इफिसियां 6:19 - ओङ राजपूत

¹⁹ माये वास्ते वी प्राथना करा, कि मनु ब़ोलते बेले इसड़ा ताकत भरला वचन मिलो, कि मैं हिम्मती चे लारे सुसमाचार चे भेदा नु बावड़ सग़े।

इफिसियां 6:19 ပူးပေါင်းရင်းမြစ်များ

प्रेरितां चे काम 13:46

बल्ति पौलुस ते बरनबास ने बेखौफ हुती कर केहले, “जरुरी हुते, कि नरीकारा चा वचन पेहले तम्हानु सुणाला जईया, पर जबकि तम्ही ओनु मना ही ना, ते आपणे आप नु अनन्त जीवन चे लायक ना ठहरावा, तां हमा, अम्ही नेरीया जातिया सनु फिरु पले।

प्रेरितां चे काम 14:3

पौलुस ते बरनबास ओठे घणे ङिहां तक रेहले, ते प्रभु चे भरोसे उपर हिम्मती चे लारे बाता करते, ते नरीकार वांचे हाथा कनु अचम्भे ची कामे करवाती कर आपणे अनुग्रह चे वचना उपर ग़वाही ङिता।

प्रेरितां चे काम 18:26

अपुल्‍लोस प्राथनाघरा मां बेखौफ हुती कर ब़ोलु लाग़ला, जिसे बेले प्रिस्किल्‍ला ते अक्विला ने ओचे वचना नु सुणले ते ओनु आपणे ओठे गेहती गेला, ते ओठे वाणे अपुल्‍लोस नु नरीकारा ची शिक्षा नु साफ-साफ रीति लारे बावड़ले।

प्रेरितां चे काम 19:8

पौलुस यहूदी प्राथनाघरा मां गेला। ओठे ओ तीन मेहना तक बेधड़क हुती कर ब़ोलता रेहला। नरीकारा चे राज़ चे बारे मां बहस-बाजी करता ते वानु आच्छी रीति लारे समझाता रेहला।

प्रेरितां चे काम 2:4

वे सारे पवित्र आत्मा लारे भरीती गेले, जिंवे आत्मा ने वानु ब़ोलणे ची सामर्थ ङिली, वे अलग़-अलग़ भाषा ब़ोलु लाग़ले।

प्रेरितां चे काम 28:31

ते बिना रोक-टोक बङी हिम्मती लारे नरीकारा चे राज़ चा प्रचार करता रेहला ते प्रभु ईशु मसीह चीया बाता सिखाता रेहला।

प्रेरितां चे काम 4:13

जिसे बेले वाणे पतरस ते यूहन्‍ना चा होंसला ङेखला, ते ईं जाणले कि ये अनपढ़ ते सादा बन्दी छी, तां हैरान हुले, कि ये ईशु चे लारे रेहले हुते।

प्रेरितां चे काम 4:29

हमा हे प्रभु, वांचीया धमकीया नु ङेख ते आपणे दासा नु हा वरदान ङे कि दुधा वचन बङे होंसले लारे सुणाओ।

प्रेरितां चे काम 4:31

जिसे बेले वे प्राथना करती चुकले, तां वा जग़हा जिठे भेले हुते हलती गेली, ते वे सारे पवित्र आत्मा लारे भरीती गेले, ते नरीकारा चा वचन होंसले लारे सुणाते रेहले।

प्रेरितां चे काम 9:27

पर बरनबास ने ओनु आपणे लारे प्रेरितां चे गोढु गेहती गेला वानु केहले, कि ऐणे केस रीति लारे मार्ग़ा मां प्रभु नु ङेखले, ते ओणे ऐचे लारे बाता करलीया बल्ति दमिश्क मां ऐणे किवें हिम्मती लारे ईशु चे नांवा चा प्रचार करला।

प्रेरितां चे काम 9:29

ते यूनानी ब़ोली ब़ोलणे आले यहूदिया लारे बातचीत ते वाद-विवाद करता रेहता पर वे ओनु मारती नाखणे चा जत्तन करु लाग़ले।

रोमियां 15:30

ते हे माये भऊ, मैं ईशु मसीह चा, जको अम्चा प्रभु छै ते पवित्र आत्मा चे प्रेम ची याद ङिवाती कर, तम्चे कनु बिनती करे पला, कि माये वास्ते नरीकारा कनु प्राथना करने मां माये लारे मिलती कर लौ लाली रिहा।

रोमियां 16:25

हमा जको तम्हानु माया सुसमाचार यानिकि ईशु मसीह चे सनेसे चे प्रचार चे अनुसार मजबूत कर सग़े, ओ भेद चे प्रकाश चे अनुसार जको सनातन कनु लुकला रेहला,

1 कुरिन्थियां 1:5

कांकि ओचे मां हुती कर तम्ही हर बाते मां यानि ब़ोलणे ते सारे ज्ञान मां मजबूत करले गेले,

1 कुरिन्थियां 2:7

पर अम्ही नरीकारा चा गुप्त ज्ञान, भेद ची रीति चे अनुसार बावड़ु, जको नरीकारा ने युगा कनु पेहले अम्ची महिमा वास्ते तय करला हुता।

1 कुरिन्थियां 4:1

सही तां ईं हुवी कि अम्हानु मसीह ईशु चा भण्डारी हेकमात्र समझले जाओ, जानु नरीकारा चे भेदा ची जिम्मेवारी सोंपली गेली छै,

2 कुरिन्थियां 1:11

ते तम्ही मिलती कर प्राथना चे जरिये अम्ची सहायता करा। जको ब़ोहता लौका ची प्राथना चे जरिये दया अम्चे उपर हुली, वेही वजह कनु ब़ोहत सारे लौक अम्चे तरफु नरीकारा चा धन्यवाद करो।

2 कुरिन्थियां 3:12

ऐवास्ते इसड़ी आस राखती कर अम्ही हिम्मती लारे ब़ोलु।

2 कुरिन्थियां 6:11

हे कुरिन्थियां वासी, अम्ही तम्चे लारे खुलती कर बाता करलीया, अम्चे देल सदा तम्चे वास्ते खुड़ले आले छै।

2 कुरिन्थियां 7:4

मैं तम्हानु बङी हिम्मती लारे ब़ोले पला। मनु तम्चे उपर बङा गर्व छै। मैं शान्ति लारे भरीती गेला, ते आपणे सारे क्लेश मां वी मैं खुशी लारे भरपूर रिहे।

2 कुरिन्थियां 8:7

पर जिंवे हर बाते मां यानिकि विश्‍वास, वचन, ज्ञान ते हर-तरहा ची कोशिस मां, ते ओ प्रेम मां, जको अम्चे लारे राखा, बधते जावा पले, यूहीं ऐ दान चे कामा मां वी बधते जावा।

इफिसियां 1:9

कांकि ओणे आपणी इच्छा चा भेद, ओ बेले कामा चे अनुसार अम्चे उपर उजागर करला, जानु ओणे आपणे आप मां मसीह मां तय करती गेलते।

इफिसियां 3:9

ते मैं सारे लौका वास्ते वा भेद लारे भरली आली योजना नु प्रकट करे जको सारीया चीजा नु रचने आले नरीकारा मां संसारा चे शुरुआत मां ही लुकली आली हुती।

कुलुस्सियां 2:2

ईं मैं ऐवास्ते किहे ताकि वांचे मना मां बढावा मिलो ते वे प्रेम मां आपस मां ग़ठले रिहो, ते वे पुरी समझ चा सारे धन नु प्राप्त करो, जाये कनु वे नरीकारा चे भेद नु यानि मसीह नु पिछाणती गिहो।

कुलुस्सियां 4:3

ऐचे लारे-लारे अम्चे वास्ते प्राथना करते रिहा, कि नरीकार अम्चे वास्ते वचन सुणावणे चा इसड़ा मार्ग़ खोलती ङियो, कि अम्ही मसीह चे ओ भेद चा जिक्र कर सग़ु, जाये वजह मैं कैद मां छै।

1 थिस्सलुनीकियां 2:2

बल्कि तम्ही आप जाणा, कि पेहले-पेहले फिलिप्पी मां ङोख चवणे ते जुलम सेहणे पर वी अम्चे नरीकारा ने अम्हानु इसड़ी हिम्मत ङिली, कि अम्ही नरीकारा चा सुसमाचार तकड़ा विरोध हुते हुले वी तम्हानु सुणाऊं।

1 थिस्सलुनीकियां 5:25

हे माये भऊ ते ब़ेहणीया, अम्चे वास्ते प्राथना करा।

2 थिस्सलुनीकियां 3:1

ऐवास्ते, ओ माये भऊ ते ब़ेहणीया, अम्चे वास्ते प्राथना करले करा, कि प्रभु चा वचन इसड़ा खुलती कर फेलो, ते महिमा पा सग़ु, जिसड़े तम्चे मां हुले,

1 तीमुथियुस 3:16

ते ऐचे मां कुई शक्‍क कोनी, कि भग़ती चा भेद गम्भीर छै, यानिकि मसीह जको शरीरा मां प्रकट हुला, पवित्र आत्मा मां धर्मी सेद्ध ठहरला, स्वर्ग़दूता नु ङिसला, नेरीया जातिया मां ओचा प्रचार हुला, संसारा मां ओचे उपर विश्‍वास करला गेला, ते महिमा मां उपर चवीला गेला।

फिलेमोन 1:22

हा वी कि माये रेहणे ची जग़हा तियार राखजा मनु आस छै कि तम्ची प्राथना चे वजह कनु मैं तम्हानु सही सलामत दुबारा मिली।

इब्रानियां 13:18

अम्चे वास्ते लगातार प्राथना करते रिहा कांकि अम्हानु भरोसा छै कि अम्चा विवेक शोद्ध छै, ते अम्ही सारीया बाता मां आच्छी चाल चलणे चाहु।