इफिसियां 5:5 - ओङ राजपूत

⁵ कांकि तम्ही हा जाणा कि इसड़ा कुई वी बन्दे जको व्यभिचारी छै ते अशुद्ध, जा लालच, लालची बन्दे जको मूर्ति पुज़ा करने आले चे बराबर छै, मसीह ते नरीकारा चे राज़ मां ना जा सग़ी,

इफिसियां 5:5 ပူးပေါင်းရင်းမြစ်များ

प्रेरितां चे काम 20:32

“ते हमा मैं तम्हानु नरीकारा नु, ते ओचे अनुग्रह चे वचना नु सोंपती ङिये पला, जको तम्ची बढ़ोतरी कर सग़ी, ते सारे पवित्र करले गेले लौका मां सहभागी हुती ते विरासत ङे सग़े।

प्रेरितां चे काम 8:21

ये बाते मां ना दुधा हेंस्सा छै, ना भईवाली, कांकि दुधे मन नरीकारा चे आग़ु सिधे कोनी।

गलातियां 5:19

शरीरा चे काम तां उजागर छै, हराम काम, गन्दे काम, लोचपण,

गलातियां 5:21

जलन, नशा खोरी, असतरीगमन, ते यांचे जिसड़ी नेरी-नेरी कामे वी छिती, यांचे बारे मां मैं तम्हानु पेहले केहती ङिये कि इसड़े-इसड़े काम करने आले नरीकारा चे राज़ चे वारिस ना हो सग़ी

इफिसियां 5:3

जिंवे नरीकारा चे पवित्र लौका चे योग्य छै, यूंही तम्चे मां व्यभिचार ते किसी तरह चे अशुद्ध काम जा लोभ ची चर्चा तक ना हो।

कुलुस्सियां 1:13

नरीकारा ने ही अम्हानु अन्धारे चे वशा महु छुड़ाती कर आपणे प्यारे पूता चे राज़ मां दाखिल करवाले।

कुलुस्सियां 3:5

ऐवास्ते आपणे-आपणे अंगा नु मारती नाखा, जको धरती उपर छी, यानि गन्दे काम अपवित्र, बुरी इच्छा, गन्दी आदत, लोभ जको मूर्ति चे बराबर छै।

1 तीमुथियुस 6:10

कांकि पैसा चा लोभ सारीया प्रकार ची बिमारीया जा बुराई ची ज़हड़ छै। ऐ पैसे नु हांसिल करने ची कोशिस मां जाणे कितने तां विश्‍वास कनु भटकती कर आपणे आप नु नाना प्रकार चे ङुखा कनु छाणी बणाती नाखले।

1 तीमुथियुस 6:17

ऐ संसारा चे धनवाना नु हा आज्ञा ङे, कि वे अंहकारी ना हो ते चंचल धन उपर आस ना राखो, पर नरीकारा उपर आस राखो जको अम्चे सुखा चे वास्ते सारे कोच्छ ब़ोहत ज्यादा ङिये।

इब्रानियां 13:4

बीहा ची बात सम्मानित रिहो ते बीहा चे बीछाणे निष्कलंक रिहो, कांकि नरीकार व्यभिचारीया ते परअसतरी गामीया चा न्यां करी।

प्रकाशितवाक्य 21:8

पर कायर, ते अविश्‍वासी, ते घिनौने, ते हत्यारे, ते व्यभिचारी, ते जादू-टूणे करने आले, ते मूर्तिपूजक, ते सारे कूड़ मारणे आला चा हेंस्सा वे झीली मां मिली, जको जाखते ते गन्धक लारे ब़लती रिहे, हा ङुजी मौत छै।”

प्रकाशितवाक्य 22:15

ये कुत्ती कामे, जादू-टूणे करने आले, ते व्यभिचारी, ते हत्यारे, ते मूर्तिपूजक, ते कूड़ा उपर टुरणे आले, ते कूड़ लारे प्रेम राखणे आले, ब़ाहरु पले रिहे।