गलातियां 1:23 - ओङ राजपूत

²³ पर वे कलीसिया ने ईं सुणले कि जको पेहले अम्हानु सताता रेहता, ओ हमा ओही विश्‍वास चा सुसमाचार सुणावे, जानु पेहले नाश करता।

गलातियां 1:23 ပူးပေါင်းရင်းမြစ်များ

प्रेरितां चे काम 19:13

पर कोच्छ यहूदी जको दुष्टात्मा नु काढ़ते फिरते, वे ईं करु लाग़ले जिसा बन्दा मां दुष्टात्मा हुतीया, वांचे उपर प्रभु ईशु चे नांवा चा इस्तेमाल करने ची कोशिस करते तां केहते, “मैं तम्हानु ईशु चे नांवा लारे जाया प्रचार पौलुस करे, आज्ञा ङिये पला।”

प्रेरितां चे काम 6:7

ते नरीकारा चा वचन फैलता गेला ते यरुशलेम मां चैला ची गिणती ब़ोहत बधती गेली ते याजका चा हेक बङा समाज ऐ मत्त नु मनणे आला हुती गेला।

प्रेरितां चे काम 9:13

पर हनन्याह ने उत्तर ङिला, “हे प्रभु, मैं ऐ इन्साना चे बारे मां घणा कनु सुणले कि ऐणे यरुशलेम मां दुधे पवित्र लौका लारे बङीया-बङीया बुराईया करलीया,

प्रेरितां चे काम 9:20

ते ओ तुरन्त यहूदी प्राथनाघरा मां ईशु चा प्रचार करु लाग़ला कि, “ईशु मसीह नरीकारा चा पूत छै।”

प्रेरितां चे काम 9:21

ते सारे सुणने आले हैरान हुती कर किहुं लाग़ले, “का हा ओही शक्स कोनी जको यरुशलेम मां वानु जको ईं नां गेहते नाश करता, ते इठे वी ऐवास्ते आला हुता, कि वानु ब़ांहती कर प्रधान याजका गोढु गेहती जाओ?”

प्रेरितां चे काम 9:26

यरुशलेम मां पुज़ती कर ओणे चैला लारे मिलणे चा उपा करला, पर सारे ओकनु ङरते, कांकि वानु विश्‍वास ना हुता, कि ओ वी चैला छै।

गलातियां 6:10

ऐवास्ते जिठे तक मौका मिले अम्ही सारा लारे भलाई करु इठे तक कि खास करती आपणे विश्‍वास करने आला भावां लारे।