इफिसियां 4:17 - ओङ राजपूत

¹⁷ ऐवास्ते मैं किहे पला ते प्रभु नु ग़वाह बणाती कर तम्हानु चिताती कर किहे पला कि जिंवे नेरीया जातिया चे लौक आपणे मना ची बेकार रीति उपर चली यूंही तम्ही ना चला।

इफिसियां 4:17 ပူးပေါင်းရင်းမြစ်များ

लूका 16:28

कांकि माये पाँच भऊ छी, ओ वांचे सामणे यां बाता ची ग़वाही ङियो, इसड़े ना हो कि वे वी ङुखा ची जग़ह मां आओ।’

प्रेरितां चे काम 14:15

“हे लौक, तम्ही का करा पले? अम्ही वी तां तम्चे आलीकर ङोख सोख भोग़णे आले इन्साने छिऊं, ते तम्हानु सुसमाचार सुणाऊं पले, कि तम्ही यां बेकार चीजा कनु अलग़ हुती कर जीते नरीकारा सनु फिरा, जेह्णे स्वर्ग़ ते धरती ते समुन्दर ते जको कोच्छ वांचे मां छी बणाले।

प्रेरितां चे काम 18:5

जिसे बेले मकिदुनिया कनु सीलास ते तीमुथियुस आले, ते पौलुस पूरा समय वचन सुणावणे ची धोन्‍न मां लाग़ती कर यहूदी लौका नु हा ग़वाही ङिता कि ईशु ही मसीह छै।

प्रेरितां चे काम 2:40

पतरस ने घणीया सारीया नेरीया बाता लारे वी ग़वाही ङिती-ङिती कर समझाले कि, “आपणे आप नु ऐ अधर्मी पीढ़ी कनु बचाली राखा।”

प्रेरितां चे काम 20:21

बल्ति मैं यहूदिया नु ते यूनानिया नु चिताता रेहला कि नरीकारा सनु मन फिरावा, ते अम्चे प्रभु ईशु मसीह उपर विश्‍वास करा।

रोमियां 1:21

ऐ वजह कनु कि नरीकारा नु जाणने उपर वी वाणे नरीकारा चे लायक बढ़ाई ते धन्यवाद कोनी करला, पर गलत सोच-विचार करु लाग़ले, इठे तक कि वांचे मूर्ख मन मां अन्धारे हुती गेले।

1 कुरिन्थियां 1:12

माये केहणे चा मतलब हा छै कि तम्ची हर-हेक ची मत्त अलग़ छै, कुई किहे, “मैं पौलुस चा चैला छै,” ते कुई किहे, “मैं अपुल्‍लोस चा,” ते कुई, “मैं पतरस चा,” ते कुई किहे, “मैं मसीह चा चैला छै।”

1 कुरिन्थियां 15:50

हे माये भऊ, मैं ईं किहे पला कि मांस ते लुहीं नरीकारा चे राज़ चे अधिकारी ना हो सग़ी। ते ना नाशवान अविनाशी चा अधिकारी हो सग़े।

2 कुरिन्थियां 9:6

पर बात तां हा छै कि, जको थोड़े राहवे ऊं थोड़े ही बाढी, ते जको घणे राहवे, ऊं घणे बाढी।

गलातियां 3:17

पर मैं किहे जको वाचा नरीकारा ने पेहले पक्‍की करली तां विनु चार साओ त्रीस साल बाद आणे आले मूसा ची व्यवस्था ना टाल सग़ली ते ना ही वायदा बेकार ठहरा सग़ली।

गलातियां 5:3

फेर वी मैं हर खतना कराणे आले नु चितावनी ङिये कि ओनु सारे मूसा चे व्यवस्था मनणे पड़े।

इफिसियां 1:22

नरीकारा ने सब कोच्छ ओचे वशा मां करती ङिले, ओनु सारा महु बङे बणाती कर कलीसिया नु ङिले जती।

इफिसियां 4:22

कि तम्ही पेहले चाल-चलन चे पुराणे सुभाव नु जको भरमाणे आली लालसा चे अनुसार भ्रष्ट हुता जाये, उतारती नाखा।

कुलुस्सियां 2:18

कुई बन्दे दीनता चा ङिखावा करती स्वर्ग़दूता ची पुज़ा करती तम्हानु बेवकूफ ना बणाओ, तम्ची द्रोड़ने चे प्रतिफल कनु दूर ना करो। इसड़े बन्दे ङेखली आलीया बाता मां लाग़ले रिहे ते आपणे शरीरिक समझ उपर बेकार मां फुंडे।

कुलुस्सियां 2:4

ईं मैं ऐवास्ते किहे, कि कुई बन्दे तम्हानु लुभावणे आलीया बाता कनु धोक्‍का ना ङियो।

1 थिस्सलुनीकियां 4:6

कि ये बाते मां कुई आपणे भावां नु ना ठग़्ग़ो, ते ना ओचे उपर कुई दाह चलाओ, कांकि प्रभु यां सारीया बाता चा बदला गेहणे आला छै, जिसड़े कि अम्ही पेहले ही तम्हानु केहले ते चिताले वी हुते।

1 तीमुथियुस 5:21

नरीकार, ते ईशु मसीह, ते चुणले आले स्वर्ग़दूता नु मौजुद जाणती कर मैं तनु चितावें पला कि तु मन खोलती कर यां बाता नु मनले कर, ते कुई काम पक्षपात लारे ना कर।

1 तीमुथियुस 6:13

मैं तनु नरीकारा मां जको सारा नु जीवन ङिये, ते ईशु मसीह नु ग़वाह करती कर जेह्णे पुन्तियुस पिलातुस चे सामणे आच्छी ग़वाही ङिली, मैं वांची मौजुदगी मां तनु हा आज्ञा ङिये पला,

2 तीमुथियुस 4:1

नरीकारा नु ते मसीह ईशु नु आपणा ग़वाह करती कर, जको जीता ते मरला आला चा न्यां करी, कांकि ईशु चे पुठे आणे ते ओचा राज़ गोढु छै, मैं तनु हा आज्ञा ङिये पला।

1 पतरस 1:18

कांकि तम्ही जाणा, कि तम्चा निक्‍कमा चाल-चलन जको ङाङा-ब़ा कनु चड़ला आवे ओचे कनु तम्चा छुटकारा चान्दी सोने यानिकि नाशवान चीजा चे जरिये कोनी हुला,

2 पतरस 2:18

वे बेकार घमण्ड चा बाता करती करती लोचपण चे कामा लारे, वां लौका नु शरीरिक इच्छा लारे फसाती गिही, जको भटकले आला महु हमा निकली ही पले।