गलातियां 6:17 - ओङ राजपूत

¹⁷ चिठ्ठी नु लिखती कर बन्द करते बेले मैं तम्हा कनु बिनती करे पला कि उग़ते वास्ते कुई मनु ङोख ना ङियो, कांकि मैं ईशु चे दाग़ा नु आपणी देह मां गेहली फिरे।

गलातियां 6:17 ပူးပေါင်းရင်းမြစ်များ

प्रेरितां चे काम 15:24

अम्ही ईं सुणले कि, अम्चे महु कई जणा ने ओठे जती कर, तम्हानु आपणीया बाता लारे घब़राती नाखले, ते तम्चे मन बैचेन करती नाखले पर अम्ही वानु हा आज्ञा कोनी ङिली हुती।

2 कुरिन्थियां 1:5

कांकि जिंवे मसीह चे ब़ोहत ङुखा मां अम्ही भईवाल छिऊं, यूहीं मसीह चे जरिये ब़ोहत तसल्‍ली मां वी भईवाल हुले।

2 कुरिन्थियां 4:10

अम्ही हर समय ईशु ची मौत नु आपणे शरीरा मां गेहली फिरु, कि ईशु चा जीवन वी अम्चे शरीरा मां प्रकट हो।

गलातियां 1:7

पर ओ ङुजा सुसमाचार छै ही कोनी, पर बात हा छै कि कितने इसड़े छी जको तम्हानु भरमाती नाखी, ते ईशु मसीह चे सुसमाचार नु बिगाड़ना चाहवी।

फिलिप्पियां 3:10

मैं मसीह नु जाणना चाहवे ते वे शक्‍ति चा ऐहसास करना चाहवे, जाये कनु ओचा पुनरुत्थान हुला, तां मैं ओचे ङुखा मां शामिल हुवणा चाहवे। ते ओही रुप गेहणा चाहवे जानु ओणे आपणी मौत लारे सेहती गेलता।

कुलुस्सियां 1:24

हमा मैं वां ङुखा चे वजह खुशी मनावे, जको तम्चे वास्ते चवे, मसीह ची देह रूपी कलीसिया चे क्लेश मां हमेशा भईवाल हुता रिहे।

इब्रानियां 12:15

ध्यान राखा कि कुई वी नरीकारा चे अनुग्रह कनु वंचित ना रेहती जाओ, जा तम्चे मां कुई फूट ना पड़ती जाओ जको तम्हानु कष्ट ङियो ते ब़ोहता चे अशुद्ध हुवणे ची वजह बणो।

प्रकाशितवाक्य 13:16

ते ओणे छोटे, बङे, कंगाल, आजाद, दास सारे चे सज़्ज़े हाथा उपर जा वांचे मत्थे उपर हेक-हेक मौहर लवाणे चे वास्ते मजबूर करले।

प्रकाशितवाक्य 13:17

कि सेर्फ ओनु छोड़ती कर जाये उपर मौहर यानिकि ओ ङरावणे ढौरा चे नां, जा ते बल्ति ओचे नांवा चा अंक हो, ते नेरे कुई लेन-देन ना कर सग़ो।