ आनन्द वास्ते जको ओचे वास्ते पला हुता, लाज़ ची कुई चिन्ता ना करते हुले क्रूस चे ङोख सेहले, ते नरीकारा चे सिंहासन चे सज़्ज़े पासु जती ब़ेहला।

इब्रानियां 4:14

ऐवास्ते जब नरीकारा चा पूत ईशु हेक इसड़ा महान महायाजक, जको स्वर्ग़ा मां गेला, जको अम्ही मनती गेले, ओचे मां विश्‍वास मां मजबूत बणले रिहुं।

इब्रानियां 7:27

ते वां महायाजका आलीकर ओनु जरुरी कोनी कि हर ङिओ पेहले आपणे पापा वास्ते ते बल्ति लौका चे पापा वास्ते बलि भेंट चढ़ाओ, कांकि ओणे आपणे आप नु बलि चे रूपा मां भेंट चढ़ाती कर विनु हेके वारी निपटाती ङिले।

इब्रानियां 8:1

हमा जको बाता अम्ही किहुं पले, वांचे महु सबकनु बङी बात हा छै, कि अम्चा इसड़ा महायाजक छै, जको स्वर्ग़ा चे उपर महिमामय नरीकारा चे सिंहासना चे सज़्ज़े पासु जती ब़ेहला।

इब्रानियां 9:16

जिठे तक वसीयत नांवा चा सवाल छै, तां ओचे वास्ते जेह्णे ओनु लिखले, ओची मौत नु प्रमाणित करने जरुरी छै।

इब्रानियां 9:26

ना तां जग़त ची उत्पत्ति कनु गेहती कर मसीह नु बार-बार ङोख चवणे पड़ी हा। पर हमा युगा चे अन्त मां ओ सारा वास्ते हेको ही बार खौद्द आपणी ही बलि चे जरिये पाप नु मिटाती ङेणे वास्ते प्रकट हुती गेला।

1 पतरस 1:21

जको ओचे जरिये ओ नरीकारा उपर विश्‍वास करा, जेह्णे ओनु मरले आला महु जीते करले, ते महिमा ङिली, कि तम्चा विश्‍वास ते उम्मीद नरीकारा उपर हो।

1 पतरस 3:22

ओ स्वर्ग़ा मां जती कर नरीकारा चे सज़्ज़े पासु जती कर ब़ेसती रेहला, ते स्वर्ग़दूत ते अधिकारी ते सामर्थी ओचे अधीन मां करती ङिले गेले।

2 पतरस 1:16

कांकि जिसे बेले अम्ही तम्हानु आपणे प्रभु ईशु मसीह ची ताकत चा, ते आवणे चा समाचार ङिला हुता तां वे चतराई लारे घड़लीया आलीया कहाणीया चा सहारा कोनी गेला हुता। बल्कि अम्ही तां आप ही खौद्द ओची महानता चे ग़वाह छिऊं।

2 पतरस 1:17

कांकि जब ओणे नरीकार ब़ा कनु कद्दर, ते महिमा गेहली ते वे प्रतापमय महिमा महु हा अवाज आली, “हा माया प्यारा पूत छै, जाये कनु मैं खौश छै।”

1 यूहन्‍ना 1:7

अगर जिसड़ा ओ सोज़ले छै, यूंही अम्ही हमा वी सोज़ले मां टुरु तां हेके ङुजे लारे सहभागिता राखु वी, ते नरीकारा चा पूत ईशु चे लुहीं अम्हानु सारा पापा कनु शोद्ध करे।

1 यूहन्‍ना 3:5

तम्ही जाणा कि ईशु मसीह ऐवास्ते आला कि बन्दा चे पापा नु नाश करती नाखो। ते ओणे कङी पाप कोनी करला।

यहूदा 1:25

ओ हेक मात्र नरीकार अम्चे उद्धारकर्ता ची महिमा ते गौरव ते पराक्रम ते अधिकार, अम्चे प्रभु ईशु मसीह चे जरिये जिंवे सनातन काल कनु छै, हमा वी हो ते युगानयुग रिहो। आमीन।

प्रकाशितवाक्य 3:21

जको जीतती जई, मैं ओनु आपणे लारे आपणे सिंहासना उपर ब़िसाणी, जिंवे मैं वी जीतती कर आपणे ब़ा चे लारे ओचे सिंहासना उपर ब़ेसती रेहला।

प्रकाशितवाक्य 4:11

“हे अम्चे प्रभु, ते नरीकार, तु ही महिमा, ते आदर, ते सामर्थ चे जोगा छी। कांकि तु ही सब चीजा सृजलीया ते वे दुधी ही इच्छा लारे हुतीया ते सृजलीया गेलीया।”