गलातियां 3:1 - ओङ राजपूत

¹ हे गलाति शहरा मां रेहणे आले ब़ुध्दु लौक तम्हानु केहणे मोहति गेले? मैं तां तम्हानु खोलती कर बावड़ती ङिले ते, जिंवे तम्चे सामणे ईशु मसीह नु क्रूसा उपर चढ़ाले गेले,

गलातियां 3:1 ပူးပေါင်းရင်းမြစ်များ

मत्ती 24:24

कांकि कूड़े मसीह ते कूड़े भविष्यवक्‍ता उठती खड़े हुवे, ते बङे चैन्ह, ते अदभोत काम ङिखाणे कि अगर हो सग़े तां चुणले आला नु वी भरमाती ङियो।

मत्ती 7:26

“पर जको कुई माया ये बाता सुणे ते वांचे उपर ना चली, ऊं ओ नासमझ इन्साना आलीकर ठहरी जेह्णे आपणे घर रेता चे उपर बणाले।

लूका 24:25

तब ईशु ने वानु केहले, “हे ना समझ, ते भविष्यवक्‍ता चीया सारीया बाता उपर विश्‍वास करने मां बन्द मतड़े!

प्रेरितां चे काम 16:6

ते वे फ्रूगिया ते गलातिया प्रदेसा महु हुती कर गेले, कांकि पवित्र आत्मा ने वानु एशिया इलाके मां वचन सुणावणे वास्ते मना करले।

प्रेरितां चे काम 6:7

ते नरीकारा चा वचन फैलता गेला ते यरुशलेम मां चैला ची गिणती ब़ोहत बधती गेली ते याजका चा हेक बङा समाज ऐ मत्त नु मनणे आला हुती गेला।

रोमियां 10:16

पर सब ने ओ सुसमाचार उपर कान कोनी लाले। यशायाह भविष्यवक्‍ता किहे, “हे प्रभु, केहणे अम्चे समाचारा उपर विश्‍वास करला?”

रोमियां 2:8

पर जको स्वार्थी छी ते सच्‍चाई नु ना मनी, बल्कि अधर्म नु मनी, वांचे उपर क्रोध ते क्रोप पड़ी।

रोमियां 6:17

पर नरीकारा चा धन्यवाद हो कि, तम्ही जको पापा चे दास हुते, हमा आपणे सारे मना लारे ओ उपदेश नु मनणे आले हुती गेले, जको तम्हानु सोंपला गेला हुता।

1 कुरिन्थियां 11:26

कांकि जिसे बेले कङी तम्ही हा रोटी खावा ते ऐ मुंगरा महु पीया, तां प्रभु चे आगमन तक ओची मौत चा प्रचार करा।

1 कुरिन्थियां 2:2

कांकि मैं मना मां सराती गेलते, कि तम्चे मां ईशु मसीह, बल्कि क्रूसा उपर चढ़ाले हुले मसीह नु छोड़ती नेरी किसी बाते नु ना जाणे।

2 कुरिन्थियां 10:5

ऐवास्ते अम्ही विचारा नु, ते हर हेक ऊंची बाते नु, जको नरीकारा ची पिछाण चे विरोध मां उठे, ढाती नाखु, ते हर हेक भावना नु कैद करती कर मसीह चा आज्ञाकारी बणाती ङिऊं।

2 कुरिन्थियां 11:3

पर मैं ङरे कि जिंवे नाग़ा ने आपणी चलाकी लारे हवा नु भरमाती ङिले, कङी इसड़े ना हो कि तम्चे मन मसीह चे प्रति पवित्रता ते भग़ती कनु भटकती ना जाओ।

गलातियां 1:2

ते माये लारे रेहणे आले सारे, भावां चे तरफु, गलाति शहरा ची कलीसिया चे लौका नु नमस्कार,

गलातियां 1:6

मनु अचम्भा हुवे पला कि जेह्णे तम्हानु ईशु मसीह चे अनुग्रह मां हकारले, ओकनु तम्ही इतनी जल्दी भूलती कर नेरे ही तरह चे सुसमाचार सनु झुकु लाग़ती गेले।

गलातियां 2:14

पर जब मैं ङेखले कि वे सुसमाचार ची सच्‍चाई उपर सिधी चाल ना चली, तां सारा चे सामणे पतरस नु केहले, “जब तु यहूदी हुती कर नेरीया जातिया आलीकर चली ते यहूदिया चे जिसड़ा ना तां नेरीया जातिया नु कां किही यहूदिया जिसड़े चलणे वास्ते?

गलातियां 3:3

का तम्ही इसड़े ब़ुध्दु छिवा जको पवित्र आत्मा ची रीति पर शुरु करती ते शरीरा ची रीति पर अन्त करा।

गलातियां 4:9

पर हमा जको तम्ही नरीकारा नु पिछाणती गेले बल्कि नरीकारा ने तम्हानु पिछाणले, तां वा कमजोर ते संसारा ची बेकार जिसड़ी शिक्षा चीया बाता ची ओर कां मुड़ा? का वांचे तम्ही दोबारा गुलाम हुवणे चाहवा?

गलातियां 5:11

पर हे भऊ ब़ेहणी, अगर मैं हमा तक खतने चा प्रचार करी हा, तां कां हमा तक सताला जाये? अगर इसड़े हुवीया तां मसीह चे क्रूसा ची वजह कनु आली सारी रुकावटा खत्तम हुती जईया।

इफिसियां 3:8

मैं सारे पवित्र लौका कनु छोटा छै, मनु हा वरदान मिड़ला कि मैं नेरीया जातिया मां जती कर मसीह चा बेशकीमती शान्ति चा धन चा सुसमाचार सुणावे।

इफिसियां 4:14

अम्ही इसड़ी ब़ाले बणली ना रिहुं कि हवाई लारे उछलती ना जऊं बन्दी जको ठग़्ग़ विधिया नु बधावी, भ्रम चे लारे भरले आले व्यवहार कनु, ते इसड़े ढोंगीपणे कनु इंगे-ऊंगे भटकाती ङी

इफिसियां 5:15

ऐवास्ते ध्याना लारे ङेखा, कि किसड़ी चाल चला पले, बेवकूफ आलीकर ना, पर समझदारी लारे चला।

2 थिस्सलुनीकियां 1:8

ते जको नरीकारा नु ना पिछाणी, ते अम्चे प्रभु ईशु चे सुसमाचार नु ना मनी वाकनु पलटा हुवी।

1 तीमुथियुस 6:4

तां ओ घमण्डी हुती गेला, ते कहीं ना जाणी, पर ओनु बहस-बाजी ते अक्षरा उपर तर्क करने चा रोग़ छै, जाये कनु नफरत, ते झग़ड़े, ते निन्दा चीया बाता, ते गन्दे-गन्दे शक्‍क पैदा हुवी,

इब्रानियां 11:8

विश्‍वासा लारे ही अब्राहम जिसे बेले हकारला गेला तां आज्ञा मनती कर इसड़ी जग़हा निकलती गेला जानु विरासत मां गेहणे आला हुता ते ईं ना जाणता, कि ओ किठे जाये पला, तां वी निकलती गेला।

इब्रानियां 5:9

ते सेद्ध बणती कर ओ खौद्द वां सब वास्ते जको ओची आज्ञा चा पालन करी अनन्त काल वास्ते उद्धार ची वजह बणती गेला।

1 पतरस 1:22

हमा ङेखा, जिसे बेले तम्ही सच्‍चाई चा पालन करते हुले, सच्‍चे भाईचारे चे प्रीति नु उजागर करने चे वास्ते आपणी आत्मा नु पवित्र करते गेले ते पवित्र मना लारे हेके ङुजे लारे प्रेम राखा।

1 पतरस 4:17

कांकि ओ समय आती गेला, कि पेहले नरीकारा चे लौका चा न्यां करला जई, ते जबकि न्यां ची शुरुआत अम्चे ही कनु हुवी। ते वा लौका चा का अन्त हुवी जको नरीकारा चे सुसमाचार नु ना मनी? जिंवे शास्त्र मां लिखले पले,

2 पतरस 2:18

वे बेकार घमण्ड चा बाता करती करती लोचपण चे कामा लारे, वां लौका नु शरीरिक इच्छा लारे फसाती गिही, जको भटकले आला महु हमा निकली ही पले।

प्रकाशितवाक्य 18:3

कांकि ओचे व्यभिचार ची भयानक मदिरा ची वजह सारीया जातिया ढेती गेलीया, ते धरती चे राजा ने विचे लारे व्यभिचार करला, ते धरती चे व्यपारी ओचे सोख-विलास चे बढ़ती ची वजह धनवान हुले।”

प्रकाशितवाक्य 2:20

पर मनु दुधे विरोध ईं केहणे कि तु वे असतरी इजेबेल नु रिहुं ङी, जको आपणे आप नु भविष्यवक्‍तनी किहे, ते माये दासा नु व्यभिचार करने ते मूर्तिया चे आग़ु चढ़ालीया गेलीया चीजा खाणे सिखाती कर भरमाती ङिये।