इफिसियां 4:5 - ओङ राजपूत

⁵ हेक ही प्रभु छै, हेक ही विश्‍वास छै, ते हेक ही बपतिस्मा छै।

इफिसियां 4:5 ပူးပေါင်းရင်းမြစ်များ

मत्ती 28:19

ऐवास्ते तम्ही जावा, ते सब जातिया चे लौका नु चैले बणावा, ते वानु, ब़ा, ते पूत, ते पवित्र आत्मा चे नांवा लारे बपतिस्मा ङिया।

प्रेरितां चे काम 10:36

हाओ छै ओही वचन जानु ओणे ईशु मसीह चे जरिये, जको सब चा प्रभु छै, शान्ति चा सुसमाचार सुणाते हुले इस्राएली लौका नु ङिला हुता।

प्रेरितां चे काम 2:36

“ऐवास्ते हमा इस्राएल चे सारे घराणे पक्‍के जाणती गिहो कि नरीकारा ने ओनु ही, ईशु नु जेह्णे तम्ही क्रूसा उपर चढ़ाले, प्रभु वी ठहराले ते मसीह वी।”

रोमियां 3:30

कांकि हेक ही नरीकार छै, जको खतना आला नु विश्‍वास लारे ते खतनारहित नु वी विश्‍वास चे जरिये धर्मी ठहरावी।

1 कुरिन्थियां 1:13

का मसीह बटती गेला? का पौलुस तम्चे वास्ते क्रूसा उपर चढ़ाला गेला? जा का तम्हानु पौलुस चे नांवा उपर बपतिस्मा मिड़ला? ना इसड़े कोनी।

1 कुरिन्थियां 1:2

नरीकारा ची वे कलीसिया चे नांवे लिखली गेली, जको कुरिन्थुस शहरा मां छै, यानि वांचे नांवे जको मसीह ईशु मां पवित्र करले गेले, ते पवित्र हुवणे वास्ते हकारले गेले, ते वां सारा चे नांवे वी जको हर जग़हा अम्चे ते आपणे प्रभु ईशु चे नांवा लारे प्राथना करी।

1 कुरिन्थियां 12:13

कांकि अम्ही सारा ने का यहूदी हो, का यूनानी, का दास, का आजाद, हेक ही पवित्र आत्मा चे जरिये हेक शरीर हुवणे वास्ते बपतिस्मा गेहला, ते अम्चे सब मां हेक ही पवित्र आत्मा बसणे वास्ते आला।

1 कुरिन्थियां 12:5

ते सेवा वी कई तरह ची छै, पर प्रभु हेको ही छै।

1 कुरिन्थियां 8:6

पर अम्चे गोढु तां हेक ही नरीकार छै यानि ब़ा जेह्णे सब कोच्छ रचले ते अम्ही ओचे वास्ते छिऊं। ते हेक ही प्रभु छै, यानि ईशु मसीह जाये जरिये सारीया चीजा हुलीया ते ओचे जरिये अम्ही जिऊं।

2 कुरिन्थियां 11:4

कांकि अगर कुई तम्चे गोढु आती कर जिसे ईशु चा सुसमाचार अम्ही तम्हानु सुणाला, ओचे अलावा कुई ङुजे ईशु चा सुसमाचार सुणावे, जा जको आत्मा तम्हानु मिड़ला, ओचे कनु अलग़ कुई नेरी आत्मा नु ग्रहण करा तां तम्ही छुटकारे चे समाचार नु कोनी अपनाले, ओचे कनु अलग़ कुई ङुजे समाचार नु अपनावा तां तम्ही बङी आसानी लारे वानु अपनाती गिहा।

गलातियां 5:6

मसीह ईशु मां ना खतना ते ना बिना खतना कुई कामा चा छै, पर सेर्फ विश्‍वास, जको प्रेम चे जरिये असर नाखे।

इफिसियां 4:13

जब तक कि अम्ही सब चे सब लौका विश्‍वास ते नरीकारा चे पूता चे पुरे ज्ञान मां हेक ना हुती जऊं, ते हेक सेद्ध बन्दे ना बणती जऊं ते मसीह ची पुरी महिमा ची ऊचाई तक पुज़ती ना जऊं।

फिलिप्पियां 2:11

ते हर हेक जुबान ब़ा नरीकार ची महिमा वास्ते ग्रहण करो, कि “ईशु मसीह ही प्रभु छै। ”

फिलिप्पियां 3:8

ऐकनु वी बङी बात हा छै कि मैं आपणे प्रभु ईशु मसीह चे ज्ञान ची श्रेष्टता ची वजह कनु आज़ तक सब चीजा नु फायदा चीया ना समझी। ओचे वास्ते मैं सब कोच्छ त्याग़ती ङिले ते मैं सब चीजा कनु नफरत करु लाग़ला। ताकि मसीह नु गे सग़े।

तीतुस 1:1

हा चिठ्ठी पौलुस चे तरफु जको नरीकारा चा दास ते मसीह ईशु चा प्रेरित छै, नरीकारा चे चुणले आले लौक चा विश्‍वास ते वे सच्‍चाई ची पिछाण चे अनुसार जको भग़ती चे अनुसार छै,

तीतुस 1:4

तीतुस चे नांवे, जको विश्‍वास ची भईवाली चे विचारा लारे माया सच्‍चा पूत छै। नरीकार ब़ा ते अम्चे उद्धारकर्ता मसीह ईशु ची ओर कनु तनु अनुग्रह ते शान्ति मिलती रिहो।

इब्रानियां 13:7

जको तम्चे अग़ुवे हुते, ते जेह्णे तम्हानु नरीकारा चा वचन सुणाला हुता, वानु याद राखा ते ध्यानारीत वांचे चाल-चलन चा अन्त ङेखती कर वांचे विश्‍वास चा अनुसरण करा।

इब्रानियां 6:6

नरीकारा कनु दूर हुती गेले, तां वानु मन फिराव वास्ते बल्ति नवें बणावणे अनहोणे छै। कांकि वे नरीकारा चे पूता नु आपणे वास्ते दुबारा क्रूसा उपर चढ़ावी ते उजागर ही ओचे उपर कलंक लावी।

याकूब 2:18

बल्कि कुई केह सग़े, कि “तनु विश्‍वास छै, मैं कर्म करे पला।” तु आपणा विश्‍वास मनु कर्म बिना तां ङिखाण, ते मैं आपणा विश्‍वास आपणे कामा चे लारे तनु ङिखाणी।

1 पतरस 3:21

ते ओही पाणीया ची मिसाल वी यानिकि बपतिस्मा, ईशु मसीह चे जीते हुवणे चे जरिये, हमा तम्हानु बचावे, ओचे कनु शरीरा चे मैल नु दूर करने चा मतलब कोनी छै, पर शोद्ध विवेक लारे नरीकारा चे हाथा मां हुती जाणे चा मतलब छै।

2 पतरस 1:1

शमौन पतरस चे तरफु जको ईशु मसीह चा दास छै ते प्रेरित छै, हा चिठ्ठी वां लौका चे नांवे जेह्णे अम्चे नरीकार ते उद्धारकर्ता ईशु मसीह ची धार्मिकता चे जरिये अम्चे आलीकर ब़ोहत कीमती विश्‍वास गेहला।

यहूदा 1:20

पर हे प्यारे, तम्ही आपणे अति पवित्र विश्‍वासा मां आग़ु बधते हुले ते पवित्र आत्मा मां प्राथना करते हुले,

यहूदा 1:3

हे प्यारे, जब मैं तम्हानु ओ उद्धार चे बारे मां लिखणे मां घणी सारी मेहनत ते कोशिस करे पलता, जाये मां अम्ही सब भईवाल छिऊं, तां मैं तम्हानु ईं समझाणे जरुरी समझले कि ओ विश्‍वास चे वास्ते पूरा यतन करा जको नरीकारा चे पवित्र लौका नु हेक ही वारी सोंपला गेला हुता।