गलातियां 5:1 - ओङ राजपूत

¹ मसीह ने आजादी वास्ते अम्हानु आजाद करले, तां ऐचे मां आपणे विश्‍वास नु पक्‍के राखा ते बल्ति नियम विधान चे जूले चे रुप मां गुलामी चा वजन ना चवा।

गलातियां 5:1 ပူးပေါင်းရင်းမြစ်များ

मत्ती 23:4

वे हेक इसड़े भारी बोझ नु जानु चवणे मुश्किल छै, ब़ांहती कर वानु इन्साना चे मूंढा उपर मेहली, पर आप ओनु आंगली लारे वी सरकावणे ना चाहवी।

लूका 5:38

पर नवां अंगूरा चा रस नवींया मशका मां भरना चाही छै।

प्रेरितां चे काम 15:10

ऐवास्ते हमा तम्ही कां नरीकारा नु परखा पले कि नेरीया जातिया ची गिच्‍ची उपर इसड़ा जूले मेहला पले, जानु ना तां अम्ही ते ना अम्चे पुरखे चा सग़ले?

रोमियां 6:14

बल्ति तम्ही पापा चे अधीन नी हुवा, कांकि तम्ही व्यवस्था चे अधीन कोनी बल्कि अनुग्रह चे अधीन छिवा।

रोमियां 6:18

ते तम्हानु पापा कनु छुटकारा मिलती गेला ते तम्ही धार्मिकता चे दास बणती गेले।

रोमियां 7:3

ऐवास्ते अगर मुणसा चे जीते-जी वा कुई नेरे मर्दा ची हुती जाये, ते वा व्यभिचारणी किहवावी, पर अगर मोणस मरती जाये, ते वा वे व्यवस्था कनु छुटती गेली, इठे तक कि अगर कुई ङुजे मर्दा ची हुती जाये तां वी व्यभिचारणी नी ठहरी।

रोमियां 7:6

पर जाये बन्धन मां अम्ही हुते ओचे वास्ते मरती कर, हमा व्यवस्था कनु छुटती गेले कि, लिखली आली पुराणी व्यवस्था उपर कोनी, बल्कि नरीकारा ची आत्मा ची नवीं रीति उपर सेवा करु वी।

रोमियां 8:15

कांकि तम्हानु गुलामी ची आत्मा कोनी मिड़ली, कि बल्ति ङरती जाओ पर नरीकारा ची ऊलाद्ध बणने वास्ते आत्मा मिड़ली, जाये कनु अम्ही, “हे पिताजी, हे ब़ा,” केहती कर हकारु।

रोमियां 8:2

कांकि जीवन ची आत्मा ची व्यवस्था ने मसीह ईशु मां मनु पाप ची ते मौत ची व्यवस्था कनु आजाद करती ङिले।

1 कुरिन्थियां 15:58

ऐवास्ते हे प्यारे भऊ, मजबूत ते अटल रिहा, ते प्रभु चे कामा मां सदा बधते जावा, तम्ही ईं जाणा, तम्ची मेहनत प्रभु मां बेकार कोनी।

1 कुरिन्थियां 16:13

जाग़ते रिहा, विश्‍वासा मां मजबूत रिहा, बेधड़क बणा, ताकतवार बणा।

1 कुरिन्थियां 7:22

कांकि जको दास ची दशा मां प्रभु मां हकारला गेला ओ प्रभु चा आजाद करला गेला छै। यूंही जको आजाद ची दशा मां हकारला गेला ओ मसीह चा दास छै।

2 कुरिन्थियां 11:20

कांकि जिसे बेले तम्हानु कुई दास बणाती गिहे, जा ते खाती जाये, जा फसाती गिहे, जा आपणे आप नु बङे बणावे, जा तम्चे मुँहा उपर थप्पड़ मारे, ते तम्ही सहन करती गिहा वी।

2 कुरिन्थियां 3:17

प्रभु तां आत्मा छै, ते जिठे-किठी प्रभु चा आत्मा मौजुद छै, उठी आजादी छै।

गलातियां 2:4

ईं वां कूड़े भावां ची वजह कनु हुले कि जको चोरी लारे घिरती आलते, मसीह ईशु मां आजादी जको अम्हानु मिड़ली विचा भेद गेहती अम्हानु गुलाम बणाओ।

गलातियां 3:25

पर जब विश्‍वास आती गेला तां हमा अम्ही सिखावणे आले चे अधीन कोनी रेहले।

गलातियां 4:26

पर स्वर्ग़ चा यरुशलेम शहर आजाद असतरी सारा चे समान छै जको गुलाम कोनी वा ही अम्चे विश्‍वास करले आले ची आई छै।

गलातियां 4:31

हे भऊ ते ब़ेहणी अम्ही गुलाम असतरी ची ऊलाद्ध कोनी, पर परनीली आजाद असतरी ची ऊलाद्ध छिऊं।

गलातियां 4:9

पर हमा जको तम्ही नरीकारा नु पिछाणती गेले बल्कि नरीकारा ने तम्हानु पिछाणले, तां वा कमजोर ते संसारा ची बेकार जिसड़ी शिक्षा चीया बाता ची ओर कां मुड़ा? का वांचे तम्ही दोबारा गुलाम हुवणे चाहवा?

गलातियां 5:13

हे माये भऊ, तम्ही आजाद हुवणे वास्ते हकारले गेले छिवा, पर इसड़े ना कि ये आजादी नु शरीरा चे कामा चे वास्ते मौका बणावा, बल्कि प्रेमा लारे हेके ङुजे चे दास बणा।

इफिसियां 6:14

तां सच्‍चाई लारे आपणी कमर कसती कर, ते धार्मिकता ची झिलम घालती कर,

फिलिप्पियां 1:27

तम्चा चाल-चलन ईशु मसीह चे सुसमाचार चे लायक हो, चाहे मैं आवे चाहे ना आवे, तम्चे बारे मां ईं सुणे कि तम्ही हेक ही पवित्र आत्मा मां मजबूत छिवा, हेक ही मन हुती कर सुसमाचार चे विश्‍वास चे वास्ते मेहनत करते रिहा।

1 थिस्सलुनीकियां 3:8

कांकि सच्‍चमां हमा नवें जीवन मां अगर तम्ही प्रभु मां मजबूत रिहा तां अम्ही जीते छिऊं।

2 थिस्सलुनीकियां 2:15

ऐवास्ते हे माये भऊ ते ब़ेहणीया, टिकले रिहा, ते जको-जको बाता तम्ही का वचन, का चिठ्ठी चे जरिये अम्हा कनु सिखलीया, वानु तम्ही पकड़ली रिहा।

इब्रानियां 10:23

हमा अम्ही बिना कुई शक्‍क चे आपणी वे आस मां अटल रिहुं, जको अम्ही स्वीकार करली, कांकि जेह्णे वायदा करला ओ विश्‍वास योग्य छै।

इब्रानियां 3:14

अगर अम्ही आपणे पेहले भरोसे नु अन्त तक बणाली रिहुं, तां अम्ही मसीह चे भईवाल बणले रिहुं।

इब्रानियां 3:6

पर मसीह पूता आलीकर नरीकारा चे घरा चा अधिकारी छै। अगर अम्ही मजबूत विश्‍वासा उपर ते आपणी आस चे गर्व उपर अन्त तक मजबूती लारे बणले रिहुं, तां अम्ही ओचे घराणे छिऊं।

इब्रानियां 4:14

ऐवास्ते जब नरीकारा चा पूत ईशु हेक इसड़ा महान महायाजक, जको स्वर्ग़ा मां गेला, जको अम्ही मनती गेले, ओचे मां विश्‍वास मां मजबूत बणले रिहुं।

1 पतरस 2:16

आपणे आप नु तम्ही आजाद जाणा, पर आपणी ये आजादी नु बुराई चे वास्ते ओट ना बणावा, पर आपणे आप नु नरीकारा चे दास समझती कर चला।

2 पतरस 2:19

वे वानु आजाद करने चा वायदा तां करी पर आप ही सड़ाहट चे गुलाम छी, कांकि जको बन्दे जाकनु हारती गेले, ऊं ओचे गुलाम बणती जाये।

यहूदा 1:3

हे प्यारे, जब मैं तम्हानु ओ उद्धार चे बारे मां लिखणे मां घणी सारी मेहनत ते कोशिस करे पलता, जाये मां अम्ही सब भईवाल छिऊं, तां मैं तम्हानु ईं समझाणे जरुरी समझले कि ओ विश्‍वास चे वास्ते पूरा यतन करा जको नरीकारा चे पवित्र लौका नु हेक ही वारी सोंपला गेला हुता।

प्रकाशितवाक्य 2:25

पर हव्वे, जको तम्चे गोढु छै विनु माये आणे तक थामली रिहा।

प्रकाशितवाक्य 3:3

ऐवास्ते चैते कर कि तु किसड़ी शिक्षा गेहली ते सुणली हुती, ते विचे मां बणला रेह ते आपणे मन फिरा। अगर तु सुज़ाक नी रिहे तां मैं चोरा आलीकर आती जई, ते तु हरगिज नी जाण सग़े कि मैं केस घड़ी दुधे उपर आती पड़ी।