इफिसियां 6:20 - ओङ राजपूत

²⁰ मैं नरीकारा चा सुसमाचार सुणावणे वास्ते संगला लारे ब़झला आला राजदूत छै। प्राथना करा कि जिंवे ओ चाहवे, यूं हिम्मत लारे सुणा सग़े।

इफिसियां 6:20 ပူးပေါင်းရင်းမြစ်များ

प्रेरितां चे काम 21:33

बल्ति सैनापति उग़ते हुती कर पौलुस नु पकड़ती गेले ते ङुंहु संगला लारे ब़न्धावणे ची आज्ञा ङिली। ते पूछु लाग़ला कि, “हा कूण छै, ते ऐणे का करले?”

प्रेरितां चे काम 26:29

बल्ति पौलुस ने केहले कि, “नरीकारा कनु माई हा प्राथना छै कि का थोड़े मां, का घणे मां, सेर्फ तु ही कोनी, पर जितने लौक आज़ माई बाते नु सुणी पली, सिवाय यां हथकड़ीया नु छोड़ती कर, वे माई आलीकर हुती जाओ।”

प्रेरितां चे काम 28:20

ऐवास्ते मैं तम्हानु हकरवाले, कि तम्चे लारे मिले, ते बातचीत करे, कांकि इस्राएल ची आस चे वास्ते मैं यां संगला लारे जकड़ला पला।”

प्रेरितां चे काम 28:31

ते बिना रोक-टोक बङी हिम्मती लारे नरीकारा चे राज़ चा प्रचार करता रेहला ते प्रभु ईशु मसीह चीया बाता सिखाता रेहला।

प्रेरितां चे काम 5:29

बल्ति पतरस ते नेरा प्रेरितां ने उत्तर ङिला, “बन्दा ची आज्ञा कनु बधती कर नरीकारा ची आज्ञा चा पालन करना ही अम्चा कर्म छै।

2 कुरिन्थियां 3:12

ऐवास्ते इसड़ी आस राखती कर अम्ही हिम्मती लारे ब़ोलु।

2 कुरिन्थियां 5:20

ऐवास्ते अम्ही मसीह चे राजदूत छिऊं, मनाकि नरीकार अम्चे जरिये समझावे। अम्ही मसीह चे तरफु बिनती करु, कि नरीकारा चे लारे मेल-मिलाप करती गिहा।

इफिसियां 3:1

ऐ वजह कनु मैं पौलुस नेरीया जातिया वास्ते ईशु मसीह चा प्रचार करने आला गुलाम बणला आला छै

इफिसियां 4:1

ऐवास्ते मैं पौलुस जको प्रभु ची सेवा करने ची वजह कनु कैद मां छै, तम्हा कनु बिनती करे पला कि जिसी बुलाहट कनु नरीकारा ने तम्हानु हकारले, ओचे अनुसार जीवन बितावा।

इफिसियां 6:19

माये वास्ते वी प्राथना करा, कि मनु ब़ोलते बेले इसड़ा ताकत भरला वचन मिलो, कि मैं हिम्मती चे लारे सुसमाचार चे भेदा नु बावड़ सग़े।

फिलिप्पियां 1:20

मैं तां हाओ दिला ची लालसा ते आस राखे कि मैं कुई बाते मां शर्मिन्दा ना हुवे, पर जिंवे माई बङी हिम्मत चे जरिये मसीह ची बढ़ाई माये शरीरा चे जरिये सदा हुती रेहली, यूंही हमा वी हो, चाहे मैं जीता रिहे जा मरती जाये।

फिलिप्पियां 1:7

माया हा विचार तम्चे वास्ते ठीक छै, कांकि तम्ही माये दिला मां बसती गेले, ते माई कैद मां ते सुसमाचार चे वास्ते उत्तर ते प्रमाण ङेणे मां तम्ही सारे माये लारे अनुग्रह मां भईवाल छिवा।

कुलुस्सियां 4:3

ऐचे लारे-लारे अम्चे वास्ते प्राथना करते रिहा, कि नरीकार अम्चे वास्ते वचन सुणावणे चा इसड़ा मार्ग़ खोलती ङियो, कि अम्ही मसीह चे ओ भेद चा जिक्र कर सग़ु, जाये वजह मैं कैद मां छै।

कुलुस्सियां 4:4

ते तम्ही प्राथना करते रिहा। मैं ओ सुसमाचार नु इसड़ा प्रकट करे, कि वचन लौका नु इसड़ा साफ-साफ प्रचार करे जिसड़ा मनु करना चाही छै।

1 थिस्सलुनीकियां 2:2

बल्कि तम्ही आप जाणा, कि पेहले-पेहले फिलिप्पी मां ङोख चवणे ते जुलम सेहणे पर वी अम्चे नरीकारा ने अम्हानु इसड़ी हिम्मत ङिली, कि अम्ही नरीकारा चा सुसमाचार तकड़ा विरोध हुते हुले वी तम्हानु सुणाऊं।

2 तीमुथियुस 1:16

उनेसिफुरुस चे घराणे उपर प्रभु दया करो, कांकि ओणे घणा वारी माये जीया नु ठाडे करले, ते माये संगला कनु शर्मसार कोनी हुला।

2 तीमुथियुस 2:9

जाये वास्ते मैं कुकर्मी जिसड़ा ङोख चवे पला, इठे तक कि कैद वी छै, पर नरीकारा चा वचन कैद कोनी।

फिलेमोन 1:10

मैं आपणे ब़ाल उनेसिमुस चे वास्ते बिनती करे जको कैदखाने मां पौलुस चे जरिये ईशु मसीह उपर विश्‍वास करने चे जरिये मसीह मां माया धर्मा चा पूत छै।

फिलेमोन 1:9

तांवी मनु ब़ुढ़े पौलुस नु जको हमा मसीह ईशु चे सुसमाचार वास्ते कैदी छै, ईं होर वी समझी मां आवे कि प्रेम लारे बिनती करे।

1 यूहन्‍ना 3:16

अम्ही प्रेम ऐचे कनु जाणला, कि ईशु मसीह ने अम्चे वास्ते आपणे प्राण ङिती ङिले, ते अम्हानु वी आपणे भावां ते ब़ेहणीया चे वास्ते प्राण ङेणे चाही छै।

यहूदा 1:3

हे प्यारे, जब मैं तम्हानु ओ उद्धार चे बारे मां लिखणे मां घणी सारी मेहनत ते कोशिस करे पलता, जाये मां अम्ही सब भईवाल छिऊं, तां मैं तम्हानु ईं समझाणे जरुरी समझले कि ओ विश्‍वास चे वास्ते पूरा यतन करा जको नरीकारा चे पवित्र लौका नु हेक ही वारी सोंपला गेला हुता।