इफिसियां 1:17 - ओङ राजपूत

¹⁷ कि अम्चे प्रभु ईशु मसीह चा नरीकार जको महिमा चा ब़ा छै, तम्हानु आपणी पिछाण मां ज्ञान ते सोज़ले ची आत्मा ङियो,

इफिसियां 1:17 ပူးပေါင်းရင်းမြစ်များ

मत्ती 11:25

ओही बेले ईशु ने केहले, “हे ब़ा, स्वर्ग़ ते धरती चा प्रभु, मैं दुधा धन्यवाद करे पला कि तु यां बाता नु ज्ञानीया ते समझदारा कनु लुकाती राखलीया, ते ब़ाला उपर प्रकट करलीया,

मत्ती 11:27

“माये ब़ा ने मनु सब कोच्छ सोंपती ङिले, ते कुई पूता नु ना जाणी, सेर्फ ब़ा, ते कुई ब़ा नु ना जाणी सेर्फ पूत, ते ओ जाये उपर पूत ओनु प्रकट करना चाहवे।

मत्ती 16:17

ईशु ने ओनु उत्तर ङिला, “हे शमौन, योना चा पूत, तु धन्‍न छी, कांकि मांस ते लुहींया ने ना पर माये ब़ा नरीकारा ने जको स्वर्ग़ा मां छै, हा बात दुधे उपर उजागर करली।

मत्ती 20:33

वाणे ओनु केहले, “हे प्रभु, ईं कि अम्चीया आंखी खुलती जाओ।”

मत्ती 6:13

ते अम्हानु परीक्षा मां ना आण, पर बुराई कनु बचा, कांकि राज़ ते पराक्रम ते महिमा सदा दुधे ही छी।’ आमीन।

लूका 12:12

कांकि पवित्र आत्मा वेही घड़ी तम्हानु सिखाती ङी कि का केहणे चाही छै।”

लूका 2:14

“स्वर्ग़ मां नरीकारा ची महिमा ते धरती उपर वा बन्दा मां जाये कनु ओ खौश छै, शान्ति हो।”

लूका 21:15

कांकि मैं तम्हानु इसड़ा ब़ोल ते ब़ुध्दि ङिही कि तम्चे सब विरोधी सामना जा खण्डन नी कर सग़े।

यूहन्‍ना 14:17

हा सच्‍चाई चा आत्मा छै जानु संसार मन ना सग़ी, कांकि ओह ओनु ना ङेख सग़ी ते ना ही ओनु जाणे। पर तम्ही ओनु जाणा, कांकि ओह तम्चे लारे रिहे ते ओह तम्चे मां हुवी।

यूहन्‍ना 14:26

पर सहायक, यानिकि पवित्र आत्मा, जानु ब़ा माये नांवा कनु भेज़ी, ओह तम्हानु सारीया बाता सिखावी ते जको कोच्छ मैं तम्हानु केहले ओ सब तम्हानु याद करावी।

यूहन्‍ना 16:3

ते ईं वे ऐवास्ते करे कि वाणे ना ब़ा नु जाणले ते ना ही मनु जाणी।

यूहन्‍ना 17:3

ते अनन्त जीवन हा छै, कि वे तनु हेक ही सच्‍चे नरीकारा नु, ते ईशु मसीह नु, जानु तु भेज़ले, जाणो।

यूहन्‍ना 20:17

ईशु ने विनु केहले, “मनु हाथ ना ला, कांकि मैं हालि तक ब़ा नरीकारा सनु उपर कोनी गेला। पर माये भावां कनु जती कर वानु केहती ङे कि, ‘मैं आपणे ब़ा ते तम्चे ब़ा, आपणे नरीकार ते तम्चे नरीकारा चे गोढु उपर जाये पला।’ ”

प्रेरितां चे काम 6:10

पर ओ ज्ञान ते वे पवित्र आत्मा चा जाये लारे ओ बाता करता, वे बन्दी ओचा सामना ना कर सग़ती।

प्रेरितां चे काम 7:2

ओणे केहले, “हे माये भऊ, ते ब़ा चे समान सुणा। अम्चा ब़ा अब्राहम हारान देशा मां बसणे कनु पेहले जिसे बेले मेसोपोटामिया मां हुता, तां महान नरीकारा ने ओनु दर्शन ङिला।

रोमियां 1:28

ते जिसे बेले वाणे नरीकारा नु सुजाणने ची कीमत ही ना जाणली, ऐवास्ते नरीकारा ने वी वानु वांचे निक्‍कमे मना उपर छोड़ती ङिले, कि अनुचित काम करो।

रोमियां 15:6

ताकि तम्ही हेक मन ते हेक ही अवाज हुती कर अम्चे प्रभु ईशु मसीह चे ब़ा नरीकारा ची स्तुति करा।

1 कुरिन्थियां 12:8

कांकि हेक नु पवित्र आत्मा चे जरिये ब़ुध्दि चा बाता ङिलीया जई ते ङुजे नु पवित्र आत्मा चे अनुसार ज्ञान चा बाता।

1 कुरिन्थियां 14:6

ऐवास्ते, हे माये भऊ, अगर मैं तम्चे गोढु आती कर नेरी भाषा मां बाता करे, ते प्रकाश, जा ज्ञान, जा भविष्यवाणी, जा उपदेश चीया बाता तम्हानु ना किहे तां माये कनु तम्हानु का फायदा हुवी?

1 कुरिन्थियां 2:10

ईं सब नरीकारा ने अम्चे उपर आपणी आत्मा चे जरिये लारे प्रकट करले। कांकि हा आत्मा सारीया बाता, इठे तक कि नरीकारा चीया गूढ बाता नु वी परखे गेहती।

1 कुरिन्थियां 2:8

ओ ज्ञान नु ऐ युगा चे कुई वी राजा ने कोनी जाणले कांकि अगर वे जाणती जईया, तां प्रभु नु क्रूसा उपर ना चढ़ावीया।

2 कुरिन्थियां 12:1

जबकि माये वास्ते घमण्ड करने ठीक कोनी, बल्ति वी करना पड़े। पर मैं प्रभु चे ङिले हुले दर्शन ते प्रकाशना ची चर्चा करी।

इफिसियां 1:3

अम्चे प्रभु ईशु मसीह चा नरीकार ते ब़ा चा धन्यवाद हो, ओणे अम्हानु स्वर्ग़ा मां ईशु मसीह चे तरफु हर तरह ची आत्मिक आशीष ङिली।

इफिसियां 3:5

पेहले ओ भेद लौका नु कोनी बावड़ला गेला ते हमा पवित्र आत्मा लारे भविष्यवक्‍ता ते प्रेरितां नु बावड़ला गेला।

इफिसियां 4:13

जब तक कि अम्ही सब चे सब लौका विश्‍वास ते नरीकारा चे पूता चे पुरे ज्ञान मां हेक ना हुती जऊं, ते हेक सेद्ध बन्दे ना बणती जऊं ते मसीह ची पुरी महिमा ची ऊचाई तक पुज़ती ना जऊं।

फिलिप्पियां 3:15

सो अम्चे महु जितने आत्मिकता ची समझ मां मजबूत हुती चुकले, हाओ विचार राखो, ते अगर कुई बाते मां तम्चे आपस मां विचार ना मिलते हो तां नरीकार ओ वी तम्चे उपर उजागर करती ङी।

2 तीमुथियुस 2:25

ते विरोधीया नु नरमाई लारे समझाओ, का पता नरीकार वानु मन फिरावणे चे वास्ते मन ङियो, कि वे सच्‍चाई नु पिछाणो।

तीतुस 1:1

हा चिठ्ठी पौलुस चे तरफु जको नरीकारा चा दास ते मसीह ईशु चा प्रेरित छै, नरीकारा चे चुणले आले लौक चा विश्‍वास ते वे सच्‍चाई ची पिछाण चे अनुसार जको भग़ती चे अनुसार छै,

याकूब 2:1

हे माये भऊ, अम्चे महिमायुक्‍त प्रभु ईशु मसीह उपर तम्ही विश्‍वास करा, ऐवास्ते तम्चे बीच मां पक्षपात ना हो।

2 पतरस 1:3

आपणे जीवन चे वास्ते ते नरीकारा ची सेवा चे वास्ते जको कोच्छ अम्हानु चाही छै, आपणी ईश्‍वरीय सामर्थ चे जरिये ओणे अम्हानु सब कोच्छ ङिले। कांकि अम्ही ओनु जाणु, जेह्णे आपणी धार्मिकता ते महिमा ची वजह अम्हानु हकारले।

2 पतरस 3:18

पर अम्चे प्रभु ते उद्धारकर्ता ईशु मसीह चे अनुग्रह ते पिछाण मां बधते जावा। ओची महिमा हमा वी हो ते युगानयुग तक हुती रिहो, आमीन।

प्रकाशितवाक्य 7:12

“इसड़े ही हो! अम्चे नरीकारा ची स्तुति ते महिमा ते ज्ञान ते धन्यवाद ते आदर ते सामर्थ ते ताकत युगानयुग बणली रिहो। आमीन!”