गलातियां 1:22 - ओङ राजपूत

²² पर जको यहूदिया देशा ची कलीसिया जको मसीह मां हुती, वाणे माई शकल तक कोनी ङेखली।

गलातियां 1:22 ပူးပေါင်းရင်းမြစ်များ

प्रेरितां चे काम 9:31

यूं करती सारे यहूदिया, ते गलील, ते सामरिया, मां कलीसिया नु चैन मिड़ला, ते वांची बढ़ोतरी हुती गेली, ते वे प्रभु चे भय ते पवित्र आत्मा ची शान्ति मां टुरते ते बधते गेले।

रोमियां 16:10

अपिल्‍लेस नु जको मसीह मां खरा निकड़ला, नमस्कार। अरिस्तुबुलुस चे घराणे नु नमस्कार।

रोमियां 16:3

प्रिस्का ते अक्विला नु जको ईशु मसीह मां माये भईवाल हुले, वानु नमस्कार।

रोमियां 16:7

अन्द्रनीकुस ते यूनियास नु जको माये कुणम्बे चे छी, ते माये लारे कैद हुले हुते, ते प्रेरितां मां मनले आले छी, ते माये कनु पेहले मसीही हुले हुते, नमस्कार।

रोमियां 16:9

उरबानुस नु, जको मसीह मां अम्चा भईवाल छै, ते माये प्यारे इस्तखुस नु नमस्कार।

1 कुरिन्थियां 1:30

पर ओचे ही तरफु तम्ही मसीह ईशु मां छिवा, नरीकारा ने मसीह नु अम्चे वास्ते ज्ञान ठहराला मतलब धार्मिकता ते पवित्रता ते छुटकारा बणती जाओ।

1 कुरिन्थियां 7:17

नरीकारा ने जानु जिसी स्थिति मां राखले ते जिसे रूपा मां ओनु हकारले ऊं ओचे मां बणले रिहो। सारीया कलीसिया चे वास्ते माये ईं केहणे छै।

फिलिप्पियां 1:1

मसीह ईशु चा दास पौलुस ते तीमुथियुस ची तरफु, सब पवित्र लौका चे नांवे जको मसीह ईशु मां हुती कर फिलिप्पी मां रिही, मुखिया ते सेवका समेत।

1 थिस्सलुनीकियां 1:1

पौलुस ते सिलवानुस ते तीमुथियुस ची ओर कनु थिस्सलुनीकियां ची कलीसिया चे नांवे, जको अम्चे ब़ा नरीकार ते प्रभु ईशु मसीह मां छी। अनुग्रह ते शान्ति तम्हानु मिलती रिहो।

1 थिस्सलुनीकियां 2:14

ऐवास्ते कि तम्ही, हे माये भऊ ते ब़ेहणीया, नरीकारा ची वां कलीसिया ची जिसड़ी चाल चलु लाग़ले, जको यहूदिया मां मसीह ईशु मां छी, कांकि तम्ही वी आपणे लौका कनु इसड़े ही ङोख झड़ले, जिसड़े वाणे यहूदिया कनु झड़ले।

2 थिस्सलुनीकियां 1:1

पौलुस ते सिलवानुस ते तीमुथियुस चे तरफा कनु थिस्सलुनीकियां ची कलीसिया चे नांवे हा चिठ्ठी, जको अम्चे ब़ा नरीकार ते प्रभु ईशु मसीह मां छै।