इब्रानियां 1:14 - ओङ राजपूत

¹⁴ का सारे स्वर्ग़दूत सेवा वास्ते चुणले आलीया आत्मा कोनी छी कि वे वांची सेवा करो, जको उद्धार गेहणे आले छी?

इब्रानियां 1:14 ပူးပေါင်းရင်းမြစ်များ

मत्ती 1:20

जिसे बेले ओ यां बाता ची सोच मां हुता तां प्रभु चा स्वर्ग़दूत ओनु खाबा मां ङिसला ते केहले, “हे यूसुफ! दाऊद ची ऊलाद्ध, तु आपणी घरा आली मरियम नु आपणे इठे आणने कनु ना ङर, कांकि जको विचे ढिड्डा मां छै, ऊं पवित्र आत्मा ची ओर कनु छै।

मत्ती 13:41

मैं इन्साना चा पूत आपणे स्वर्ग़दूता नु भेज़ी, ते वे ओचे राज़ महु सारे पापीया नु, ते जको बन्दा कनु पाप करवावी वानु भेले करे।

मत्ती 18:10

“ङेखा, तम्ही यां छोटा महु कानु वी तोच्छ ना जाणा, कांकि मैं तम्हानु किहे पला कि स्वर्ग़ा मां वांचे स्वर्ग़दूत माये स्वर्ग़ीय ब़ा नरीकारा चे मुँह सदा ङेखी।

मत्ती 2:13

ज्योतिषिया चे चाह्‍ले जाणे चे बाद, यूसुफ नु खाबा मां प्रभु चा हेक स्वर्ग़दूत ङिसला ते ओणे केहले, “उठती कर ब़ाला नु ते ओची आई नु गेहती कर चोप-चाप करती मिस्र नु चाह्‍ला जा, ते जब तक मैं ना किहे, तब तक उठी रिहो, कांकि हेरोदेस ऐ ब़ाला नु सोता फिरे कि ओनु मरवाती नाखे।”

मत्ती 24:31

ओ तुरही ची बङी अवाजी लारे आपणे स्वर्ग़दूता नु भेज़ी, ते वे आसमाना चे ऐ कूणे कनु ओ कूणे तक चारो दिशा कनु नरीकारा चे चुणले आले लौका नु भेले करी।

मत्ती 25:34

“मैं राजा आपणे सज़्ज़े पासे आला नु किही, ‘हे माये ब़ा ची धन्‍न बन्दी, आवा, ओ राज़ चे अधिकारी हुती जावा, जको संसार चे शुरुआत कनु तम्चे वास्ते तियार करला आला छै।

मत्ती 4:11

बल्ति शैतान ओनु छोड़ती कर चाह्‍ला गेला, ते ङेखा, स्वर्ग़दूत आती कर ओची सेवा करु लाग़ले।

मरकुस 10:17

जब ईशु उठु कनु निकलती कर मार्ग़ा मां जाये पलता, तां हेक बन्दे ओचे सनु द्रोड़ते हुले आले, ते ओचे आग़ु गोङे टेकती कर ओकनु पूछले, “हे उत्तम गुरु, अनन्त जीवन चा अधिकारी हुवणे वास्ते मैं का करे?”

लूका 1:19

स्वर्ग़दूता ने ओनु उत्तर ङिला, “मैं जिब्राइल छै, जको नरीकारा चे सामणे भिला रिहे। मैं दुधे लारे बात करने ते हा सुसमाचार सुणावणे वास्ते भेज़ला गेला।

लूका 1:23

जिसे बेले ओची याजकीये सेवा ची ङिहें पुरी हुली, ते ओ आपणे घरे चाह्‍ला गेला।

लूका 16:22

ते इसड़े हुले कि ओ कंगाल मरती गेला, ते स्वर्ग़दूता ने ओनु चती कर अब्राहम ची गोङी मां पुचाले, ते ओ धनवान वी मरला ते पुरीला गेला।

लूका 2:13

बल्ति हेको हेक ओ स्वर्ग़दूता चे लारे स्वर्ग़दूता चा दल नरीकारा ची स्तुति करते हुले ते ईं केहते ङिसले,

लूका 2:9

ते प्रभु चा हेक दूत वांचे गोढु आला ते प्रभु चा तेज वांचे चारो-तरफ चमकला वे घणे ङरती गेले।

प्रेरितां चे काम 11:22

बल्ति वांची चर्चा यरुशलेम ची कलीसिया ने सुणली ते वाणे बरनबास नु अन्ताकिया भेज़ले।

प्रेरितां चे काम 12:23

ओही बेले प्रभु चे हेक स्वर्ग़दूता ने तुरन्त ओचे उपर वार करला, कांकि ओणे नरीकारा ची महिमा कोनी करली हुती ओचे शरीरा मां कीड़े पड़ती गेले ते ओ मरती गेला।

प्रेरितां चे काम 12:7

बल्ति प्रभु चा हेक स्वर्ग़दूत आती खड़ा हुला ते कोठड़ी मां सोज़ले चमकले, ते ओणे पतरस चे पासे उपर हाथ मारती कर ओनु सुज़ाक करले, ते केहले, “ऊठ, जल्दी कर।” ते ओचे हाथा महु संगल खुलती कर ढेती पले।

प्रेरितां चे काम 13:2

जिसे बेले वे उपवास मां प्राथना करी पलते ले, ते पवित्र आत्मा ने वानु केहले, “माये वास्ते बरनबास ते शाऊल नु वे सेवा वास्ते अलग़ करा जाये वास्ते मैं वानु हकारले।”

प्रेरितां चे काम 16:26

इतने मां अचानक हेक बङा भूकम्प आला, इठे तक कि कैदखाने चा कन्धा हलु लाग़ती गेलीया, ते तुरन्त सारी दरवाजी खुलती गेली, ते सारा कैदीया चा ब़ेड़ीया खुलती गेलीया।

प्रेरितां चे काम 27:23

कांकि नरीकार जाया मैं छै, ते ओची सेवा करे, ओचे स्वर्ग़दूता ने आज़ राती नु माये गोढु आती कर केहले कि,

प्रेरितां चे काम 5:19

पर राती नु हेक स्वर्ग़दूता ने कैदखाने चे दरवाजा नु खोलती कर वानु ब़ाहरु आणती कर केहले,

रोमियां 11:14

ताकि कुई तरह लारे मैं आपणे कुणम्बे मां रीस पैदा करवाती कर वांचे महु कई जणा चा उद्धार करवावे।

रोमियां 13:6

ऐवास्ते लगान वी ङिया, कांकि शासन करने आले नरीकारा चे सेवक छी, ते सदा ऐह कामा मां लाग़ले रिही।

रोमियां 15:16

कि मैं नेरीया जातिया वास्ते मसीह ईशु चा सेवक हुती कर नरीकारा चे सुसमाचार ची सेवा हेक याजक चे समान करे, जाये कनु नेरीया जातिया चे मनती गिहा कि भेंट चढ़ाले जाणे, पवित्र आत्मा लारे पवित्र बणती कर ग्रहण करला जाये।

रोमियां 15:27

आच्छे तां लाग़ले, पर वे वांचे कर्जदार वी छी, कांकि अगर नेरीया जातिया वांचीया आत्मिक बाता मां शामिल हुले तां वांचे वास्ते वाजिब छै कि, संसारिक चीजा लारे वांची सेवा करा।

रोमियां 8:17

ते अगर ऊलाद्ध छिऊं तां वारिस वी छिऊं, बल्कि नरीकारा चे वारिस ते मसीह चे संगी वारिस छिऊं। जिसे बेले अम्ही ओचे लारे ङोख चऊं तां ओचे लारे महिमा वी गिहुं।

1 कुरिन्थियां 1:21

नरीकारा ने आपणे ज्ञान मां ईं असम्भव करले कि लौक आपणे ज्ञान चे अनुसार नरीकारा नु जाणो, पर नरीकारा नु ईं आच्छे लाग़ले कि, ऐ प्रचार चे जरिये जानु लौक मूर्खता समझे, विश्‍वास करने आला नु उद्धार ङिये।

2 कुरिन्थियां 9:12

कांकि ऐ दान ची सेवा नु पुरे करने लारे, ना सेर्फ नरीकारा चे लौका चा कमीया पुरीया हुवी, पर लौका ची ओर कनु नरीकारा चा ब़ोहत धन्यवाद हुवे।

गलातियां 3:29

अगर तम्ही मसीह चे छिवा तां तम्ही अब्राहम चे वंशज वी छिवा। जको वायदा नरीकारा ने अब्राहम लारे करला हुता ओह वायदे चे वारिस वी छिवा।

गलातियां 3:7

तम्ही ईं जाणती गिहा कि भरोसा करने आले ही अब्राहम ची ऊलाद्ध किहवाली,

गलातियां 3:9

ऐवास्ते जको विश्‍वास करे ओ विश्‍वास करने आला अब्राहम लारे आशीष पावे।

इफिसियां 3:6

मतलब हा छै कि, ईशु मसीह मां सुसमाचार चे जरिये नेरीया जातिया चे लौक यहूदिया लारे विरासत मां भईवाल हुती गेले, ते मसीह चे हेक ही शरीरा लारे ते वायदे मां भईवाल हुले।

फिलिप्पियां 2:17

अगर मनु तम्चे विश्‍वास रूपी बलिदान ते सेवा चे लारे आपणे लुहीं वी बाहणे पड़ो, तां वी मैं खौश छै, ते तम्चे सारा लारे मैं खुशी मनावी।

फिलिप्पियां 2:25

पर मैं इपफ्रुदीतुस नु जको माया भऊ ते भईवाल ते संगी योद्धा ते तम्चा दूत छै, ते जरुरी बाता मां माई सेवा-टहल करने आला छै, तम्चे गोढु भेज़णे जरुरी समझले।

2 थिस्सलुनीकियां 1:7

ते तम्ही जको क्लेश पावा, अम्चे लारे सोख हो, ओ समय उपर जिसे बेले कि प्रभु ईशु आपणे सामर्थी दूता चे लारे, धधकते हुले जाखते महु स्वर्ग़ा कनु प्रकट हुवी।

तीतुस 3:7

अम्ही नरीकारा चे अनुग्रह लारे धर्मी हुती कर, ते अनन्त जीवन ची आस चे अनुसार वारिस बणले।

इब्रानियां 10:11

ते हर हेक याजक तां भिले रेहती कर हर ङिओ सेवा करे ते हेक ही तरह चे बलिदाना नु जको पापा नु कङी दूर ना कर सग़ी बार-बार चढ़ावे।

इब्रानियां 2:3

तां अम्ही लौक इसड़े महान उद्धार ची बेपरवाही करती कर आणे आले ङण्ड कनु किवें बच सग़ु? जाई चर्चा सबकनु पेहले खौद्द प्रभु चे जरिये करली गेली, ते प्रभु नु सुणने आला चे जरिये अम्हानु विश्‍वास हुला।

इब्रानियां 5:9

ते सेद्ध बणती कर ओ खौद्द वां सब वास्ते जको ओची आज्ञा चा पालन करी अनन्त काल वास्ते उद्धार ची वजह बणती गेला।

इब्रानियां 6:12

तम्ही आलसी ना बणा, बल्कि वांचे कदमा उपर चला जको विश्‍वास ते सब्रा लारे वायदे चे वारिस छी।

इब्रानियां 6:17

ऐवास्ते जब नरीकारा ने वायदे चे वारिसा चे उपर होर वी साफ रीति लारे उजागर करने चाह्‍ले कि ओची मनसा बदल ना सग़ी, तां कसमी नु बीच मां आणले।

इब्रानियां 8:6

पर वां याजका कनु बधती कर सेवा मसीह ईशु नु मिड़ली कांकि ओ होर वी उत्तम वाचा चा बिचोला बणला जको होर वी खरे वायदे चे सहारे ब़ांहला गेला।

इब्रानियां 9:28

यूं करती मसीह ब़ोहता चे पाप चवणे वास्ते हेक ही वारी खौद्द नु भेंट करले। ओचे बाद हमा दुबारा प्रकट हुवी, पापा नु चवणे वास्ते ना, पर वांचे उद्धार वास्ते जको ओचे इन्तजार मां छी।

याकूब 2:5

हे माये प्यारे भऊ, सुणा, का नरीकारा ने ऐ संसारा चे कंगाला नु कोनी चुणले कि विश्‍वासा मां अमीर ते ओ स्वर्ग़ राज़ चे अधिकारी हो जाया वायदा ओणे वांचे लारे करला जको ओचे लारे प्रेम राखे?

1 पतरस 1:12

वांचे उपर ईं वी उजागर करले गेले, कि वे आपणी कोनी बल्कि तम्ची सेवा करने चे वास्ते ये बाता किही पलते ले, जाया समाचार तम्हानु हमा वांचे जरिये मिड़ला जेह्णे पवित्र आत्मा चे जरिये जको स्वर्ग़ा कनु भेज़ला गेला तम्हानु सुसमाचार सुणाला, जा बाता नु जाणने चे वास्ते तां स्वर्ग़दूत वी तरसते रिही।

1 पतरस 1:4

यानि हमा तम्चे वास्ते स्वर्ग़ा मां वा विरासत मेहली गेली, जाये तम्ही वारिस छिवा। जको ना तां कङी खत्तम हुवणे आली, ते निर्मल, ते ना ही कङी गलणे आली छै।

1 पतरस 3:7

यूंही हे घराआले, तम्ही वी समझदारी लारे घराआलीया लारे जीवन बितावा। ते असतरीया नु निर्बल चीज जाणती कर वांचा कद्दर करा, हा समझती कर कि अम्ही ङोनी जीवन चे वरदान चे वारिस छिऊं, जाये कनु तम्चीया प्राथना रुकती ना जाओ।

यहूदा 1:14

ते हनोक ने वी जको आदम ची सातवीं पीढ़ी महु आला, यांचे बारे मां हा भविष्यवाणी करली हुती कि, “ङेखा, प्रभु आपणे हजारा पवित्र दूता लारे आती कर,

प्रकाशितवाक्य 5:6

तब मैं ओ सिंहासन ते चाहरी जींया ते प्राचीना चे बीच मां, हेक मैमणे भिले आले ङेखले, ऊं इसड़े ङिसे भिलते ले जिंवे कि बलि चढ़ाले गेले हो, ओचे सात सींगे ते सात आँख हुतीया ये नरीकारा चीया सात आत्मा छी जको सारी धरती उपर भेज़लीया गेलीया।