गलातियां 6:12 - ओङ राजपूत

¹² वे सेर्फ ङुजे यहूदिया नु ब़ाहर चा ङिखावा करना चाहवी, इसड़े लौक तम्चा खतना करवाणे वास्ते तम्चे उपर दब़ाव नाखी, ब़स ऐवास्ते कि वे मसीह चे क्रूसा चे सुसमाचार कि वजह कनु सताले ना जाओ।

गलातियां 6:12 ပူးပေါင်းရင်းမြစ်များ

मत्ती 23:27

“हे कप्पटी शास्त्री ते फरीसी, तम्चे उपर हाय! तम्ही चूना पोतलीया कब्रा आलीकर छिवा जको उपर कनु तां सोणीया ङिसी, पर भीतर मुड़दा चा हङीया ते हर-तरहा ची मलिनता लारे भरलीया आलीया छी।

मत्ती 23:28

यूं करती तम्ही वी उपर कनु बन्दा नु धर्मी ङिसा, पर भीतर कप्पट ते अधर्म लारे भरले पले।

मत्ती 23:5

वे आपणे सारे काम लौका नु ङिखाणने वास्ते करी। वे आपणे तवीजा नु चौड़े करी ते जको ठोङा उपर ते हाथा उपर ब़ांधी, ते आपणे चोला चे कूणे बधावी, ताकि बन्दी वानु धर्मी समझो!

मत्ती 5:10

धन्‍न छी वे, जको धार्मिकता ची वजह कनु सताले जई, कांकि स्वर्ग़ चा राज़ वांचा छै।

मत्ती 6:16

“जिसे बेले तम्ही उपवास राखा तां कप्पटीयां आलीकर तम्चे मुँहा उपर उदासी ना छाली रिहो, कांकि वे आपणे मुँह बणाली राखी, ताकि लौक वानु उपवास राखली आले जाणो। मैं तम्हानु सच्‍च किहे कि वे आपणा फल पाती चुकले।

मत्ती 6:2

“ऐवास्ते जिसे बेले तु गरीबा नु दान करी, तां आपणे आग़ु तूती ना बजवा, जिंवे कप्पटी, प्राथनाघरा मां ते गलीया मां करी, ताकि लौक वांची बढ़ाई करी मैं तम्हानु सच्‍च किहे कि वे आपणा प्रतिफल पाती चुकले।

मत्ती 6:5

“जिसे बेले तु प्राथना करी, तां कप्पटीयां चे जिसड़ा ना हो, कांकि लौका नु ङिखाणे वास्ते कोनी प्राथनाघरा मां ते सड़का चे मोड़ा उपर खड़े हुती कर प्राथना करने वानु आच्छे लाग़े। मैं तम्हानु सच्‍च किहे पला कि वे आपणा फल पाती चुकले।

लूका 16:15

ईशु ने वानु केहले, “तम्ही तां लौका चे सामणे आपणे आप नु धर्मी बणावा, पर नरीकार तां तम्चे मना नु जाणे, कांकि जको चीजा लौका चे नजरी मां महान छी, वे नरीकारा चे नजरी मां नफरत चा छी।

लूका 20:47

वे बांढीया चे घर खाती जई, ते ङिखाणने वास्ते बङी देर तक प्राथना करते रिही, ये ब़ोहत ङण्ड भोग़े।”

यूहन्‍ना 7:18

जको आपणे तरफु कहीं किहे ओ आपणी ही बढ़ाई चाहवे, पर जको आपणे भेज़णे आले ची बढ़ाई चाहवे ओही सच्‍चा छै, ते ओचे मां कुई खोट कोनी।

प्रेरितां चे काम 15:1

बल्ति कई लौक यहूदिया प्रदेस कनु अन्ताकिया शहर मां आती कर भावां नु हा सिखाऊं लाग़ले, “मूसा ची रीति चे अनुसार अगर तम्चा खतना कोनी हुला तां तम्चा उद्धार ना हो सग़ी।”

प्रेरितां चे काम 15:5

ये बाते उपर फरीसिया चे दल महु कोच्छ विश्‍वासी लौक खड़े हुले ते केहले कि, “नेरीया जातिया नु खतना कराणे ची ते मूसा ची व्यवस्था उपर टुरणे ची आज्ञा ङेणी चाही छै।”

2 कुरिन्थियां 10:12

कांकि अम्ची हा हिम्मत कोनी कि अम्ही आपणे आप नु वांचे लारे तुलना करु, जको आपणी तारीफ करी, आपणे आप नु आपस मां नापती तोलती कर मूर्ख बणती जई।

2 कुरिन्थियां 11:13

कांकि इसड़ी इन्साने कूड़े प्रेरित, ते छल-कपट लारे काम करने आले, ते मसीह चे प्रेरितां चा रुप धारणे आले छी।

गलातियां 2:14

पर जब मैं ङेखले कि वे सुसमाचार ची सच्‍चाई उपर सिधी चाल ना चली, तां सारा चे सामणे पतरस नु केहले, “जब तु यहूदी हुती कर नेरीया जातिया आलीकर चली ते यहूदिया चे जिसड़ा ना तां नेरीया जातिया नु कां किही यहूदिया जिसड़े चलणे वास्ते?

गलातियां 2:3

ते तीतुस नु वी जको माये लारे छै, हा यूनानी छै ऐनू खतना कराणे वास्ते मजबूर कोनी करले

गलातियां 5:11

पर हे भऊ ब़ेहणी, अगर मैं हमा तक खतने चा प्रचार करी हा, तां कां हमा तक सताला जाये? अगर इसड़े हुवीया तां मसीह चे क्रूसा ची वजह कनु आली सारी रुकावटा खत्तम हुती जईया।

गलातियां 6:13

कांकि खतना कराणे आले आप तां मूसा ची व्यवस्था चा पालन ना करी, पर तम्चा खतना ऐवास्ते करवाणा चाहवी कि तम्ची शरीरिक दशा उपर घमण्ड करो कि वांचे केहणे चे उपर तम्ही खतना करवाला।

फिलिप्पियां 1:15

कोच्छ तां गैरत ते झग़ड़े ची वजह कनु मसीह चा प्रचार करी ते कोच्छ भली मन्सा लारे।

फिलिप्पियां 2:4

पर हर हेक आपणे बारे ची ना, बल्कि ङुजा चे बारे वी चिन्ता करा।

फिलिप्पियां 3:18

कांकि ब़ोहत से इसड़ी चाल चली, जाई चर्चा मैं तम्हानु बार-बार करली, ते हमा वी रोती-रोती कर किहे पला कि वे आपणी चाल-चलन लारे मसीह चे क्रूसा चे बैरी छी।

कुलुस्सियां 2:23

ये सारीया बाता तां आपणी मर्जी चे अनुसार घड़ली आली भग़ती ची रीति, ते आपणे शरीरा नु ङोख ङेणा ते कूड़ी दीनता कनु शरीरा चा फायदा तां छै, पर शरीरा ची लालसा नु रोकणे मां याकनु कोच्छ वी फायदा कोनी हुला।