गलातियां 3:2 - ओङ राजपूत

² मैं ब़स तम्हा कनु इतने ही जाणने चाहवें कि का पवित्र आत्मा तम्हानु व्यवस्था चे कामा लारे, जा विश्‍वास लारे मिड़ला,

गलातियां 3:2 ပူးပေါင်းရင်းမြစ်များ

प्रेरितां चे काम 15:8

ते मना नु परखणे आले नरीकारा ने वानु वी अम्चे आलीकर पवित्र आत्मा ङिती कर ऐची ग़वाही ङिली।

प्रेरितां चे काम 2:38

पतरस ने वानु केहले, “मन फिरावा, ते तम्चे महु हर हेक आपणे आपणे पापा कनु माफी चे वास्ते ईशु मसीह चे नांवा लारे बपतिस्मा गिहो, ते तम्ही पवित्र आत्मा चा दान पावा।

प्रेरितां चे काम 8:15

तां वाणे जती कर वांचे वास्ते प्राथना करली कि वे पवित्र आत्मा गिहो।

रोमियां 1:17

कांकि ओचे मां नरीकार ची धार्मिकता विश्‍वास लारे ते विश्‍वास चे वास्ते प्रकट हुवे, जिंवे पवित्रशास्त्रा मां लिखले पले, “धर्मी जन विश्‍वास लारे जीते रिही।”

1 कुरिन्थियां 9:21

जाये कनु व्यवस्था कोनी हुती वानु मसीह मां जीतणे वास्ते मैं वांचे आलीकर बणला। ऐचा मतलब हा कोनी कि मैं नरीकारा ची व्यवस्था नु ना मनी पर मैं तां मसीह ची व्यवस्था चे अधीन जीन्दगी जिंवे।

2 कुरिन्थियां 11:4

कांकि अगर कुई तम्चे गोढु आती कर जिसे ईशु चा सुसमाचार अम्ही तम्हानु सुणाला, ओचे अलावा कुई ङुजे ईशु चा सुसमाचार सुणावे, जा जको आत्मा तम्हानु मिड़ला, ओचे कनु अलग़ कुई नेरी आत्मा नु ग्रहण करा तां तम्ही छुटकारे चे समाचार नु कोनी अपनाले, ओचे कनु अलग़ कुई ङुजे समाचार नु अपनावा तां तम्ही बङी आसानी लारे वानु अपनाती गिहा।

गलातियां 3:14

ईं ऐवास्ते हुले कि अब्राहम ची आशीष मसीह ईशु मां नेरीया जातिया तक पुज़ो, ते अम्ही विश्‍वास लारे आत्मा गिहुं जिसी चा वायदा हुला हुता।

गलातियां 3:3

का तम्ही इसड़े ब़ुध्दु छिवा जको पवित्र आत्मा ची रीति पर शुरु करती ते शरीरा ची रीति पर अन्त करा।

गलातियां 3:5

जको नरीकार तम्हानु पवित्र आत्मा चा दान करे ते सामर्थ चे काम करे का ओ व्यवस्था चे कामा लारे जा सुसमाचार चे विश्‍वास इसड़े करे?

इब्रानियां 2:4

ओचे अलावा नरीकारा ने वी चैन्ह, चमत्कार ते अलग़-अलग़ अदभोत कामा चे जरिये ते पवित्र आत्मा चे वरदाना चे जरिये जको ओची इच्छा चे अनुसार अम्हानु ङिले गेले हुते, ऐची ग़वाही ङिता रेहला।

इब्रानियां 4:2

अम्हानु वी वांचे आलीकर सुसमाचार सुणाला गेला, पर सुणने आले वचना लारे वानु कुई फायदा कोनी हुला, कांकि वाणे विश्‍वास लारे कोनी मनला हुता।

इब्रानियां 6:4

जेह्णे कुई समय सच्‍च चे ज्ञान चे सोज़ले गेहती गेले हुते, जेह्णे स्वर्ग़ीय वरदान चा स्वाद चाखती गेलता, जको पवित्र आत्मा चे भईवाल हुती गेलते,

1 पतरस 1:12

वांचे उपर ईं वी उजागर करले गेले, कि वे आपणी कोनी बल्कि तम्ची सेवा करने चे वास्ते ये बाता किही पलते ले, जाया समाचार तम्हानु हमा वांचे जरिये मिड़ला जेह्णे पवित्र आत्मा चे जरिये जको स्वर्ग़ा कनु भेज़ला गेला तम्हानु सुसमाचार सुणाला, जा बाता नु जाणने चे वास्ते तां स्वर्ग़दूत वी तरसते रिही।