गलातियां 5:10 - ओङ राजपूत

¹⁰ मैं प्रभु उपर तम्चे बारे मां भरोसा राखे, तम्चे मां कुई नेरा विचार नी हुवी, पर जको तम्हानु घब़राती ङिये, ऊं कुई कां ना हो नरीकार ओनु सही सजा ङिही।

गलातियां 5:10 ပူးပေါင်းရင်းမြစ်များ

प्रेरितां चे काम 15:24

अम्ही ईं सुणले कि, अम्चे महु कई जणा ने ओठे जती कर, तम्हानु आपणीया बाता लारे घब़राती नाखले, ते तम्चे मन बैचेन करती नाखले पर अम्ही वानु हा आज्ञा कोनी ङिली हुती।

1 कुरिन्थियां 5:5

तां इसड़े इन्सान अम्चे प्रभु ईशु मसीह चे नांवा लारे, शरीरा चे नाश वास्ते शैतान नु सोंपला जाओ, कि ओची आत्मा प्रभु चे ङिओ मां उद्धार पाओ।

2 कुरिन्थियां 1:15

ते ऐ भरोसे लारे मैं चाहवें ला, कि पेहले तम्चे गोढु आवे, कि तम्हानु हेक नेरा आशीर्वाद मिलो।

2 कुरिन्थियां 10:2

मैं हा विनती करे पला कि, तम्चे सामणे मनु बेधड़क हुती कर हिम्मत ना करनी पड़ो, जिसड़े मैं कितना उपर जको अम्हानु संसारिक रीति चे अनुसार चलणे आले समझी, मनु कठोरता ङिखाणने चा विचार आवे पला।

2 कुरिन्थियां 10:6

तम्ची आज्ञाकारी ते सच्‍चाई ची भरपूरी साबित हुती जाणे उपर तां अम्ही सब नाफरमानी करने आले नु ङण्ड ङेणे वास्ते तियार छिऊं।

2 कुरिन्थियां 13:10

ऐह वजह कनु दूर हुते हुले वी मैं तम्हानु ईं सब लिखे पला, कि ओठे मौजुद हुवणे उपर मनु प्रभु चे जरिये ङिला गेला अधिकार चा प्रयोग कठोर भाव लारे ना करना पड़ो। ऐ अधिकार चा मकसद बढोतरी करनी छै, ना कि नाश करने कोनी।

2 कुरिन्थियां 2:3

ते मैं हा बात तम्हानु ऐवास्ते लिखली हुती, कि कङी इसड़े ना हो, कि माये आवणे उपर, जाये कनु खुशी मिलणी चाही छै, मैं वांचे कनु उदास हुवे। कांकि मनु तम्चे सारा उपर ये बाते चा भरोसा छै कि, जको माई खुशी छै, वा तम्चे सारा ची वी हो।

2 कुरिन्थियां 2:6

इसड़े जणे वास्ते हा ङण्ड जको तम्हा भावां महु घणा ने ङिला, ब़ोहत छै।

2 कुरिन्थियां 5:16

ऐवास्ते हमा अम्ही काया वी संसारिक नजरीये लारे नाप-तोल ना करु। पर अम्ही पेहले मसीह नु इसड़े नापले हुते। पर हमा इसड़ी नाप-तोल कनु दूर छिऊं।

2 कुरिन्थियां 7:16

तम्चे प्रति मैं पुरी तरह भरोसेमन्द छै, हा माये वास्ते खुशी ची बात छै।

2 कुरिन्थियां 8:22

ते अम्ही ओचे लारे आपणे भावां नु भेज़ले, जानु अम्ही हर-वारी परखती कर घणीया बाता मां सच्‍चे ङेखले। पर हमा तम्चे उपर ओनु बङा भरोसा छै, ये वजह कनु ओ होर वी ज्यादा उत्साहित छै।

गलातियां 1:7

पर ओ ङुजा सुसमाचार छै ही कोनी, पर बात हा छै कि कितने इसड़े छी जको तम्हानु भरमाती नाखी, ते ईशु मसीह चे सुसमाचार नु बिगाड़ना चाहवी।

गलातियां 2:4

ईं वां कूड़े भावां ची वजह कनु हुले कि जको चोरी लारे घिरती आलते, मसीह ईशु मां आजादी जको अम्हानु मिड़ली विचा भेद गेहती अम्हानु गुलाम बणाओ।

गलातियां 2:6

बल्ति जको मनले आले हुते चाहे जिसड़े वी हुते मनु वांचे लारे का काम, नरीकारा ची नजरी मां सब बराबर छी, वे जको वी कहीं हुते मनु वांचे कनु कुई फायदा कोनी,

गलातियां 3:1

हे गलाति शहरा मां रेहणे आले ब़ुध्दु लौक तम्हानु केहणे मोहति गेले? मैं तां तम्हानु खोलती कर बावड़ती ङिले ते, जिंवे तम्चे सामणे ईशु मसीह नु क्रूसा उपर चढ़ाले गेले,

गलातियां 4:11

मैं तम्चे बारे मां ङरे कि कहीं इसड़े ना हुती जाये जको मेहनत मैं तम्चे वास्ते करली वा खराब ना हुती जाओ।

गलातियां 4:17

वे मूसा चे व्यवस्था उपर चलाणे आले लौक अम्चे सज़्ज़ण तां बणने चाहवी, पर आच्छे मकसद लारे कोनी वे तम्हानु माये कनु अलग़ करने चाहवी, कि वानु ही तम्ही आपणा सज़्ज़ण बणाती गिहा।

गलातियां 4:20

इच्छा तां हा किहे कि हमा तम्चे गोढु आती ते नेरे ही प्रकारा लारे ब़ोले कांकि तम्चे बारे मां मैं समझे कोनी पला तम्चे वास्ते का करे।

गलातियां 5:12

मैं चाहवे वे जको तम्हानु भटकावणे चाहवी, खतना कराणे चे लारे आपणे आप नु ना मर्द बणाती गिहो!

गलातियां 5:7

तम्ही तां आच्छी तरह हेक मसीह जीन्दगी जीवा पलते हमा इसड़ा का हुती गेला जको तम्हानु सच्‍चाई उपर चलणे वास्ते रोके पला?

गलातियां 6:17

चिठ्ठी नु लिखती कर बन्द करते बेले मैं तम्हा कनु बिनती करे पला कि उग़ते वास्ते कुई मनु ङोख ना ङियो, कांकि मैं ईशु चे दाग़ा नु आपणी देह मां गेहली फिरे।

फिलिप्पियां 3:15

सो अम्चे महु जितने आत्मिकता ची समझ मां मजबूत हुती चुकले, हाओ विचार राखो, ते अगर कुई बाते मां तम्चे आपस मां विचार ना मिलते हो तां नरीकार ओ वी तम्चे उपर उजागर करती ङी।

2 थिस्सलुनीकियां 3:4

ते अम्हानु प्रभु मां तम्चे उपर भरोसा छै, कि जको-जको आज्ञा अम्ही तम्हानु ङिलीया, वानु तम्ही मना वी, ते मनते वी रिहा।

1 तीमुथियुस 1:20

वांचे महु हुमिनयुस ते सिकन्दर छी, मैं वानु शैताना नु सोंपती ङिले। कि वे नरीकारा ची निन्दा करने ना सिखो।

फिलेमोन 1:21

दुधे आज्ञाकारी हुवणे उपर भरोसा राखती कर मैं हा चिठ्ठी तनु लिखे पला मनु पता छै कि जको कोच्छ तनु मैं किहे ओकनु तु ज्यादा करे।