गलातियां 1:13 - ओङ राजपूत

¹³ यहूदिया चे पन्था मां जको माया पेहले चाल-चलन हुता ओचे बारे तम्ही सुणती चुकले छिवा कि मैं नरीकारा ची कलीसिया नु ब़ोहत ही सताता ते नाश करता।

गलातियां 1:13 ပူးပေါင်းရင်းမြစ်များ

प्रेरितां चे काम 8:1

ओही ङिओ यरुशलेम ची कलीसिया उपर बङा सताव हुं लाग़ती गेला, ते प्रेरितां नु छोड़ती कर सारे चे सारे जणे यहूदिया ते सामरिया देशा मां खिंडती-पुंडती गेले।

प्रेरितां चे काम 8:3

पर शाऊल कलीसिया नु उज़ाड़े पलता, ते घरे-घरे घिरती कर मर्दा ते असतरीया नु घींसती-घींसती कर कैदखाने मां नाखती ङिता।

प्रेरितां चे काम 9:21

ते सारे सुणने आले हैरान हुती कर किहुं लाग़ले, “का हा ओही शक्स कोनी जको यरुशलेम मां वानु जको ईं नां गेहते नाश करता, ते इठे वी ऐवास्ते आला हुता, कि वानु ब़ांहती कर प्रधान याजका गोढु गेहती जाओ?”

प्रेरितां चे काम 9:26

यरुशलेम मां पुज़ती कर ओणे चैला लारे मिलणे चा उपा करला, पर सारे ओकनु ङरते, कांकि वानु विश्‍वास ना हुता, कि ओ वी चैला छै।

1 कुरिन्थियां 10:32

तम्ही ना यहूदिया वास्ते, ना नेरीया जातिया ते ना नरीकारा ची कलीसिया वास्ते ठोकर ची वजह बणा।

1 कुरिन्थियां 15:9

कांकि मैं प्रेरितां महु सबकनु छोटा छै, बल्कि प्रेरित किहवाणे चे वी काबिल कोनी, कांकि मैं नरीकारा ची कलीसिया नु सताले हुते।

फिलिप्पियां 3:6

जोश चे बारे अगर किहा तां कलीसिया नु सतावणे आला, ते व्यवस्था ची धार्मिकता चे बारे अगर किहा तां मैं निर्दोष हुता।

1 तीमुथियुस 1:13

मैं तां पेहले निन्दा करने आला, ते सतावणे आला, ते अन्धेर करने आला हुता, तां वी माये उपर दया हुली, कांकि मैं अविश्‍वास ची दशा मां बिना सोचले समझले, ये कामे करली हुती।

1 तीमुथियुस 1:14

ते अम्चे प्रभु चा अनुग्रह ओ विश्‍वास ते प्रेम चे लारे जको ईशु मसीह मां छै, ब़ोहत ज्यादा हुला।