इफिसियां 5:25 - ओङ राजपूत

²⁵ हे घराआले, आपणी-आपणी घराआली लारे प्रेम राखा, जिंवे मसीह ने वी कलीसिया लारे प्रेम करती कर आपणे आप नु वांचे वास्ते ङिती ङिले।

इफिसियां 5:25 ပူးပေါင်းရင်းမြစ်များ

मत्ती 20:28

जिंवे कि मैं इन्साना चा पूत, ऐवास्ते कोनी आला कि ओची सेवा-टहल करली जाओ, पर ऐवास्ते आला कि आप सेवा-टहल करो, ते ब़ोहता नु छुड़ावणे वास्ते आपणे प्राण ङियो।”

यूहन्‍ना 6:51

मैं ही वा जीती रोटी छै जको स्वर्ग़ा कनु उतरली। अगर ये रोटी नु कुई खाये ते ऊं सदा जीते रिही। ते वा रोटी जानु मैं ङिही माये शरीर छै, ऐची वजह कनु संसार जीता रिही।”

प्रेरितां चे काम 20:28

ऐवास्ते आपणी ते पुरे झुन्डा ची ङेख-रेख करा, जाये मां पवित्र आत्मा ने तम्हानु नु मुखिया ठहराले कि तम्ही नरीकारा ची कलीसिया ची रखवाली करा, ओणे तम्हानु आपणे पूता चे लुहींया लारे मोल गेहती गेले।

गलातियां 1:4

प्रभु ईशु मसीह ने आपणे आप नु अम्चे पापा चे वास्ते ङिती ङिले, ताकि अम्चे नरीकार ते ब़ा ची इच्छा चे अनुसार अम्हानु ऐ वर्तमान बुरे संसारा कनु छुड़ाओ।

गलातियां 2:20

मैं मसीह चे लारे क्रूसा उपर चढ़ाला गेला, हमा मैं जीता ना रेहला, पर मसीह माये मां जीता छै, मैं शरीरा मां जको हमा जीता छै, तां सेर्फ ओ विश्‍वास लारे जीता छै जको नरीकारा चे पूता उपर छै जेह्णे मनु प्रेम करला, ते आपणे आप नु माये वास्ते ङिती ङिले।

इफिसियां 5:2

ते प्रेम मां चला, जिंवे मसीह ने वी अम्चे लारे प्रेम करला, ओणे आपणे आप नु सोख ङेणे आली खुश्बु ची तरह नरीकारा नु कुर्बानी ङिली जती।

इफिसियां 5:24

पर जिंवे कलीसिया मसीह चे अधीन छै, यूंही घराआलीया हर हेक बाते मां आपणे मुणसा चे अधीन रिहो।

इफिसियां 5:28

मसीह आपणी कलीसिया लारे प्रेम राखे, ऐवास्ते जरुरी छै, घराआले नु आपणी घराआली नु इसड़ा प्रेम करो जिंवे ओ आपणे शरीरा लारे प्रेम करे। जको आपणी घरा आली लारे प्रेम राखे ओ खौद्द लारे प्रेम करे।

इफिसियां 5:33

जको घरा आला छै, आपणी घराआली लारे आपणे जिसड़ा प्रेम करो, ते घराआली वी आपणे मुणसा ची इज्जत करो।

कुलुस्सियां 3:19

हे घराआले, आपणी-आपणी घराआली लारे प्रेम राखा, ते वांचे लारे कठोरता ना करा।

1 तीमुथियुस 2:6

जेह्णे आपणे आप नु सारा बन्दा चे छुटकारे ची कीमत मां ङिती ङिले, ताकि ओची ग़वाही ठीक समय उपर ङिली जाओ।

1 पतरस 3:7

यूंही हे घराआले, तम्ही वी समझदारी लारे घराआलीया लारे जीवन बितावा। ते असतरीया नु निर्बल चीज जाणती कर वांचा कद्दर करा, हा समझती कर कि अम्ही ङोनी जीवन चे वरदान चे वारिस छिऊं, जाये कनु तम्चीया प्राथना रुकती ना जाओ।

प्रकाशितवाक्य 1:5

ते ईशु मसीह चे तरफु जको भरोसेमन्द ग़वाही ते मरले आला महु जीता हुवणे आला महु पलेठी चा ते धरती चे राजा चा हाकिम छै तम्हानु अनुग्रह ते शान्ति मिलती रिहो। ओ अम्चे लारे प्रेम राखे ते ओणे आपणे लुहींया लारे अम्हानु पापा कनु छुड़ाले छै।

प्रकाशितवाक्य 5:9

वे ईं नवें गीत गाऊं लाग़ले, “तु ये किताबे नु गेहणे, ते ऐचीया मोहरा खोलणे चे लायक छी, कांकि तु बलि हुती कर, आपणे लुहींया लारे हर हेक कोल्‍ल ते भाषा ते लौक ते जाति महु नरीकारा वास्ते लौका नु मोल गेहले।