गलातियां 6:1 - ओङ राजपूत

¹ हे माये भऊ, तम्चे कुई बन्दे अगर कुई पापा मां पकड़ीती वी जाये तां, तम्ही जको आत्मिक छिवा ओनु नरमाई लारे सम्भाला ते जाये कनु बल्ति ओ विश्‍वास मां आती जाओ, ते आपणी वी चौकसी राखा ताकि तम्ही परीक्षा मां ना पड़ा।

गलातियां 6:1 ပူးပေါင်းရင်းမြစ်များ

मत्ती 11:29

माये जूले नु आपणे उपर चती गिहा ते माये कनु सिखा, कांकि मैं नर्म ते मना मां दीन छै, ते तम्ही आपणे मना मां आराम गिहा।

मत्ती 26:69

ते पतरस ब़ाहर बेहड़े मां ब़ेहला हुता कि हेक दासी ओचे गोढु आली ते केहले, “तु वी ईशु गलीली चे लारे हुता।”

मत्ती 26:75

तब पतरस नु वा बात जको ईशु ने ओनु केहली हुती याद आली, “कूकड़े चे बांग ङेणे कनु पेहले तु तीन वारी माया इन्कार करे।” ते ओ ब़ाहर जती कर तकड़ा रोला।

मत्ती 9:13

ऐवास्ते तम्ही जती कर ऐचा मतलब सिखती गिहा, ‘मैं बलिदान ना, पर दया चाहवें,’ कांकि मैं धर्मीया नु ना, पर पापीया नु हकारु आला।”

रोमियां 14:1

जको विश्‍वासा मां कमजोर छै, ओनु आपणी संगति मां गेहती गिहा, पर ओचे विचारा उपर बेहस-बाजी करने जरुरी कोनी।

रोमियां 15:1

जरुरी छै कि अम्ही, जको विश्‍वास मां मजबूत छिऊं, वानु सहन करु जको विश्‍वास मां कमजोर छी, ना कि सेर्फ आपणे-आप नु खौश करु।

रोमियां 8:6

शरीरा उपर मन लावणे तां मौत छै, पर आत्मा उपर मन लावणे जीवन ते शान्ति छै।

1 कुरिन्थियां 10:12

ऐवास्ते ऊं जको ईं समझे कि, “मैं विश्‍वास मां मजबूत छै,” चौकस रिहो कि किठी विश्‍वास कनु भटकती ना जाओ।

1 कुरिन्थियां 14:37

अगर कुई इन्सान आपणे आप नु भविष्यवक्‍ता जा आत्मिक जन समझो, तां ईं जाणती गिहो, कि जको बाता मैं तम्हानु लिखे पला, वे प्रभु चीया आज्ञा छी।

1 कुरिन्थियां 2:15

सेर्फ ओ, जको आत्मिक छै, हर हेक बाते ची परख करे, पर ओ आप काये कनु परखला ना जई।

1 कुरिन्थियां 3:1

हे माये भऊ, मैं तम्चे लारे ये रीति लारे बाता नी कर सग़ला, जिंवे आत्मिक लौका लारे करजेवे पर जिंवे संसारिक लौका लारे, ते वांचे लारे जको मसीह मां ब़ाला आलीकर छी।

1 कुरिन्थियां 4:21

तम्ही का चाहवा? का मैं गेङी चती कर तम्चे गोढु आवे जा प्रेम ते नरमाई ची आत्मा लारे?

1 कुरिन्थियां 7:5

तम्ही हेके ङुजे कनु अलग़ ना रिहा, पर सेर्फ कोच्छ समय तक आपणी सेहमती लारे कि प्राथना वास्ते समय मिलो ते दोबारा हेक ङुजे लारे रिहा इसड़े ना हो कि तम्चे बेकाबु ची वजह कनु शैतान तम्हानु परखो।

2 कुरिन्थियां 10:1

मैं पौलुस तम्हानु मसीह ची नरमाई, ते दयालुता चे वजह निवेदन करे पला। पर कोच्छ लौक किहे कि, मैं तम्चे सामणे नरमाई लारे बर्ताव करे, पर तम्चे कनु दूर हुवणे पर सख्ताई लारे बर्ताव करे।

2 कुरिन्थियां 2:7

ऐवास्ते ईं ठीक छै कि ओचा अपराध माफ करा, ते तसल्‍ली ङिया, कङी इसड़े ना हो कि इसड़े इन्सान उदासी मां ब़ुङती जाओ।

2 कुरिन्थियां 2:8

ऐवास्ते मैं तम्हानु कनु बिनती करे पला कि, ओचे प्रति आपणे प्रेम चा सबूत ङिया।

गलातियां 5:23

नरमाई ते संयम छी, इसड़े-इसड़े कामा चे विरोध मां कुई वी व्यवस्था कोनी।

गलातियां 6:18

हे माये भऊ, अम्चे प्रभु ईशु मसीह चा अनुग्रह तम्ची आत्मा चे लारे सदा रिहो। आमीन।

1 थिस्सलुनीकियां 4:1

तां, हे माये भऊ ते ब़ेहणीया, अम्ही तम्हा कनु बिनती करु पले, ते तम्हानु प्रभु ईशु मां समझाऊं पले, कि जिंवे तम्ही अम्हा कनु काबिल चाल चलणी, ते नरीकारा नु खौश करने सिखले, ते जिंवे तम्ही चला वी हुवा, यूंही होर वी बधते जावा।

2 थिस्सलुनीकियां 3:15

तां वी ओनु बैरी मन समझती कर, पर भऊ जाणती कर चिताती ङियो।

2 तीमुथियुस 2:25

ते विरोधीया नु नरमाई लारे समझाओ, का पता नरीकार वानु मन फिरावणे चे वास्ते मन ङियो, कि वे सच्‍चाई नु पिछाणो।

इब्रानियां 12:13

ते आपणे पग़्ग़ा वास्ते सिधे मार्ग़ बणावा, कि लंगड़ा, अपंग ना हुती जाओ, पर भला चंगा हुती जाओ।

इब्रानियां 13:3

कैदीया ची इसड़ी सुधि गिहा मनती गिहा वांचे लारे तम्ही वी कैद मां छिवा, सताले जाणे आला नू भूलजा कांकि तम्ही सारे हेक शरीरा चे अंग छिवा।

याकूब 3:13

तम्चे महु ज्ञानी ते समझदार कूण छै? जको इसड़ा हो ऊं आपणे कामा नु आच्छे चाल-चलन चे लारे, वे नरमाई लारे उजागर करो जको ज्ञान लारे पैदा हुवे।

याकूब 3:2

ऐवास्ते कि अम्ही सारे घणा वारी चुकती जऊं : जको कुई बन्दे ब़ोलणे मां ना चुकी, ऊंही तां पक्‍के बन्दे छै, ते पुरे शरीरा नु वी वशा मां कर सग़े।

1 पतरस 3:15

पर मसीह नु प्रभु जाणती कर आपणे आपणे मना मां पवित्र समझा, ते जको कुई तम्हा कनु तम्ची आस चे बारे मां कहीं पूछे ते ओनु उत्तर ङेणे चे वास्ते हमेशा तियार रिहा, पर नरमाई ते ङर चे लारे।

1 यूहन्‍ना 5:16

अगर कुई आपणे भावां ते ब़ेहणीया नु इसड़ा पाप करते ङेखे, जाया नतीजा हमेशा ची मौत ना हो, ते ओनु आपणे भऊ ते ब़ेहणीया चे वास्ते प्राथना करनी चाही छै, ते नरीकार ओनु जीवन ङिही। मैं वांचे बारे मां बात करे पला जको वे इसड़े पाप करने मां लाग़ले आले छी, मैं वानु हमेशा ची मौत तक नी पुचावी। इसड़े पाप वी रिही, जाया नतीजा मौत छै। मैं तम्हानु इसड़े पापा चे वास्ते प्राथना करने वास्ते कोनी किहे पला।