इफिसियां 1:23 - ओङ राजपूत

²³ कलीसिया मसीह चे शरीर छै ते ओची भरपूरी छै जको सब मां मसीह खौद्द सब कोच्छ पूरा करे।

इफिसियां 1:23 ပူးပေါင်းရင်းမြစ်များ

यूहन्‍ना 1:16

कांकि ओची दया ची भरपूरी महु अम्ही किरपा हांसिल करली यानिकि अनुग्रह उपर अनुग्रह।

रोमियां 13:5

ऐवास्ते ओचे अधीन रेहणे जरुरी छै, ते ना सेर्फ ओचे क्रोध ची वजह कनु पर तम्चे आपणे विवेक ची वजह कनु वी।

1 कुरिन्थियां 12:6

ते सेवा मां काम कई तरह चे छी, पर सब मां काम करने आला नरीकार हेको ही छै।

1 कुरिन्थियां 15:28

जब सब कोच्छ पूता चे अधीन करती ङिले गेले, तब पूत खौद्द ब़ा चे अधीन हुती जई, जेह्णे सब कोच्छ पूता चे अधीन करले हुते कि सब मां नरीकार ही सब कोच्छ हो।

इफिसियां 2:16

ते क्रूसा उपर बैर नु नाश करती कर ऐचे जरिये ङुंहु नु हेक देह बणाती कर नरीकारा लारे मिलाओ।

इफिसियां 3:10

ताकि हमा कलीसिया चे जरिये, नरीकारा चा कई तरह चा ज्ञान, स्वर्ग़ा ची जग़हा मां प्रधान ते अधिकारीया चे उपर प्रकट करला जाओ।

इफिसियां 3:19

ते तम्ही मसीह चे ओ प्यारा नु जाणती गिहा जको समझ कनु ब़ाहर छै ताकि तम्ही नरीकारा ची भरपूरी लारे भरीती जावा।

इफिसियां 4:10

ते जको उतरला हा ओही छै जको आसमाना कनु उपर चढ़ती वी गेला कि सारे काम पुरे करती ङियो।

इफिसियां 4:12

ओणे इसड़े करले कि नरीकारा चे पवित्र लौक सेवा करने चे लायक बणो ताकि मसीह ची देह जको कलीसिया छै विनु मजबूत करो।

इफिसियां 4:13

जब तक कि अम्ही सब चे सब लौका विश्‍वास ते नरीकारा चे पूता चे पुरे ज्ञान मां हेक ना हुती जऊं, ते हेक सेद्ध बन्दे ना बणती जऊं ते मसीह ची पुरी महिमा ची ऊचाई तक पुज़ती ना जऊं।

इफिसियां 4:4

हेक ही शरीर छै, हेक ही आत्मा छै ते हेक ही आस छै जिसे वास्ते तम्हानु हकारले,

कुलुस्सियां 1:24

हमा मैं वां ङुखा चे वजह खुशी मनावे, जको तम्चे वास्ते चवे, मसीह ची देह रूपी कलीसिया चे क्लेश मां हमेशा भईवाल हुता रिहे।

कुलुस्सियां 2:19

ते वे शिरोमणी नु पकड़ती ना रिही जाये लारे सारी देह जोड़ ते मांसपेसिया चे लारे हेक लारे ग़ठती, नरीकारा ची तरफा कनु बढ़ती जाये।

कुलुस्सियां 3:11

मतलब हा छै कि मसीह मां हमा ना तां कुई यूनानी रेहला, ना यहूदी, ना खतना, ते ना ही खतनारहित, ना जंगली, ना असभ्य, ना दास ते ना आजादी, मसीह यां सारा मां छै, ये सारी मसीह मां छी।

कुलुस्सियां 3:15

ते मसीह ची शान्ति जिसे वास्ते तम्ही हेक शरीर मां हकारले गेले तम्चे दिला मां राज़ करो, ते तम्ही शुक्रगुजारी बणले रिहा।