गलातियां 6:14 - ओङ राजपूत

¹⁴ पर यूं ना हो कि मैं नेरी कुई बाते चा घमण्ड करे, सेर्फ अम्चे प्रभु ईशु मसीह चे क्रूसा चा, जाये जरिये संसार माई नजरी मां ते मैं संसारा ची नजरी मां क्रूसा उपर चढ़ाला गेला

गलातियां 6:14 ပူးပေါင်းရင်းမြစ်များ

लूका 20:16

ओ आती कर वां जमींदारा नु नाश करी, ते अंगूरा ची बाड़ी नेरा नु सोंपती ङी।” ईं सुणती कर वाणे केहले, “नरीकार करो इसड़े ना हो।”

रोमियां 1:16

मैं सुसमाचार वास्ते शर्मिन्दा कोनी, कांकि हा सुसमाचार नरीकारा ची सामर्थ छै, जको विश्‍वास करने आला वास्ते, पेहले तां यहूदी, बल्ति नेरीया जातिया वास्ते, उद्धार चा मार्ग़ छै।

रोमियां 6:2

कङी वी कोनी। अम्ही जब पापा वास्ते मरती गेले तां बल्ति आग़ु कनु ओचे मां किवें जीवन बिताऊं?

रोमियां 6:6

कांकि अम्ही जाणु कि अम्चा पुराणा सुभाव ईशु चे लारे क्रूसा उपर चढ़ाला गेला, ताकि पाप चे शरीर नाश हुती जाओ, कि आग़ु कनु अम्ही पाप चे गुलाम ना बणु।

1 कुरिन्थियां 1:23

पर अम्ही तां ओ क्रूसा उपर चढ़ाले आले मसीह चा प्रचार करु जको यहूदिया वास्ते ठोकर ची वजह छै ते नेरीया जातिया वास्ते मूर्खता छै।

1 कुरिन्थियां 15:58

ऐवास्ते हे प्यारे भऊ, मजबूत ते अटल रिहा, ते प्रभु चे कामा मां सदा बधते जावा, तम्ही ईं जाणा, तम्ची मेहनत प्रभु मां बेकार कोनी।

1 कुरिन्थियां 2:2

कांकि मैं मना मां सराती गेलते, कि तम्चे मां ईशु मसीह, बल्कि क्रूसा उपर चढ़ाले हुले मसीह नु छोड़ती नेरी किसी बाते नु ना जाणे।

1 कुरिन्थियां 3:21

ऐवास्ते लौका चे कामा उपर गर्व ना करो, कांकि सब कोच्छ तम्ची भलाई वास्ते ही छै।

2 कुरिन्थियां 11:12

मैं जको करता आवे पला ऊंही करता वी जई, जाये कनु वां लौका नु ये बाते चा गर्व करने चा मौका ना मिलो कि वे प्रचार चे कामा मां माये बराबर छी।

गलातियां 1:4

प्रभु ईशु मसीह ने आपणे आप नु अम्चे पापा चे वास्ते ङिती ङिले, ताकि अम्चे नरीकार ते ब़ा ची इच्छा चे अनुसार अम्हानु ऐ वर्तमान बुरे संसारा कनु छुड़ाओ।

गलातियां 2:17

“पर अम्ही जको मसीह मां धर्मी ठहरना चाहु, अगर आप ही पापी निकले तां का मसीह पाप चा सेवक ठहरी? कङी वी ना

गलातियां 2:19

मैं तां व्यवस्था चे लारे व्यवस्था वास्ते मरती गेला, ताकि नरीकारा चे वास्ते जिंवे।

गलातियां 2:20

मैं मसीह चे लारे क्रूसा उपर चढ़ाला गेला, हमा मैं जीता ना रेहला, पर मसीह माये मां जीता छै, मैं शरीरा मां जको हमा जीता छै, तां सेर्फ ओ विश्‍वास लारे जीता छै जको नरीकारा चे पूता उपर छै जेह्णे मनु प्रेम करला, ते आपणे आप नु माये वास्ते ङिती ङिले।

गलातियां 3:21

तां कां व्यवस्था नरीकारा चे वायदे चे विरोध मां छै? कङी वी ना हो, कांकि अगर नियम इसड़ा ङिला जईया जको जीवन ङे सग़ीया तां सच्‍चमां धार्मिकता व्यवस्था लारे ही हुवीया,

गलातियां 5:24

ते जको मसीह ईशु चे छै, वाणे आपणे पापी शरीरा चा बुरा सुभाव ते बुरी लालसा ते अभिलाषा समेत क्रूसा उपर चढ़ाती ङिले

फिलिप्पियां 3:18

कांकि ब़ोहत से इसड़ी चाल चली, जाई चर्चा मैं तम्हानु बार-बार करली, ते हमा वी रोती-रोती कर किहे पला कि वे आपणी चाल-चलन लारे मसीह चे क्रूसा चे बैरी छी।

फिलिप्पियां 3:3

कांकि सच्‍चे खतने आले तां अम्ही ही छिऊं जको नरीकारा ची आत्मा ची अगुवाई लारे उपासना करु, ते मसीह ईशु उपर गर्व करु, ते शरीरा चे खतने जिसड़ी बाता पर भरोसा ना राखु।

कुलुस्सियां 2:20

जबकि तम्ही मसीह चे लारे संसारा ची शिक्षा ची तरफा कनु मरती गेले, तां बल्ति वांचे समान जको संसारा मां जीन्दगी बितावी ते बन्दा ची आज्ञा ते शिक्षा चे अनुसार।