इफिसियां 3:2 - ओङ राजपूत

² अगर तम्ही नरीकारा चे ओ अनुग्रह चे प्रबन्ध चा समाचार सुणला हो, जको तम्चे वास्ते मनु ङिला गेला,

इफिसियां 3:2 ပူးပေါင်းရင်းမြစ်များ

प्रेरितां चे काम 13:2

जिसे बेले वे उपवास मां प्राथना करी पलते ले, ते पवित्र आत्मा ने वानु केहले, “माये वास्ते बरनबास ते शाऊल नु वे सेवा वास्ते अलग़ करा जाये वास्ते मैं वानु हकारले।”

प्रेरितां चे काम 13:46

बल्ति पौलुस ते बरनबास ने बेखौफ हुती कर केहले, “जरुरी हुते, कि नरीकारा चा वचन पेहले तम्हानु सुणाला जईया, पर जबकि तम्ही ओनु मना ही ना, ते आपणे आप नु अनन्त जीवन चे लायक ना ठहरावा, तां हमा, अम्ही नेरीया जातिया सनु फिरु पले।

प्रेरितां चे काम 22:21

“ते प्रभु ने मनु केहले कि, ‘चाह्‍ला जा, कांकि मैं तनु नेरीया जातिया मां दूर-दूर तक भेज़ी।’ ”

प्रेरितां चे काम 9:15

पर प्रभु ने ओनु केहले, “तु चाह्‍ला जा, कांकि हा तां नेरीया जातिया ते वांचे राजे ते इस्राएलीया चे सामणे माये नां उजागर करने वास्ते माये चुणले आले जन छै।

रोमियां 1:5

ओचे जरिये अम्हानु अनुग्रह ते प्रेरिताई मिड़ली कि ओचे नांवा ची वजह सब नेरीया जातिया चे लौक विश्‍वास करती कर ओची मनो।

रोमियां 11:13

मैं हमा तम्हानु ये बाता किहे पला, जको नेरीया जातिया छिवा। हमा, जबकि मैं नेरीया जातिया वास्ते प्रेरित छै, तां मैं आपणी सेवकाई मां पुरी कोशिस करे,

रोमियां 12:3

कांकि मैं ओ अनुग्रह चे वजह जको मनु मिड़ला, तम्चे महु हर-हेक नु किहे पला, कि जिसड़े समझणे चाही छै, ओचे कनु बढ़ती कर आपणे-आप नु ना समझो, पर जिसड़े नरीकारा ने हर-हेक नु काबलीयत चे अनुसार बांटती ङिले, उसड़े ही ओचे अनुसार आपणे-आप नु समझणे चाही छै।

1 कुरिन्थियां 4:1

सही तां ईं हुवी कि अम्हानु मसीह ईशु चा भण्डारी हेकमात्र समझले जाओ, जानु नरीकारा चे भेदा ची जिम्मेवारी सोंपली गेली छै,

गलातियां 1:13

यहूदिया चे पन्था मां जको माया पेहले चाल-चलन हुता ओचे बारे तम्ही सुणती चुकले छिवा कि मैं नरीकारा ची कलीसिया नु ब़ोहत ही सताता ते नाश करता।

इफिसियां 1:10

कि समया चे पुरे हुवणे चा इसड़ा प्रबन्ध हो कि जको कोच्छ स्वर्ग़ा मां छै ते जको कोच्छ धरती उपर छै, सब कोच्छ नरीकार मसीह मां भेले करो।

इफिसियां 3:7

मैं नरीकारा चे अनुग्रह चे ओ दान चे अनुसार, जको ओची सामर्थ चे प्रभाव चे अनुसार मनु ङिला गेला, ओ सुसमाचार चा सेवक बणला।

इफिसियां 3:8

मैं सारे पवित्र लौका कनु छोटा छै, मनु हा वरदान मिड़ला कि मैं नेरीया जातिया मां जती कर मसीह चा बेशकीमती शान्ति चा धन चा सुसमाचार सुणावे।

इफिसियां 3:9

ते मैं सारे लौका वास्ते वा भेद लारे भरली आली योजना नु प्रकट करे जको सारीया चीजा नु रचने आले नरीकारा मां संसारा चे शुरुआत मां ही लुकली आली हुती।

इफिसियां 4:21

बल्कि तम्ही सच्‍चमां ओची सुणली ते जिसड़ी ईशु मां सच्‍चाई छै, ओचे मां सिखाले वी गेले,

इफिसियां 4:7

पर अम्हा महु हर हेक नु नरीकारा ची दया लारे अनुग्रह चा दान ङिला गेला जको मसीह चे खुड़ले दिला चे अनुसार छै।

कुलुस्सियां 1:4

कांकि अम्ही सुणले छै कि मसीह ईशु उपर तम्चा विश्‍वास छै, ते सब पवित्र लौका लारे तम्ही प्रेम राखा वी।

कुलुस्सियां 1:6

हा सुसमाचार पुरे जग़त मां सफल हुवे पला, ते फैलता जाये, जिंवे तम्चे मां ओस समय कनु सफल हुं लाग़ला, जिसे बेले तम्ही नरीकारा ची कृपा चे बारे मां सुणले ते सच्‍चमां तम्ही समझले हुते।

1 तीमुथियुस 1:11

हा खरा उपदेश, हाओ परमधन्य नरीकारा ची महिमा चे ओ सुसमाचार चे अनुसार, जको मनु सोंपला गेला।

1 तीमुथियुस 1:4

ते वे इसड़ीया मनघड़न्त कहाणीया ते बेअन्त पीढ़ीया उपर मन ना लावा, जाये कनु लड़ाई-झगडे़ हुवी, ते नरीकारा ची वा इच्छा चे अनुसार कोनी, जको विश्‍वास लारे ही पुरी हो सग़े, यूंही ही मैं बल्ति किहे पला।

1 तीमुथियुस 2:7

मैं सच्‍च किहे पला, कूड़ कोनी मारे पला, कि मैं ऐह मकसद लारे प्रचारक ते प्रेरित ते नेरीया जातिया चे वास्ते विश्‍वास ते सच्‍चाई चा उपदेशक ठहराला गेला।

2 तीमुथियुस 1:11

जाये वास्ते मैं प्रचारक, ते प्रेरित, ते उपदेशक वी ठहरला।