गलातियां 1:18 - ओङ राजपूत

¹⁸ बल्ति तीन साला कनु बाद मैं कैफा नु मिलणे वास्ते यरुशलेम शहरा मां गेला, ते ओचे गोढु पन्द्रहा ङिहां तक रेहला।

गलातियां 1:18 ပူးပေါင်းရင်းမြစ်များ

यूहन्‍ना 1:42

बल्ति अन्द्रियास शमौन नु ईशु चे गोढु गेहती आला। ईशु ने शमौन नु ङेखती कर केहले, “तु यूहन्‍ना चा पूत शमौन छी, तु कैफा किहवावे।” (कैफा जानु पतरस वी किही यांचा मतलब चट्टान हुवे)।

गलातियां 2:11

जिसे बेले पतरस अन्ताकिया मां आला ते मैं ओचे सामणे ओचा विरोध करला कांकि ओ कसूरवार हुता,

गलातियां 2:14

पर जब मैं ङेखले कि वे सुसमाचार ची सच्‍चाई उपर सिधी चाल ना चली, तां सारा चे सामणे पतरस नु केहले, “जब तु यहूदी हुती कर नेरीया जातिया आलीकर चली ते यहूदिया चे जिसड़ा ना तां नेरीया जातिया नु कां किही यहूदिया जिसड़े चलणे वास्ते?

गलातियां 2:7

पर वां बङका ने ङेखले कि पतरस नु खतना करले आले लौका मां सुसमाचार सुणावणा सोंपला गेला, पर यूंही बिना खतना करले आले लौका मां सुसमाचार सुणावणा मनु सोंपले गेले।

गलातियां 2:9

जिसे बेले वाणे ओ अनुग्रह नु जको मनु मिड़ला हुता समझती गेले, तां याकूब, ते यूहन्‍ना, ते पतरस जको कलीसिया चे खम्बे समझले जते, मनु ते बरनबास नु आपणी संगति चा सज़्ज़ा हाथ ङिला, कि अम्ही नेरीया जातिया मां जऊं ते वे खतना करले आले यहूदी लौका मां,