गलातियां 3:16 - ओङ राजपूत

¹⁶ यूंही ही अब्राहम ते ओचे आणे आले वंश चे लारे करले गेले वायदे चे बारे मां छै, पवित्रशास्त्र मां ईं कोनी लिखले, “ओचे घणे वंशा वास्ते” अगर इसड़े हुवीया तां घणा ची तरफ इशारा हुवीया, पर पवित्रशास्त्र मां हेक वचन आला, “दुधे वंश वास्ते” जको मसीह छै।

गलातियां 3:16 ပူးပေါင်းရင်းမြစ်များ

मत्ती 1:1

अब्राहम ची ऊलाद्ध, दाऊद ची ऊलाद्ध, ईशु मसीह ची वंशावली।

लूका 1:55

जको अब्राहम ते वांचे वंशा उपर सदा रिही, जिंवे ओणे अम्चे ङाङा-ब़ा नु केहले हुते।”

प्रेरितां चे काम 3:25

तम्ही भविष्यवक्‍ता ची ऊलाद्ध ते वे वाचा चे भईवाल छिवा, जको नरीकारा ने तम्चे ङाङा-ब़ा लारे ब़ांहली, जिसे बेले ओणे अब्राहम नु केहले, ‘दुधे वंश चे जरिये धरती चे सारे घराणे आशीष गिहे।’

रोमियां 12:5

यूहीं अम्ही जको ब़ोहत सारे छिऊं, मसीह मां हेक शरीर हुती कर आपस मां हेके ङुजे चे अंग छिऊं।

रोमियां 4:13

नरीकारा ने हा वायदा करला हुता कि अब्राहम संसारा चा वारिस हुवी, हा वायदा ओनु ते ओचे वंश नु व्यवस्था चे जरिये कोनी मिड़ला, पर विश्‍वास ची धार्मिकता चे जरिये मिड़ला हुता।

रोमियां 4:16

येही वजह कनु वायदा विश्‍वासा उपर टिकला आला छै, ते हा सेंत मेंत मां मिले, वां सारे वंशा वास्ते पक्‍के हो, ना कि सेर्फ ओचे वास्ते जको व्यवस्था आले छी, बल्कि वांचे वास्ते वी जको अब्राहम चे समान विश्‍वासा आले छी, ओही तां अम्चा सब चा ब़ा छै।

रोमियां 9:4

जको सब इस्राएली छी, वानु नरीकारा ची ऊलाद्ध हुवणे चा अधिकार हुता, महिमा, ते वाचा, ते व्यवस्था चा उपहार, ते नरीकारा ची उपासना, ते वायदा वांचीया ही छी।

1 कुरिन्थियां 12:12

कांकि जिंवे करती शरीर तां हेक छै ते ओचे अंग घणे सारे छी, ते ओ हेक शरीरा चे सारे अंग ब़ोहत हुवणे पर वी सब मिलती कर हेक शरीर छै, यूं करती मसीह वी छै।

1 कुरिन्थियां 12:27

यूं करती तम्ही सारे मिलती कर मसीह चे शरीर छिवा तम्चे महु हर हेक ऐ शरीरा चे अंग छिवा।

2 कुरिन्थियां 11:22

का वे ही इब्रानी छी? मैं वी छै। का वे इस्राएली छी? मैं वी छै। का वे ही अब्राहम चे वंश छी? मैं वी छै।

गलातियां 3:19

तां व्यवस्था कां ङिली गेली? वा तां पापा ची वजह बादा मां ङिली कि ओचे वंशा चे आणे तक रिहो, वायदा हेक बिचोलीये चे रुप मां मूसा ची सहायता लारे स्वर्ग़दूता चे जरिये ङिली।

गलातियां 3:8

पवित्रशास्त्रा ने पेहले ही जाणती कर कि नरीकारा ने नेरीया जातिया नु विश्‍वास लारे ही धर्मी ठहरावी, पेहले कनु अब्राहम नु सुसमाचार सुणाती ङिला कि दुधे मां सारीया जातिया आशीष पावे।

इफिसियां 5:32

हा भेद घणा बङा छै मैं तम्हानु बावड़े पला मसीह ते कलीसिया उपर वी लाग़ु रिहे।

कुलुस्सियां 2:19

ते वे शिरोमणी नु पकड़ती ना रिही जाये लारे सारी देह जोड़ ते मांसपेसिया चे लारे हेक लारे ग़ठती, नरीकारा ची तरफा कनु बढ़ती जाये।

कुलुस्सियां 3:11

मतलब हा छै कि मसीह मां हमा ना तां कुई यूनानी रेहला, ना यहूदी, ना खतना, ते ना ही खतनारहित, ना जंगली, ना असभ्य, ना दास ते ना आजादी, मसीह यां सारा मां छै, ये सारी मसीह मां छी।