गलातियां 6:10 - ओङ राजपूत

¹⁰ ऐवास्ते जिठे तक मौका मिले अम्ही सारा लारे भलाई करु इठे तक कि खास करती आपणे विश्‍वास करने आला भावां लारे।

गलातियां 6:10 ပူးပေါင်းရင်းမြစ်များ

मत्ती 10:25

चैले, गुरु चे ते दास चे मालिक चे बराबर हुवणे ही ब़ोहत छै। जब वाणे घरा चे मालिक नु शैतान, केहले तां ओचे घरा आला नु का कोच्छ नी किहे।

मत्ती 12:50

कांकि जको कुई माये ब़ा ची जको स्वर्ग़ा मां छै, ओची इच्छा उपर चले, वे ही माये भऊ, ते ब़ेहण, ते माई आई छै।”

मत्ती 25:40

“तब राजा वानु उत्तर ङी, ‘मैं तम्हानु सच्‍च किहे पला कि तम्ही जको माये यां छोटे कनु छोटे भावां महु कुई हेके लारे करले, ऊं माये ही लारे करले।’

मत्ती 5:43

“तम्ही सुणती चुकले कि केहले गेलते, ‘तम्ही आपणे पड़ोसीया लारे प्रेम राखजा ते आपणे बैरीया लारे बैर।’

मरकुस 3:4

ते ओणे केहले, “का सब्त चे ङिओ भले करने वाजिब छै जा बुरे करने, जीन्दगी नु बचावणे जा मारणे ?” पर वे चोप रेहले।

लूका 6:35

बल्कि आपणे दुश्मना लारे प्रेम राखा, ते भलाई करा, ते बल्ति गेहणे ची आस ना राखती कर उधार ङिया, तां तम्चे वास्ते बङा फल हुवी, ते तम्ही परमप्रधान ची ऊलाद्ध ठहरा, कांकि ओ वांचे उपर जको धन्यवाद ना करी ते बुरा उपर वी कृपालु छै।

यूहन्‍ना 12:35

ईशु ने वानु केहले, “सोज़ले हमा थोड़ी देर तक तम्चे बीच मां छै। जब तक सोज़ले तम्चे लारे छै तब तक टुरते रिहा, इसड़ा ना हो कि अन्धारे तम्हानु आती घेरे। जको अन्धकार मां चले ऊं ना जाणी कि किंघे जाये पले।

यूहन्‍ना 9:4

जेह्णे मनु भेज़ले अम्हानु ओचे काम ङिओ रेहते ही करने जरुरी छै, वा रात आणे आली छै, जाये मां कुई काम ना कर सग़ी।

प्रेरितां चे काम 6:7

ते नरीकारा चा वचन फैलता गेला ते यरुशलेम मां चैला ची गिणती ब़ोहत बधती गेली ते याजका चा हेक बङा समाज ऐ मत्त नु मनणे आला हुती गेला।

2 कुरिन्थियां 2:8

ऐवास्ते मैं तम्हानु कनु बिनती करे पला कि, ओचे प्रति आपणे प्रेम चा सबूत ङिया।

गलातियां 1:23

पर वे कलीसिया ने ईं सुणले कि जको पेहले अम्हानु सताता रेहता, ओ हमा ओही विश्‍वास चा सुसमाचार सुणावे, जानु पेहले नाश करता।

इफिसियां 2:19

नतीजा हा छै कि ना तम्ही विदेशी रेहले ते ना ही मुसाफिर, पर हमा तां तम्ही नरीकारा चे पवित्र लौका चे साथी ते नरीकारा चे कुणम्बे चे हुती गेले।

इफिसियां 3:15

जाये कनु स्वर्ग़ ते धरती उपर, हर हेक कुणम्बे चे नां राखले जाये,

इफिसियां 4:28

चोरी करने आले बल्ति चोरी ना करो ते आपणे हाथा लारे आच्छे काम करा ते जानु ङेणे चाही छै ओनु ङिया।

इफिसियां 5:16

मौके नु कीमती समझा, कांकि बुरी ङिहें छी।

फिलिप्पियां 4:10

मैं प्रभु मां ब़ोहत खौश छै कि इतने ङिहां चे बाद माये वास्ते तम्ही बल्ति कनु चिन्ता करु लाग़ले ऐचे मां कुई शक्‍क कोनी कि पेहले वी तम्हानु माई फिक्र ते हुती, पर ङिखाणने चा मौका कोनी मिड़ला।

कुलुस्सियां 4:5

मौके नु कीमती समझती कर ब़ाहर आला लारे समझदारी लारे बर्ताव करा।

1 थिस्सलुनीकियां 5:15

चौकस! कुई काये लारे बुराई चे बदले बुराई ना करो, पर सदा भलाई करने चे वास्ते तियार रिहा, ते अापस मां ते सारा लारे वी भलाई ही ची कोशिस करा।

1 थिस्सलुनीकियां 5:21

सारीया बाता नु परखा, जको आच्छीया छी वानु मजबूती लारे पकड़ली रिहा।

तीतुस 2:14

जेह्णे आपणे आप नु अम्चे वास्ते ङिती ङिले, कि अम्हानु हर-तरहा चे अधर्म कनु छुड़ाती गिहो, शोद्ध करती आपणे वास्ते हेक इसड़ी जाति बणाती गिहो जको भले-भले कामा मां तियार हो।

तीतुस 3:8

हा बात सच्‍च छै, ते मैं चाहवे कि तु यां बाता चे बारे मां मजबूती लारे ब़ोल ऐवास्ते कि जेह्णे नरीकारा चा भरोसा करला, वे भले कामा मां लाग़ले रेहणे चा ध्यान राखो, ये बाता भलीया, ते बन्दा चे फायदे चा छी।

इब्रानियां 13:16

भलाई करने ते चीजा चा आपस मां मिलती कर बाटणे ना छोड़ा कांकि ये इसड़े बलिदान छै, जको नरीकारा नु खौश करे।

इब्रानियां 3:6

पर मसीह पूता आलीकर नरीकारा चे घरा चा अधिकारी छै। अगर अम्ही मजबूत विश्‍वासा उपर ते आपणी आस चे गर्व उपर अन्त तक मजबूती लारे बणले रिहुं, तां अम्ही ओचे घराणे छिऊं।

इब्रानियां 6:10

नरीकार अन्यायी कोनी, कांकि तम्चे काम ते ओ प्रेम नु भूलती ना जई, जको तम्ही ओचे नांवा वास्ते ओचे लौका ची सेवा करली ते करा वी पले।

1 पतरस 2:5

तम्ही वी आप जीते पत्थरा आलीकर आत्मिक घर बणते जावा पले, जाये कनु याजका चा पवित्र समाज बणती कर, इसड़े आत्मिक बलिदान चढ़ावा, जको ईशु मसीह चे जरिये नरीकारा नु ग्रहण हो।

1 पतरस 4:17

कांकि ओ समय आती गेला, कि पेहले नरीकारा चे लौका चा न्यां करला जई, ते जबकि न्यां ची शुरुआत अम्चे ही कनु हुवी। ते वा लौका चा का अन्त हुवी जको नरीकारा चे सुसमाचार नु ना मनी? जिंवे शास्त्र मां लिखले पले,

1 यूहन्‍ना 5:1

जाया हा विश्‍वास छै कि ईशु ही मसीह छै, ओ नरीकारा कनु पैदा हुला, ते जको पैदा करने आले लारे प्रेम राखे, ओ वांचे लारे वी प्रेम राखे, जको ओकनु पैदा हुले।

3 यूहन्‍ना 1:10

ऐवास्ते जिसे बेले मैं आवी, ते ओचे कामा नु जको ओ करता आला याद ङिवावी। वे बेकार मां अम्चे वास्ते गन्दिया-गन्दिया बाता केहती कर दोष लावे, इतने लारे वी जी ना भरीजी, विश्‍वास करने आला भावां चा ते ना ते खौद्द स्वागत करे, ते ना कानु करु ङिये, ते जको वांचा स्वागत करे, वानु कलीसिया कनु ब़ाहरु काढ़ती छोड़े।

3 यूहन्‍ना 1:11

हे प्यारे, बुराई चा ना पर भलाई चा पीछा करा। जको भलाई करे, ऊं नरीकारा ची ओर कनु करे, जको बुराई करे, ओणे नरीकारा नु कोनी जाणले।

3 यूहन्‍ना 1:3

कांकि जिसे बेले भावां ने आती कर दुधी वा सच्‍चाई ची ग़वाही ङिली, जाये उपर तु सच्‍चमां चली वी, तां मैं घणा खौश हुला।