इफिसियां 4:15 - ओङ राजपूत

¹⁵ बल्कि प्रेम मां सच्‍चाई लारे चलते हुले सारीया बाता मां ओचे मां जको ठोङ छै, यानि मसीह मां बढ़ते जावा।

इफिसियां 4:15 ပူးပေါင်းရင်းမြစ်များ

यूहन्‍ना 1:47

ईशु ने नतनएल नु आपणे गोढु आते ङेखती कर ओचे बारे मां केहले, “ङेखा, हा सच्‍चमां इस्राएली छै। ऐचे मां कप्पट कोनी।”

रोमियां 12:9

प्रेम निष्कपट हो, बुराई लारे नफरत करा, भलाई करने मां लाग़ले रिहा।

1 कुरिन्थियां 11:3

मैं चाहवें कि तम्ही ये बाते नु समझती गिहा कि हर-हेक मर्दा चे ठोङ मसीह छै ते असतरी चे ठोङ मर्द छै ते मसीह चे ठोङ नरीकार छै।

2 कुरिन्थियां 4:2

पर अम्ही लज़्ज़ा चे गुप्त कामा नु त्याग़ती ङिले, ते ना ही चतराई लारे टुरु, ते ना ही नरीकारा चे वचना मां मिलावट करु, पर सच्‍चाई नु उजागर करु, नरीकारा चे सामणे हर हेक इन्सान चे विवेक मां आपणी भलाई ब़िसाणु।

2 कुरिन्थियां 8:8

मैं तम्हानु कुई आज्ञा कोनी ङिये पला, मैं सेर्फ वां लौका चे लगाव नु बावड़ती कर, तम्चे प्रेम ची सच्‍चाई नु परखे पला।

इफिसियां 1:22

नरीकारा ने सब कोच्छ ओचे वशा मां करती ङिले, ओनु सारा महु बङे बणाती कर कलीसिया नु ङिले जती।

इफिसियां 1:4

जिंवे नरीकारा ने अम्हानु संसारा ची उत्पत्ति कनु पेहले ओचे महु चुणती गेहले कि अम्ही ओचे गोढु, प्रेम मां पवित्र ते निर्दोष हुं,

इफिसियां 2:21

मसीह मां सारी रचना हेक लारे मिलती कर प्रभु मां हेक पवित्र मन्दर बणता जाये।

इफिसियां 4:25

ऐवास्ते कूड़ मारणे छोड़ती ङिया ते पड़ोसीया लारे सच्‍च ब़ोला कांकि अम्ही हेके शरीरा चे अंग छिऊं।

इफिसियां 5:23

कांकि मोणस, घराआली चा ठोङ छै, यूंही ही मसीह कलीसिया चा ठोङ छै, जको खौद्द ची देह ते कलीसिया चा उद्धारकर्ता छै।

1 पतरस 1:22

हमा ङेखा, जिसे बेले तम्ही सच्‍चाई चा पालन करते हुले, सच्‍चे भाईचारे चे प्रीति नु उजागर करने चे वास्ते आपणी आत्मा नु पवित्र करते गेले ते पवित्र मना लारे हेके ङुजे लारे प्रेम राखा।

1 पतरस 2:2

नवें जमले आले ब़ाला आलीकर, शोद्ध आत्मिक ङूधा ची इच्छा राखा, ताकि ओचे जरिये तम्चा उद्धार ते बढ़ोतरी हो।

2 पतरस 3:18

पर अम्चे प्रभु ते उद्धारकर्ता ईशु मसीह चे अनुग्रह ते पिछाण मां बधते जावा। ओची महिमा हमा वी हो ते युगानयुग तक हुती रिहो, आमीन।

1 यूहन्‍ना 3:18

हे माई प्यारी ब़ाले, अम्ही प्रेम सेर्फ वचन ते जुबानी ही कनु ना करु, पर काम ते सच्‍चाई चे जरिये वी प्रेम करु।