इफिसियां 2:19 - ओङ राजपूत

¹⁹ नतीजा हा छै कि ना तम्ही विदेशी रेहले ते ना ही मुसाफिर, पर हमा तां तम्ही नरीकारा चे पवित्र लौका चे साथी ते नरीकारा चे कुणम्बे चे हुती गेले।

इफिसियां 2:19 ပူးပေါင်းရင်းမြစ်များ

मत्ती 10:25

चैले, गुरु चे ते दास चे मालिक चे बराबर हुवणे ही ब़ोहत छै। जब वाणे घरा चे मालिक नु शैतान, केहले तां ओचे घरा आला नु का कोच्छ नी किहे।

गलातियां 6:10

ऐवास्ते जिठे तक मौका मिले अम्ही सारा लारे भलाई करु इठे तक कि खास करती आपणे विश्‍वास करने आला भावां लारे।

इफिसियां 2:12

तम्हानु याद छै कि तम्ही पेहले मसीह कनु अलग़, इस्राएल ची प्रजा चे पद्द कनु अलग़ करले हुले, नरीकारा ने आपणे पवित्र लौका लारे जको वायदा करला हुता ओचे मां हेंस्सेदार कोनी हुते, ते दुनिया मां सच्‍चे नरीकारा चे बिना आसा चा जीवन जीते।

इफिसियां 3:15

जाये कनु स्वर्ग़ ते धरती उपर, हर हेक कुणम्बे चे नां राखले जाये,

इफिसियां 3:6

मतलब हा छै कि, ईशु मसीह मां सुसमाचार चे जरिये नेरीया जातिया चे लौक यहूदिया लारे विरासत मां भईवाल हुती गेले, ते मसीह चे हेक ही शरीरा लारे ते वायदे मां भईवाल हुले।

फिलिप्पियां 3:20

पर अम्ची नागरिकता स्वर्ग़ा उपर छै, ते अम्ही हेक उद्धारकर्ता प्रभु ईशु मसीह चे उठु आवणे ची खुशी लारे इंतजार ङेखु पले।

इब्रानियां 11:13

ये सारे विश्‍वासा ची दशा मां मरले, ते वाणे वायदा करलीया आलीया चीजा कोनी गेहलीया। पर वानु दूरी कनु ङेखती कर खौश हुले ते मनती गेहले कि अम्ही धरती उपर प्रदेसी ते ब़ाहरले छिऊं।

इब्रानियां 13:14

कांकि इठे अम्चा कुई स्थाई रेहणे आला शहर कोनी, बल्कि अम्ही ओ शहरा ची बाट ङेखु पले जको आणे आला अनन्तकाल चा छै।

1 पतरस 2:11

हे प्यारे, मैं तम्हा कनु बिनती करे पला, कि तम्ही संसारा मां प्रदेसीया चे रूपा मां छिवा, जको तम्ची आत्मा लारे योद्ध करतीया रिही वा शरीरा चा इच्छा कनु तम्ही बचले रिहा।

1 यूहन्‍ना 3:1

विचार करती कर ङेखा, ब़ा ने अम्चे लारे किसड़ा प्रेम करला कि नरीकारा ची ऊलाद्ध किवाहुं, ते सच्‍चमां अम्ही छिऊं वी। संसार अम्हानु ना जाणी, कांकि संसारा ने ईशु मसीह नु कोनी जाणले।