इफिसियां 1:3 - ओङ राजपूत

³ अम्चे प्रभु ईशु मसीह चा नरीकार ते ब़ा चा धन्यवाद हो, ओणे अम्हानु स्वर्ग़ा मां ईशु मसीह चे तरफु हर तरह ची आत्मिक आशीष ङिली।

इफिसियां 1:3 ပူးပေါင်းရင်းမြစ်များ

लूका 2:28

तां शमौन ने ओनु आपणी गोङी मां गेहले ते नरीकारा चा धन्यवाद करती कर केहले,

यूहन्‍ना 14:20

ओह ङिओ तम्हानु पता लाग़ी कि मैं आपणे ब़ा मां छै, ते तम्ही माये मां, ते मैं तम्चे मां।

यूहन्‍ना 17:21

हे ब़ा मैं प्राथना करे पला कि वे सब हेक हो, जिंवे तु माये मां छी ते मैं दुधे मां छै। यूंही वे वी अम्चे मां हो जाये कनु संसार विश्‍वास करो कि तु ही मनु भेज़ले।

यूहन्‍ना 20:17

ईशु ने विनु केहले, “मनु हाथ ना ला, कांकि मैं हालि तक ब़ा नरीकारा सनु उपर कोनी गेला। पर माये भावां कनु जती कर वानु केहती ङे कि, ‘मैं आपणे ब़ा ते तम्चे ब़ा, आपणे नरीकार ते तम्चे नरीकारा चे गोढु उपर जाये पला।’ ”

रोमियां 12:5

यूहीं अम्ही जको ब़ोहत सारे छिऊं, मसीह मां हेक शरीर हुती कर आपस मां हेके ङुजे चे अंग छिऊं।

रोमियां 15:6

ताकि तम्ही हेक मन ते हेक ही अवाज हुती कर अम्चे प्रभु ईशु मसीह चे ब़ा नरीकारा ची स्तुति करा।

1 कुरिन्थियां 1:30

पर ओचे ही तरफु तम्ही मसीह ईशु मां छिवा, नरीकारा ने मसीह नु अम्चे वास्ते ज्ञान ठहराला मतलब धार्मिकता ते पवित्रता ते छुटकारा बणती जाओ।

1 कुरिन्थियां 12:12

कांकि जिंवे करती शरीर तां हेक छै ते ओचे अंग घणे सारे छी, ते ओ हेक शरीरा चे सारे अंग ब़ोहत हुवणे पर वी सब मिलती कर हेक शरीर छै, यूं करती मसीह वी छै।

2 कुरिन्थियां 1:3

अम्चे प्रभु ईशु मसीह चा ब़ा नरीकार चा धन्यवाद हो, जको दया चा ब़ा, ते हर-तरीके ची तसल्‍ली ङेणे आला नरीकार छै।

2 कुरिन्थियां 11:31

अम्चे प्रभु ईशु मसीह ब़ा नरीकार जको हमेशा तक धन्‍न छै, आप खौद्द ग़वाह छै कि मैं कूड़ कोनी मारे पला।

2 कुरिन्थियां 5:17

ऐवास्ते अगर कुई मसीह मां छै तां वा नवीं सृष्टि छै। पुराणीया बाता गुजरती गेलीया, ङेखा वे सारीया नवींया हुती गेलीया।

2 कुरिन्थियां 5:21

मसीह जको पापा कनु निष्पाप हुता, ओनु ही नरीकारा ने अम्चे वास्ते पाप ठहराला, कि अम्ही ओचे मां हुती कर नरीकारा ची धार्मिकता चे भाग़ी हुती जऊं।

गलातियां 3:9

ऐवास्ते जको विश्‍वास करे ओ विश्‍वास करने आला अब्राहम लारे आशीष पावे।

इफिसियां 1:10

कि समया चे पुरे हुवणे चा इसड़ा प्रबन्ध हो कि जको कोच्छ स्वर्ग़ा मां छै ते जको कोच्छ धरती उपर छै, सब कोच्छ नरीकार मसीह मां भेले करो।

इफिसियां 1:17

कि अम्चे प्रभु ईशु मसीह चा नरीकार जको महिमा चा ब़ा छै, तम्हानु आपणी पिछाण मां ज्ञान ते सोज़ले ची आत्मा ङियो,

इफिसियां 1:20

जको ओणे मसीह मां करले कि ओनु मरले आला महु जीते करती कर स्वर्ग़ा मां आपणे सज़्ज़े पासु,

इफिसियां 2:6

ते अम्ही मसीह ईशु मां छिऊं ऐवास्ते नरीकारा ने अम्हानु मसीह मां जीते करले ते मसीह ईशु लारे स्वर्ग़ा मां ब़िसाणले,

इफिसियां 3:10

ताकि हमा कलीसिया चे जरिये, नरीकारा चा कई तरह चा ज्ञान, स्वर्ग़ा ची जग़हा मां प्रधान ते अधिकारीया चे उपर प्रकट करला जाओ।

इफिसियां 6:12

कांकि हा अम्चा मल्‍लयोद्ध, लुहीं ते मांस चे लारे कोनी, पर प्रधाना ते अधिकारीया चे लारे, ते ऐ संसार चे अन्धकारा चे हाकिमा लारे ते ओ दुष्टता ची आत्मिक सैना लारे छै जको आसमाना मां छै।

फिलिप्पियां 2:11

ते हर हेक जुबान ब़ा नरीकार ची महिमा वास्ते ग्रहण करो, कि “ईशु मसीह ही प्रभु छै। ”

इब्रानियां 8:5

ये वे याजक छी जको स्वर्ग़ीय चीजा चे प्रतिरुप ते प्रतिबिम्ब ची सेवा करी जिंवे कि जिसे बेले मूसा तम्बू बणावणे उपर हुता तां ओनु ईं चिताले गेले, “ङेख जको नमुना तनु पहाड़ा उपर ङिखाणला गेला हुता, ओचे अनुसार सब कोच्छ बणाओ।”

इब्रानियां 9:23

ऐवास्ते जरुरी छै कि, स्वर्ग़ीय चीजा चा प्रतिरुप, येही बलिदाना चे जरिये शोद्ध करले जाओ, पर स्वर्ग़ीय चीजा यांची तुलना मां उत्तम बलिदाना चे जरिये शोद्ध करलीया जई।

1 पतरस 1:3

अम्चे प्रभु ईशु मसीह चा नरीकारा ते ब़ा चा धन्यवाद हो, जेह्णे ईशु मसीह नु मरले आला महु जीते हुवणे चे जरिये, आपणी बङी दया लारे अम्हानु जीती उम्मीद चे वास्ते नवां जनम ङिला।