गलातियां 3:22 - ओङ राजपूत

²² पर पवित्रशास्त्र मां लिखले आले छै कि हा पूरा संसार पाप चा गुलाम छै जिंवे ओ वायदा जको विश्‍वास लारे ईशु मसीह मां छै, नरीकारा मां सेर्फ विश्‍वास करने आला नु ङिये।

गलातियां 3:22 ပူးပေါင်းရင်းမြစ်များ

मरकुस 16:16

जको कुई विश्‍वास करे ते बपतिस्मा गिहे ते ओही बचाला जई, जको विश्‍वास ना करी, ऊं दोषी ठहराले जई।

यूहन्‍ना 12:46

मैं संसारा मां सोज़ले हुती कर आला छै। कि जको कुई माये उपर विश्‍वास करे ऊं अन्धारे मां ना रिहो।

यूहन्‍ना 20:31

पर ईं ऐवास्ते लिखले गेले कि तम्ही विश्‍वास करा कि ईशु ही नरीकारा चा पूत मसीह छै, ते विश्‍वास करती ओचे नांवा लारे जीवन गिहा।

यूहन्‍ना 3:36

जको पूता उपर विश्‍वास करे अनन्त जीवन ओचा छै, पर जको पूता नु ना मनी ओह जीवन नु नी ङेखी, पर नरीकार चा गुस्सा ओचे उपर रिहे।

यूहन्‍ना 5:24

“मैं तम्हानु सच्‍च-सच्‍च किहे पला, जको माया वचन सुणती कर माये भेज़णे आले उपर विश्‍वास करे अनन्त जीवन ओचा छै ते ओचे उपर सजा ची आज्ञा नी हुवी पर ओ मौत कनु पार हुती कर हमेशा ची जीन्दगी मां घिरती चुकला।

यूहन्‍ना 6:40

कांकि हाओ माये ब़ा नरीकारा ची मर्जी छै हर हेक बन्दे जको पूता नु ङेखे ते विश्‍वास करी ते ओनु अनन्त जीवन मिली, ते अन्त चा ङिहां मां मैं ओनु जीते करती ङिही।”

प्रेरितां चे काम 16:31

वाणे ओनु केहले, “प्रभु ईशु मसीह उपर विश्‍वास कर, तां तु, ते दुधा कुणम्बा उद्धार गे सग़ा।”

रोमियां 10:9

कि अगर तु आपणे मुँहा लारे ईशु नु प्रभु जाणती कर मनती गिही ते आपणे मना लारे विश्‍वास करी, कि नरीकारा ने ओनु मरले आला महु जीते करले, ते तु पक्‍का ही उद्धार पावे।

रोमियां 11:32

कांकि नरीकारा ने सब नु अनाज्ञाकारी चे बन्धन राखले आले छै, ताकि ओ सारा उपर दया करो।

रोमियां 3:22

यानिकि नरीकारा ची वा धार्मिकता जको वां सब वास्ते छै, जको मसीह ईशु उपर विश्‍वास करी, वां सब विश्‍वास करने आला वास्ते बिना कुई भेद-भाव लारे छै।

रोमियां 3:23

कांकि सब ने पाप करला ते नरीकारा ची महिमा कनु दूर हुती गेले,

रोमियां 5:12

ऐवास्ते जिंवे कि हेक इन्सान आदम चे जरिये संसारा मां पाप आला, ते पापा चे जरिये मौत आली, ते ये रीति लारे मौत सब इन्साना मां फैलती गेली, कांकि सारा ने पाप करला।

गलातियां 3:14

ईं ऐवास्ते हुले कि अब्राहम ची आशीष मसीह ईशु मां नेरीया जातिया तक पुज़ो, ते अम्ही विश्‍वास लारे आत्मा गिहुं जिसी चा वायदा हुला हुता।

गलातियां 3:17

पर मैं किहे जको वाचा नरीकारा ने पेहले पक्‍की करली तां विनु चार साओ त्रीस साल बाद आणे आले मूसा ची व्यवस्था ना टाल सग़ली ते ना ही वायदा बेकार ठहरा सग़ली।

गलातियां 3:23

ऐ विश्‍वास आणे कनु पेहले, अम्चे व्यवस्था ची ङेखभाल मां जको विश्‍वास आणे करने आली वायदा पुरी हुवणे तक गुलाम चे रूपा मां राखले।

गलातियां 3:29

अगर तम्ही मसीह चे छिवा तां तम्ही अब्राहम चे वंशज वी छिवा। जको वायदा नरीकारा ने अब्राहम लारे करला हुता ओह वायदे चे वारिस वी छिवा।

2 तीमुथियुस 1:1

पौलुस चे तरफा कनु जको, वे जीन्दगी ची प्रतिज्ञा चे अनुसार जको मसीह ईशु मां छै, नरीकारा ची इच्छा लारे मसीह ईशु चा प्रेरित छै,

इब्रानियां 9:15

ऐवास्ते ओ हेक नवीं वाचा चा बिचोला छै, कि वे मौत चे जरिये जको पेहली वाचा चे समय चे अपराधा कनु छुटकारा गेहणे वास्ते हुली, हकारले आले लौक वायदे चे अनुसार अनन्त विरासत नु गिहो।

2 पतरस 1:4

जाये जरिये ओणे अम्हानु बेशकीमती ते ब़ोहत ही बङे वायदे ङिले कि यांचे जरिये तम्ही वे सड़ाहट कनु छुटती कर जको संसारा मां बुरी अभिलाषा कनु हुवे ईश्‍वरीय सुभाव चे भईवाल हुती जावा।

2 पतरस 3:13

पर ओचे वायदे चे अनुसार अम्ही हेक नवें आसमान ते नवीं धरती ची आस ङेखु पले जाये मां धार्मिकता वास करी।

1 यूहन्‍ना 2:25

ते ईशु मसीह ने खौद्द अम्हानु अनन्त जीवन ङेणे चे वास्ते वायदा करला।