कुलुस्सियां 4:8 - ओङ राजपूत

⁸ ओनु मैं तम्चे गोढु ऐवास्ते भेज़ले कि तम्ही अम्ची दशा जाणा, ते ओ तम्चे दिला नु शान्ति ङियो।

कुलुस्सियां 4:8 ပူးပေါင်းရင်းမြစ်များ

1 कुरिन्थियां 4:17

ऐवास्ते मैं तीमुथियुस नु जको प्रभु मां माया प्यारा ते विश्‍वासयोग पूत छै, तम्चे गोढु भेज़ले, ते ओ तम्हानु मसीह मां माया चरित्र याद करा वी, जिंवे कि मैं हर जग़हा हर हेक कलीसिया मां उपदेश करे।

2 कुरिन्थियां 1:4

ओ अम्चे सारे ङुखा मां तसल्‍ली ङिये, ताकि अम्ही ओ तसल्‍ली चे वजह जको नरीकार अम्हानु ङिये, वानु वी तसल्‍ली ङे सग़ु जको हर-तरहा चे ङुखा मां छी।

2 कुरिन्थियां 12:18

तीतुस नु तम्चे गोढु भेज़णे ची मैं बिनती करली हुती, ओचे लारे आपणे ऐ भावां नु वी मैं ही भेज़ले हुते। का तीतुस ने तम्चा गलत फायदा चला? का अम्ही हेकी आत्मा चे चलाले कोनी चढ़ले? का अम्ही हेकी ही लेणी उपर कोनी टुरले?

2 कुरिन्थियां 2:7

ऐवास्ते ईं ठीक छै कि ओचा अपराध माफ करा, ते तसल्‍ली ङिया, कङी इसड़े ना हो कि इसड़े इन्सान उदासी मां ब़ुङती जाओ।

इफिसियां 6:22

ओनु मैं तम्चे गोढु ऐवास्ते भेज़ले कि तम्ही अम्ची दशा जाणा, ते ओ तम्चे मना नु शान्ति ङियो।

फिलिप्पियां 2:28

ऐवास्ते मैं ओनु होर वी जल्दी भेज़े पला ताकि तम्ही ओनु ङेखा हेक वारी बल्ति खौश हुती जावा ते माये ङोख वी कम हुती जाओ।

कुलुस्सियां 2:2

ईं मैं ऐवास्ते किहे ताकि वांचे मना मां बढावा मिलो ते वे प्रेम मां आपस मां ग़ठले रिहो, ते वे पुरी समझ चा सारे धन नु प्राप्त करो, जाये कनु वे नरीकारा चे भेद नु यानि मसीह नु पिछाणती गिहो।

1 थिस्सलुनीकियां 2:11

जिंवे तम्ही जाणा, कि जिंवे ब़ा आपणे ब़ाला लारे बर्ताव करे, यूंही अम्ही तम्चे महु हर हेक नु वी उपदेश करते, ते शान्ति ङिते, ते समझाते रेहते।

1 थिस्सलुनीकियां 3:2

ते अम्ही तीमुथियुस नु जको मसीह चे सुसमाचार मां अम्चा भऊ, ते नरीकारा चा सेवक छै, ऐवास्ते भेज़ले, कि ओ तम्हानु मजबूत करो, ते तम्चे विश्‍वास चे बारे मां तम्हानु समझाओ।

1 थिस्सलुनीकियां 3:5

ऐ वजह कनु जब माये कनु नेरे रेहले ना गेले, तां तम्चे विश्‍वास चा हाल जाणने वास्ते तीमुथियुस नु भेज़ले। कि कहीं इसड़े ना हो, कि परीक्षा करने आले शैताना ने तम्ची परीक्षा करली हो, ते अम्ची मेहनत बेकार हुती गेली हो।

1 थिस्सलुनीकियां 4:18

ते यूं करती यां बाता लारे हेके ङुजे नु शान्ति ङिले करा।

1 थिस्सलुनीकियां 5:11

यूंही हेके ङुजे नु शान्ति ङिया, ते हेके ङुजे चे धार्मिक विश्‍वास ची बढ़ोतरी चे वजह बणा, तां तम्ही इसड़े करा वी हुवा।

1 थिस्सलुनीकियां 5:14

ते ओ माये भऊ ते ब़ेहणीया, अम्ही तम्हानु समझाऊं पले कि तम्चे मां जको आलसी छी वानु समझावा, कायरा ची हिम्मत ब़न्धावा, कमजोरा नु सम्भाला, सारा बन्दा ची सहन करा।

2 थिस्सलुनीकियां 2:17

तम्चे मना मां शान्ति ङियो, ते तम्हानु हर हेक आच्छे काम, ते वचन मां पक्‍के करो।