गलातियां 2:19 - ओङ राजपूत

¹⁹ मैं तां व्यवस्था चे लारे व्यवस्था वास्ते मरती गेला, ताकि नरीकारा चे वास्ते जिंवे।

गलातियां 2:19 ပူးပေါင်းရင်းမြစ်များ

रोमियां 4:15

कांकि व्यवस्था तां नरीकारा चा क्रोध पैदा करे। जिठे व्यवस्था कोनी ओठे विचा उलंघन वी कोनी।

रोमियां 5:20

व्यवस्था, आधे मां आती गेली कि अपराध ब़ोहत हो, पर जिठे पाप ब़ोहत हुला, ओठे नरीकारा चा अनुग्रह ओचे कनु वी कहीं ज्यादा हुला।

रोमियां 6:11

यूहीं तम्ही वी आपणे-आप नु पापा चे वास्ते मरले आले समझा, पर नरीकारा चे वास्ते मसीह ईशु मां जीते समझा।

रोमियां 6:14

बल्ति तम्ही पापा चे अधीन नी हुवा, कांकि तम्ही व्यवस्था चे अधीन कोनी बल्कि अनुग्रह चे अधीन छिवा।

रोमियां 6:2

कङी वी कोनी। अम्ही जब पापा वास्ते मरती गेले तां बल्ति आग़ु कनु ओचे मां किवें जीवन बिताऊं?

रोमियां 7:14

कांकि अम्ही जाणु कि व्यवस्था तां आत्मिक छै, पर मैं शरीरिक छै ते पाप चे हाथा मां बिकला आला छै।

रोमियां 7:4

तां हे माये भऊ, तम्ही वी मसीह ची देह चे जरिये व्यवस्था वास्ते मरले आले बणती गेले कि मसीह चे हुती जऊं, जको मरला आला महु जीता हुती गेला, ताकि अम्ही नरीकारा चे वास्ते फल आणु।

रोमियां 8:2

कांकि जीवन ची आत्मा ची व्यवस्था ने मसीह ईशु मां मनु पाप ची ते मौत ची व्यवस्था कनु आजाद करती ङिले।

1 कुरिन्थियां 10:31

ऐवास्ते तम्ही जको चाहवा खावा चाहे पीया चाहे जको कोच्छ करा, सब कोच्छ नरीकारा ची महिमा वास्ते करा।

1 कुरिन्थियां 9:20

मैं यहूदिया वास्ते यहूदिया जिसड़ा बणला कि यहूदिया नु जीत सग़े। जको लौक व्यवस्था चे अधीन छी वांचे वास्ते मैं व्यवस्था चे अधीन ना हुवणे उपर वी व्यवस्था चे अधीन बणला कि वानु जको व्यवस्था चे अधीन छी, जीत सग़े।

2 कुरिन्थियां 5:15

ते मसीह सब वास्ते मरला कि जको जीते छी, वे आग़ु चे वास्ते आपणे वास्ते ना जियो, पर ओचे वास्ते जियो जको वांचे वास्ते मरला ते बल्ति कनु जीता हुला।

गलातियां 2:20

मैं मसीह चे लारे क्रूसा उपर चढ़ाला गेला, हमा मैं जीता ना रेहला, पर मसीह माये मां जीता छै, मैं शरीरा मां जको हमा जीता छै, तां सेर्फ ओ विश्‍वास लारे जीता छै जको नरीकारा चे पूता उपर छै जेह्णे मनु प्रेम करला, ते आपणे आप नु माये वास्ते ङिती ङिले।

गलातियां 3:10

ऐवास्ते जितने लौक व्यवस्था चे कामा उपर भरोसा राखी वे श्राप चे गुलाम छी कांकि लिखले आले छै कि “जको कुई व्यवस्था चीया सारीया बाता पुरीया करने मां मजबूत ना रिही ऊं श्रापित छै। ”

गलातियां 3:24

ऐवास्ते व्यवस्था मसीह चे आणे तक गेहती जेह्णे आला हेक सम्भालणे आला बणती गेला, ताकि अम्ही विश्‍वास लारे धर्मी बणती जहु।

गलातियां 6:14

पर यूं ना हो कि मैं नेरी कुई बाते चा घमण्ड करे, सेर्फ अम्चे प्रभु ईशु मसीह चे क्रूसा चा, जाये जरिये संसार माई नजरी मां ते मैं संसारा ची नजरी मां क्रूसा उपर चढ़ाला गेला

कुलुस्सियां 2:20

जबकि तम्ही मसीह चे लारे संसारा ची शिक्षा ची तरफा कनु मरती गेले, तां बल्ति वांचे समान जको संसारा मां जीन्दगी बितावी ते बन्दा ची आज्ञा ते शिक्षा चे अनुसार।

कुलुस्सियां 3:3

कांकि तम्चा पुराणा सुभाव तां मरती गेला, ते अम्ची तां जीन्दगी मसीह चे लारे नरीकारा मैं लुकली आली छै।

1 थिस्सलुनीकियां 5:10

ईशु मसीह अम्चे वास्ते ऐ वजह मरला, कि अम्ही चाहे जीते रिहुं चाहे मरती जऊं जिसे बेले ओ पुठा आवी ओचे लारे जिऊं।

तीतुस 2:14

जेह्णे आपणे आप नु अम्चे वास्ते ङिती ङिले, कि अम्हानु हर-तरहा चे अधर्म कनु छुड़ाती गिहो, शोद्ध करती आपणे वास्ते हेक इसड़ी जाति बणाती गिहो जको भले-भले कामा मां तियार हो।

इब्रानियां 9:14

तां मसीह चे लुहीं, जेह्णे आपणे आप नु अनन्त आत्मा चे जरिये खौद्द नु नरीकारा चे सामणे निर्दोष बलि चे रूपा मां भेंट करती ङिले, जीते नरीकारा ची सेवा वास्ते तम्चे विवेक नु मरले आले कामा कनु शोद्ध किवें नी करी?

1 पतरस 2:24

ओ खौद्द ही अम्चे पापा नु आपणे शरीरा चे उपर चती कर क्रूसा उपर चढ़ती गेला, जाये कनु अम्ही पापा चे वास्ते मरती कर धार्मिकता चे वांचे वास्ते जीवन बिताऊं, ओचे ही मार खाणे ची वजह कनु तम्ही चंगे हुले।

1 पतरस 4:6

कांकि मरले आला नु वी सुसमाचार ऐवास्ते सुणाला गेला, कि शरीरा मां तां बन्दा चे अनुसार वांचा न्यां हो, पर आत्मा मां वे नरीकारा चे अनुसार जीते रिहो।