गलातियां 2:16 - ओङ राजपूत

¹⁶ बल्ति वी ईं जाणु कि कुई बन्दी मूसा चे व्यवस्था चा पालन करने ची वजह कनु धर्मी ना हो सग़ी बल्कि सेर्फ ईशु मसीह पर विश्‍वास करने लारे धर्मी बणाले जाये अम्ही ऐवास्ते ईशु मसीह पर विश्‍वास करला ताकि ऐ विश्‍वास ची वजह कनु अम्ही धर्मी हुती जहु ना कि व्यवस्था चा पालन करने ची वजह कनु। कांकि व्यवस्था चा पालन करने लारे कुई वी बन्दे धर्मी ना बण सग़ी।

गलातियां 2:16 ပူးပေါင်းရင်းမြစ်များ

यूहन्‍ना 20:31

पर ईं ऐवास्ते लिखले गेले कि तम्ही विश्‍वास करा कि ईशु ही नरीकारा चा पूत मसीह छै, ते विश्‍वास करती ओचे नांवा लारे जीवन गिहा।

प्रेरितां चे काम 4:12

ते कुई ङुजे चे जरिये उद्धार कोनी, कांकि सारे संसारा मां नेरे कुई ङुजे नां कोनी ङिले गेले, जाये जरिये अम्ही उद्धार गे सग़ु।”

रोमियां 1:17

कांकि ओचे मां नरीकार ची धार्मिकता विश्‍वास लारे ते विश्‍वास चे वास्ते प्रकट हुवे, जिंवे पवित्रशास्त्रा मां लिखले पले, “धर्मी जन विश्‍वास लारे जीते रिही।”

रोमियां 3:30

कांकि हेक ही नरीकार छै, जको खतना आला नु विश्‍वास लारे ते खतनारहित नु वी विश्‍वास चे जरिये धर्मी ठहरावी।

रोमियां 4:2

कांकि अगर अब्राहम कामा लारे धर्मी ठहराला जाये हा, तां ओनु घमण्ड करने ची वजह हुवे हा, पर नरीकारा चे गोढु कोनी।

रोमियां 4:24

पर अम्चे वास्ते वी छै। नरीकार अम्हानु वी जको ओचे उपर विश्‍वास राखु धर्मी ठहरावी, ओणे अम्चे प्रभु ईशु नु मरले आला महु जिवाले।

रोमियां 8:3

कांकि जको काम व्यवस्था, शरीरा चे वजह दुर्बल हुती कर ना कर सग़ली, ओनु नरीकारा ने करले, यानिकि आपणे ही पूता नु पापमय शरीरा ची समानता मां, ते पाप चे बलिदान हुवणे चे वास्ते भेज़ती कर, शरीरा मां पापा उपर ङण्ड ची आज्ञा ङिली।

रोमियां 9:30

तां अम्ही का किहुं? ईं कि नेरीया जातिया ने जको धार्मिकता ची खोज ना करी, धार्मिकता हांसिल करली यानिकि वे धार्मिकता नु जको विश्‍वास लारे छै।

1 कुरिन्थियां 6:11

ते तम्चे महु कोच्छ इसड़े ही हुते। पर हमा तम्ही धुपती कर शोद्ध हुती गेले प्रभु ईशु मसीह चे नांवा लारे ते अम्चे नरीकारा ची आत्मा चे जरिये करले गेले कामा चे नतीजे लारे धर्मी घोषित करले गेले ही छिवा।

गलातियां 4:5

ताकि व्यवस्था चे अधीन हुले आला नु मोल गेहती छुड़ाती गिहो ते अम्ही गोद गेहले आले ब़ाले छिऊं।

गलातियां 5:4

तम्ही जको वी व्यवस्था लारे धर्मी जुड़ने चाहवा मसीह कनु अलग़ हुती जावा, ते नरीकारा चा अनुग्रह कनु दूर हटती जावा।

फिलिप्पियां 3:9

ते ओचे मां ही लाभे माई वे धार्मिकता ची वजह कनु ना जको व्यवस्था चे विधान उपर टिकली हुती, बल्कि वे धार्मिकता ची वजह कनु जको मसीह मां विश्‍वास ची वजह कनु मिले, जको नरीकारा कनु मिले ते जाया अधार विश्‍वास छै।

1 पतरस 1:2

ते नरीकार ब़ा चे भविष्य ज्ञान चे अनुसार, पवित्र आत्मा चे पवित्र करने चे जरिये आज्ञा मनणे ते ईशु मसीह चे लुहींया चे छिड़कले जाणे चे वास्ते चुणले गेले। तम्हानु अनुग्रह ते शान्ति ब़ोहत मिलती रिहो।

1 पतरस 2:24

ओ खौद्द ही अम्चे पापा नु आपणे शरीरा चे उपर चती कर क्रूसा उपर चढ़ती गेला, जाये कनु अम्ही पापा चे वास्ते मरती कर धार्मिकता चे वांचे वास्ते जीवन बिताऊं, ओचे ही मार खाणे ची वजह कनु तम्ही चंगे हुले।

1 पतरस 3:18

कांकि मसीह ने वी अम्चे पापा चे वास्ते ङोख भोग़ले। यानिकि ओ बेकसूर हुता। अम्चे पापा चे वास्ते हेक वारी मरती गेला कि अम्हानु नरीकारा चे गोढु गेहती जाओ। शरीरा चे जरिये तां ओ मारला गेला, पर आत्मा चे जरिये जिवाला गेला।

2 पतरस 1:1

शमौन पतरस चे तरफु जको ईशु मसीह चा दास छै ते प्रेरित छै, हा चिठ्ठी वां लौका चे नांवे जेह्णे अम्चे नरीकार ते उद्धारकर्ता ईशु मसीह ची धार्मिकता चे जरिये अम्चे आलीकर ब़ोहत कीमती विश्‍वास गेहला।

1 यूहन्‍ना 1:7

अगर जिसड़ा ओ सोज़ले छै, यूंही अम्ही हमा वी सोज़ले मां टुरु तां हेके ङुजे लारे सहभागिता राखु वी, ते नरीकारा चा पूत ईशु चे लुहीं अम्हानु सारा पापा कनु शोद्ध करे।

प्रकाशितवाक्य 7:14

मैं ओनु केहले, “हे मालिक, तु ही जाणी।” ओणे मनु केहले, “ये वे छी जको बङे क्लेशा महु निकलती कर आले। यांणे आपणी-आपणी ओढ़णी मैमणे चे लुहींया लारे धोती कर चिट्टी करली।

प्रकाशितवाक्य 7:9

ऐचे बाद मैं नजर करली, ते ङेखा, हर हेक जाति, ते कोल्‍ल, ते लौक ते भाषा महु हेक इसड़ी बङी भीड़, जानु कुई गेण ना सग़ते। चिट्टी ओढ़णी घाली आले ते आपणे हाथा मां खज्जी चा लड़ीया चले हुले सिंहासना चे सामणे ते मैमणे चे सामणे भिली।