गलातियां 6:9 - ओङ राजपूत

⁹ ऐवास्ते आवा भलाई करते बेले कङी वी कोनी थाकु, कांकि अगर अम्ही भलाई करते रिहुं, तां आच्छा ब़ेहला आणे उपर अम्हानु ओचा फल मिली।

गलातियां 6:9 ပူးပေါင်းရင်းမြစ်များ

मत्ती 10:22

माये नांवा ची वजह कनु सारे लौक तम्चे लारे बैर राखे, पर जको अन्त तक सब्र करली रिही ओचा उद्धार हुवी।

मत्ती 24:13

पर जको अन्त तक सब्र करली रिही, ओचा उद्धार हुवी।

मत्ती 25:17

यूं करती जिसे नु ङोन मिड़ले हुते, ओणे वी ङोन नेरे कमाले।

मत्ती 9:19

ईशु उठती कर आपणे चैला समेत ओचे भांसु टुरती पला।

मरकुस 3:3

ओणे सूखले हाथा आले बन्दे नु केहले, “आधे मां खड़ा हो।”

लूका 18:1

बल्ति ईशु ने ऐचे बारे मां केहले कि हमेशा प्राथना करनी ते हिम्मत नी छोड़नी चाही छै, वानु हा मिसाल ङिली,

रोमियां 2:7

जको लगातार आच्छे काम करते हुले, महिमा ते आदर ते अनन्त जीवन ची खोज मां रिही, वानु नरीकार अनन्त जीवन ङिही।

1 कुरिन्थियां 15:58

ऐवास्ते हे प्यारे भऊ, मजबूत ते अटल रिहा, ते प्रभु चे कामा मां सदा बधते जावा, तम्ही ईं जाणा, तम्ची मेहनत प्रभु मां बेकार कोनी।

2 कुरिन्थियां 4:1

ऐवास्ते जब अम्चे उपर इसड़ी दया हुली कि अम्हानु हा सेवा मिड़ली, तां अम्ही हिम्मत ना छोड़ु।

2 कुरिन्थियां 4:16

ऐवास्ते अम्ही हिम्मत ना छोड़ु, अगर अम्चा ब़ाहरला इन्सानी रुप नाश हुता जाये, तां वी अम्चा भितरला इन्सानी रुप ङिओ उपर ङिओ नवां हुता जाये पला।

2 कुरिन्थियां 9:6

पर बात तां हा छै कि, जको थोड़े राहवे ऊं थोड़े ही बाढी, ते जको घणे राहवे, ऊं घणे बाढी।

इफिसियां 3:13

मैं बिनती करे पला जको क्लेश माये मां हुवी पले ओचे मां तम्ही हिम्मत ना हारा कांकि वांचे मां तम्ची महिमा छै।

2 थिस्सलुनीकियां 3:13

ते तम्ही, ओ माये भऊ ते ब़ेहणीया, भलाई करने मां हिम्मत ना छोड़ा।

इब्रानियां 12:3

ऐवास्ते ओचे उपर विचार करा, जेह्णे आपणे विरोध मां पापीया चा इतना घौर कष्ट सेहती गेला कि तम्ही निराश हुती कर हिम्मत ना छोड़ती ङिया।

इब्रानियां 12:5

तम्ही ओ उपदेश नु जको तम्हानु पूता आलीकर ङिला जाये, भूलती गेले, “हे माया पूत, प्रभु चे अनुशासन नु हल्के ना समझ, ते ओची ताड़ना लारे हिम्मत ना छोड़।

इब्रानियां 3:14

अगर अम्ही आपणे पेहले भरोसे नु अन्त तक बणाली रिहुं, तां अम्ही मसीह चे भईवाल बणले रिहुं।

इब्रानियां 3:6

पर मसीह पूता आलीकर नरीकारा चे घरा चा अधिकारी छै। अगर अम्ही मजबूत विश्‍वासा उपर ते आपणी आस चे गर्व उपर अन्त तक मजबूती लारे बणले रिहुं, तां अम्ही ओचे घराणे छिऊं।

याकूब 5:7

हे माये भऊ, प्रभु चे बल्ति आणे तक तसल्‍ली राखा, ओ जमींदार नु तां ङेखा जको आपणी भोंये ची कीमती रहड़ी चा इन्तजार करता रिहे। ऐवास्ते शुरु ची बारशी कनु लाती कर ओ आखरी बारशी तक लगातार तसल्‍ली लारे इन्तजार करता रिहे।

1 पतरस 2:15

कांकि नरीकारा ची इच्छा हाओ छै कि तम्ही आपणे भले कामा ची वजह कनु मूर्ख लौका चे मुँहा नु बन्द करती नाखा।

1 पतरस 3:17

कांकि अगर नरीकारा ची हाओ इच्छा हो, कि तम्ही भलाई करने वास्ते ङोख भोग़ा, तां हा बुराई करने ची बजाय कनु ङोख भोग़णे आच्छे छै।

1 पतरस 4:19

ऐवास्ते जको नरीकारा ची मर्जी चे अनुसार ङोख भोग़ी, वे भलाई करते हुले, आपणी-आपणी जेन्द नु विश्‍वासा लारे सरजनहार चे हाथा मां सोंपती ङिया।

प्रकाशितवाक्य 2:17

“जाये कान हो वे सुणती गिहो कि आत्मा कलीसिया नु का किहे पला। “जको जीतती जई, ओनु मैं लुकले आले मन्‍ने महु ङी, ते ओनु हेक चिट्टा पत्थर वी ङी, ते ओ पत्थरा उपर हेक नां लिखले आले हुवी, जानु ओचे गेहणे आले चे सिवाय नेरे कुई नी जाणी।

प्रकाशितवाक्य 2:3

तु सब्र करी ते माये नांवा वास्ते ङोख चते-चते थाकला कोनी।

प्रकाशितवाक्य 2:7

“जाये कान हो वे सुणती गिहो, कि आत्मा कलीसिया नु का किहे पला। “जको जीतती जई, मैं ओनु ओ जीवन चे दरख्ता कनु जको नरीकारा चे स्वर्ग़ लौक मां छै, फल खाणे नु ङी।