इफिसियां 5:15 - ओङ राजपूत

¹⁵ ऐवास्ते ध्याना लारे ङेखा, कि किसड़ी चाल चला पले, बेवकूफ आलीकर ना, पर समझदारी लारे चला।

इफिसियां 5:15 ပူးပေါင်းရင်းမြစ်များ

मत्ती 10:16

“ङेखा, मैं तम्हानु भेङा आलीकर भेड़िया चे बीच मां भेज़े पला, ऐवास्ते नाग़ा आलीकर ब़ुध्दिमान ते कबूतरा आलीकर भोले बणा।

मत्ती 25:2

वांचे महु पाँच लापरवाह ते पाँच सियाणीया हुतीया।

मत्ती 27:24

जिसे बेले पिलातुस ने ङेखले कि कहीं बण ना सग़ी पर ओचे उलटा हुल्‍लड़ बधता जाये, तां ओणे पाणी चती भीड़ी चे सामणे आपणे हाथ धोले ते केहले, “मैं ऐ धर्मीया चे लुहींया कनु बेकसूर छै, तम्ही ही जाणा।”

मत्ती 27:4

ते केहले, “मैं बेकसूर नु मरावणे वास्ते पकड़वाती कर पाप करला।” वाणे केहले, “अम्हानु का? तु ही जाण।”

मत्ती 8:4

ईशु ने ओनु केहले, “ङेख, कानु कहीं ना किहो, पर जती कर आपणे आप नु याजक नु ङिखाण ते जको चढ़ावा मूसा भविष्यवक्‍ता ने ठहराला छै ओ भेंट चढ़ा, ताकि लौका चे वास्ते ग़वाही हो।”

लूका 24:25

तब ईशु ने वानु केहले, “हे ना समझ, ते भविष्यवक्‍ता चीया सारीया बाता उपर विश्‍वास करने मां बन्द मतड़े!

1 कुरिन्थियां 14:20

हे माये भऊ, तम्ही समझदारी मां ब़ाले ना बणा। बल्ति वी बुराई मां तां ब़ाले रिहा, पर समझदारी मां सियाणे बणा।

गलातियां 3:1

हे गलाति शहरा मां रेहणे आले ब़ुध्दु लौक तम्हानु केहणे मोहति गेले? मैं तां तम्हानु खोलती कर बावड़ती ङिले ते, जिंवे तम्चे सामणे ईशु मसीह नु क्रूसा उपर चढ़ाले गेले,

गलातियां 3:3

का तम्ही इसड़े ब़ुध्दु छिवा जको पवित्र आत्मा ची रीति पर शुरु करती ते शरीरा ची रीति पर अन्त करा।

इफिसियां 5:2

ते प्रेम मां चला, जिंवे मसीह ने वी अम्चे लारे प्रेम करला, ओणे आपणे आप नु सोख ङेणे आली खुश्बु ची तरह नरीकारा नु कुर्बानी ङिली जती।

इफिसियां 5:33

जको घरा आला छै, आपणी घराआली लारे आपणे जिसड़ा प्रेम करो, ते घराआली वी आपणे मुणसा ची इज्जत करो।

फिलिप्पियां 1:27

तम्चा चाल-चलन ईशु मसीह चे सुसमाचार चे लायक हो, चाहे मैं आवे चाहे ना आवे, तम्चे बारे मां ईं सुणे कि तम्ही हेक ही पवित्र आत्मा मां मजबूत छिवा, हेक ही मन हुती कर सुसमाचार चे विश्‍वास चे वास्ते मेहनत करते रिहा।

कुलुस्सियां 1:9

ऐवास्ते जिसे ङिहां कनु ईं सुणले, अम्ही वी तम्चे वास्ते हा प्राथना ते बिनती करने ना छोड़ु कि तम्ही सारे आत्मिक ज्ञान ते समझ समेत नरीकारा ची मर्जी ची पिछाण मां परिपूर्ण हुती जावा।

कुलुस्सियां 4:5

मौके नु कीमती समझती कर ब़ाहर आला लारे समझदारी लारे बर्ताव करा।

1 थिस्सलुनीकियां 5:15

चौकस! कुई काये लारे बुराई चे बदले बुराई ना करो, पर सदा भलाई करने चे वास्ते तियार रिहा, ते अापस मां ते सारा लारे वी भलाई ही ची कोशिस करा।

1 तीमुथियुस 6:9

पर जको धनी हुवणे चाहवे, ओ इसड़ी परीक्षा मां पड़ती कर फन्दे मां फसती कर ते घणे बेकार मूर्खता ते नुकसान पुचाणे आलीया बाता मां फसती जई, जको बन्दा नु बिगाड़ती नाखे ते विनाश चे समुन्दरा मां ब़ुङाती नाखे।

इब्रानियां 12:25

ऐचा ध्यान रिहो कि तम्ही ओची आज्ञा ना टाला, जको तम्चे लारे बाता करे पला। जब वे, ङण्ड कनु नी बच सग़ले, जेह्णे ओची आज्ञा नी मनली, जेह्णे वानु धरती उपर चितावनी ङिली हुती, तब अम्ही ङण्ड कनु किवें बच सग़ु, अगर अम्ही ओची ना सुणु, जको स्वर्ग़ा कनु अम्हानु चितावनी ङिये?

याकूब 3:13

तम्चे महु ज्ञानी ते समझदार कूण छै? जको इसड़ा हो ऊं आपणे कामा नु आच्छे चाल-चलन चे लारे, वे नरमाई लारे उजागर करो जको ज्ञान लारे पैदा हुवे।

1 पतरस 1:22

हमा ङेखा, जिसे बेले तम्ही सच्‍चाई चा पालन करते हुले, सच्‍चे भाईचारे चे प्रीति नु उजागर करने चे वास्ते आपणी आत्मा नु पवित्र करते गेले ते पवित्र मना लारे हेके ङुजे लारे प्रेम राखा।

प्रकाशितवाक्य 19:10

ते मैं ओनु ङण्डवत करने चे वास्ते ओचे पग़्ग़ा मां ढेला, ओणे मनु केहले, ङेख, “इसड़े ना कर, मैं दुधा ते दुधे भावां चे लारे चा दास छै, जको ईशु ची ग़वाही ङेणे उपर मजबूत छै, नरीकारा नु ही ङण्डवत कर, कांकि ईशु ची ग़वाही भविष्यवाणी ची आत्मा छै।”