इफिसियां 1:19 - ओङ राजपूत

¹⁹ ते ओची सामर्थ मां जको अम्ही विश्‍वास करु, हा कितनी बङी बात छै, हा सारे ओचे महान शक्‍ति चे काम चे अनुसार छै।

इफिसियां 1:19 ပူးပေါင်းရင်းမြစ်များ

यूहन्‍ना 3:6

कांकि जको शरीरा लारे जमले, ऊं शरीर छै, ते जको आत्मा लारे जमले ऊं आत्मा छै।

प्रेरितां चे काम 26:18

कि तु वांचीया आँख खोल, कि वे अन्धकार महु काढ़ती कर ज्योति मां, ते शैताना चे अधिकार महु नरीकारा चे राज़ मां गेहती आवे। वे पापा कनु माफ पाओ, ते वांचे बीच मां आती जाओ, जको माये मां विश्‍वास चे जरिये नरीकारा वास्ते पवित्र करले गेले।’

रोमियां 1:16

मैं सुसमाचार वास्ते शर्मिन्दा कोनी, कांकि हा सुसमाचार नरीकारा ची सामर्थ छै, जको विश्‍वास करने आला वास्ते, पेहले तां यहूदी, बल्ति नेरीया जातिया वास्ते, उद्धार चा मार्ग़ छै।

2 कुरिन्थियां 4:7

पर ईं बेशकीमती खजाने अम्चे मां जको माटी ची ठांवा आलीकर छिऊं मेहले गेले, जाये कनु ईं साफ हुती जाओ हा असीम ताकत अम्ची कोनी पर नरीकारा ची छै।

2 कुरिन्थियां 5:17

ऐवास्ते अगर कुई मसीह मां छै तां वा नवीं सृष्टि छै। पुराणीया बाता गुजरती गेलीया, ङेखा वे सारीया नवींया हुती गेलीया।

इफिसियां 2:10

कांकि अम्ही ओचे बणाले आले छिऊं, ईशु मसीह मां भले कामा वास्ते बणाले गेले छिऊं। नरीकारा ने अम्हानु पेहले कनु तियार करले। के अम्ही ऊं करते हुले आपणी जीन्दगी बिताऊं।

इफिसियां 3:20

हमा जको इसड़ा सामर्थी छै, कि अम्ची बिनती ते समझ कनु कहीं ज्यादा काम कर सग़े, वे सामर्थ चे अनुसार जको अम्चे मां काम करे,

इफिसियां 3:7

मैं नरीकारा चे अनुग्रह चे ओ दान चे अनुसार, जको ओची सामर्थ चे प्रभाव चे अनुसार मनु ङिला गेला, ओ सुसमाचार चा सेवक बणला।

इफिसियां 6:10

ऐवास्ते प्रभु ची महान शक्‍ति मां ताकतवार बणा

फिलिप्पियां 2:13

कांकि ओ नरीकारा ही छै जको वां कामा ची इच्छा ते वानु पूरा करने चा कर्म, जको नरीकारा नु भावी, तम्चे मां पैदा करे।

फिलिप्पियां 3:21

ओ आपणी ताकत चे ओ प्रभाव लारे, जाये जरिये ओ सारीया चीजा नु आपणे वशा मां कर सग़े, अम्ची देह नु बदलती कर, आपणी महिमा ची देह जिसड़े बणाती ङी।

कुलुस्सियां 1:29

ऐचे ही वास्ते मैं ओची वे शक्‍ति चे अनुसार जको माये मां सामर्थ चे लारे असर नाखे, तन मन लाती कर मेहनत वी करे।

कुलुस्सियां 2:12

ते ओचे लारे बपतिस्मा मां पूरले गेले, ते ओचे मां नरीकारा ची शक्‍ति उपर विश्‍वास करती, जेह्णे ओनु मरले आला महु जिवाले, ओचे लारे जीते वी हुले।

1 थिस्सलुनीकियां 1:5

कांकि अम्चा सुसमाचार तम्चे गोढु हेको वचना मां ही कोनी, बल्कि ताकत ते पवित्र आत्मा, ते इरादे लारे पुज़ला, जिंवे तम्ही जाणा कि अम्ही तम्चे फायदे चे वास्ते किसड़ा जीवन जीते तम्चे मां किवें बणती गेलते।

2 थिस्सलुनीकियां 1:11

ऐवास्ते अम्ही सदा तम्चे वास्ते हर ङिओ प्राथना करु वी, कि अम्चा नरीकार तम्हानु ऐ ब़ुलाहट चे योग्य समझो, ते भलाई ची हर हेक इच्छा, ते विश्‍वास चे हर हेक कामा नु सामर्थ लारे पूरा करो।

याकूब 1:18

ओणे आपणी ही इच्छा लारे अम्हानु सच्‍च चे वचना चे जरिये पैदा करले कि अम्ही ओची सृष्टि करली हुली चीजा महु हेक तरह चे पेहला फल छिऊं।

1 पतरस 4:11

अगर कुई ब़ोलो, तां इसड़े ब़ोलो मना नरीकारा चा वचन छै, अगर कुई सेवा करे, तां वे ताकती लारे करो जको नरीकार ङिये, जाये मां सारीया बाता ईशु मसीह चे जरिये, नरीकारा ची महिमा प्रकट हो। महिमा ते साम्राज्य युगानयुग ओचा छै। आमीन।