इफिसियां 5:20 - ओङ राजपूत

²⁰ ते सदा सारीया बाता चे वास्ते अम्चे प्रभु ईशु मसीह चे नांवा लारे नरीकार ब़ा चा धन्यवाद करते रिहा।

इफिसियां 5:20 ပူးပေါင်းရင်းမြစ်များ

यूहन्‍ना 15:16

“तम्ही मनु कोनी चुणले, पर मैं तम्हानु चुणले ते तम्हानु नियुक्‍त करले कि तम्ही जती कर फल आणा ते तम्चा फल बणला रिहो, कि तम्ही माये नांवा लारे जको कोच्छ ब़ा नरीकारा कनु मांगा, ते ओ तम्हानु ङिही।

प्रेरितां चे काम 5:41

वे ये बाते लारे खौश हुती कर महासभा चे सामणे चाह्‍ले गेले कि “अम्ही ईशु मसीह चे नांवा वास्ते बेकदरे हुवणे चे काबिल तां बणले।”

रोमियां 1:8

पेहले मैं तम्चे सब चे वास्ते ईशु मसीह चे जरिये आपणे नरीकारा चा धन्यवाद करे पला, कांकि तम्चे विश्‍वास ची चर्चा पुरे संसारा मां हुवे पली।

1 कुरिन्थियां 1:4

मैं तम्चे बारे मां आपणे नरीकारा चा धन्यवाद सदा करे, ऐवास्ते कि नरीकारा चा ओ अनुग्रह तम्चे उपर मसीह ईशु मां हुला।

1 कुरिन्थियां 15:24

ऐचे बाद अन्त हुवी, जब मसीह सारी प्रधानता ते सारा अधिकार ते सामर्थ चा अन्त करती कर राज़ ब़ा नरीकारा नु सोंपती ङी।

इफिसियां 5:4

ते ना बेइज्जती, ना ही मूर्खा ची चर्चा करली हो, ना ही मजाक ची कांकि ये बाता शोभा ना ङिही, सेर्फ नरीकारा नु धन्यवाद ही ङिला जाओ।

फिलिप्पियां 1:3

मैं जब-जब तम्हानु याद करे, तब-तब आपणे नरीकारा चा धन्यवाद करे।

फिलिप्पियां 4:6

कुई बाता ची चिन्ता ना करा, बल्ति हर हेक बाते मां नरीकारा कनु प्राथना ते बिनती चे लारे धन्यवाद ङिती रिहा।

कुलुस्सियां 3:17

वचना मां जा कामा मां जको कोच्छ वी करा सब प्रभु ईशु चे नांवा लारे करा, ते ओचे जरिये नरीकार ब़ा चा धन्यवाद करा।

1 थिस्सलुनीकियां 3:9

ते जिसड़ा आनन्द अम्हानु तम्ची वजह कनु आपणे नरीकारा चे सामणे छै, ओचे बदले तम्चे बारे मां अम्ही केस रीति लारे नरीकारा चा धन्यवाद करु?

1 थिस्सलुनीकियां 5:18

हर हेक बाते मां धन्यवाद करा, कांकि तम्चे वास्ते मसीह ईशु मां नरीकारा ची हाओ मर्जी छै।

2 थिस्सलुनीकियां 1:3

हे माये भऊ, तम्चे बारे मां अम्हानु हर समय नरीकारा चा धन्यवाद करना चाही छै, ते ईं ठीक वी छै, ऐवास्ते कि तम्चा विश्‍वास घणा बढ़ता जाये पला, ते तम्चा सब प्रेम आपस मां घणा ही बढ़ता जाये पला।

2 थिस्सलुनीकियां 2:13

हे माये भऊ, ते प्रभु चे प्यारे लौक, चाही छै कि अम्ही तम्चे बारे मां सदा नरीकारा चा धन्यवाद करते रिहुं, कांकि नरीकारा ने आदि कनु तम्हानु चुणती गेले, कि पवित्र आत्मा चे जरिये पवित्र बणती कर, ते सच्‍चाई उपर भरोसा करती कर उद्धार पावा।

इब्रानियां 13:15

ऐवास्ते अम्ही ईशु चे जरिये नरीकारा नु लगातार अराधना चे बलिदान भेंट करु यानि वां होठा ची स्तुति, जको ओचे नांवा चे प्रति धन्यवाद प्रकट करी।

1 पतरस 2:5

तम्ही वी आप जीते पत्थरा आलीकर आत्मिक घर बणते जावा पले, जाये कनु याजका चा पवित्र समाज बणती कर, इसड़े आत्मिक बलिदान चढ़ावा, जको ईशु मसीह चे जरिये नरीकारा नु ग्रहण हो।

1 पतरस 4:11

अगर कुई ब़ोलो, तां इसड़े ब़ोलो मना नरीकारा चा वचन छै, अगर कुई सेवा करे, तां वे ताकती लारे करो जको नरीकार ङिये, जाये मां सारीया बाता ईशु मसीह चे जरिये, नरीकारा ची महिमा प्रकट हो। महिमा ते साम्राज्य युगानयुग ओचा छै। आमीन।