गलातियां 6:4 - ओङ राजपूत

⁴ हर हेक बन्दे आपणे कामा नु खौद्द जांचती गिहो, इसड़ा करने उपर ओनु आपणे खौद्द उपर बिना किसी लारे मिले गर्व करने चा मौका मिली।

गलातियां 6:4 ပူးပေါင်းရင်းမြစ်များ

लूका 18:11

फरीसी खड़ा हुती कर आपणे मना मां यूं प्राथना करु लाग़ला, ‘हे नरीकार, मैं दुधा धन्यवाद करे पला, कि मैं नेरा बन्दा आलीकर अन्धेर करने आला, अन्यायी ते व्यभिचारी कोनी, ते ना ऐ चुंगी गेहणे आले चे बराबर छै।

1 कुरिन्थियां 11:28

ऐवास्ते इन्सान आपणे आप नु परखती गिहो तां बल्ति ये रोटी महु खाओ ते ऐ मुंगरा महु पीयो।

1 कुरिन्थियां 3:14

जाये काम वे नीम उपर बणले आले मजबूत रिही, ऊं मजदूरी गिही।

1 कुरिन्थियां 3:8

राहवणे आला ते पाणी लावणे आला ङुंहु चा मकसद हेको ही हुवे, पर हर हेक बन्दे आपणी मेहनती चे अनुसार आपणी मजदूरी गिही।

2 कुरिन्थियां 1:12

कांकि अम्ही आपणे विवेक ची, ये ग़वाही उपर घमण्ड करु, कि दुनिया मां ते खास करती तम्चे बीच मां, अम्चा व्यवहार नरीकारा चे जरिये ङिली गेली पवित्रता ते सच्‍चाई सहित रेहला, जको संसारिक ज्ञान चा कोनी, पर हेको नरीकारा चे अनुग्रह चा नतीजा हुता।

2 कुरिन्थियां 13:5

आपणे आप नु परखा कि विश्‍वास मां छिवा जा कोनी, आपणे आप नु जांचा। का तम्ही आपणे बारे मां ईं ना जाणा कि ईशु मसीह तम्चे मां छै? ना तां तम्ही जांच मां निक्‍कमे निकड़ले छिवा।

गलातियां 6:13

कांकि खतना कराणे आले आप तां मूसा ची व्यवस्था चा पालन ना करी, पर तम्चा खतना ऐवास्ते करवाणा चाहवी कि तम्ची शरीरिक दशा उपर घमण्ड करो कि वांचे केहणे चे उपर तम्ही खतना करवाला।

फिलिप्पियां 1:26

जको घमण्ड तम्ही माये बारे मां करा, ताकि जिसे बेले मैं वापिस तम्चे गोढु आवी ते माये रेहते हुले, ईशु मसीह ची संगति मां तम्ची खुशी होर वी ज्यादा बढ़ती जाओ।