कुलुस्सियां 4:10 - ओङ राजपूत

¹⁰ अरिस्तर्खुस जको माये लारे कैदी छै, ते मरकुस जको बरनबास चा भऊ लाग़े वांचा ङुंहु चा तम्हानु नमस्कार। मरकुस जाये बारे मां तम्हानु आज्ञा मिड़ली हुती कि अगर ओ तम्चे गोढु आती जाये, तां ओची आच्छी इज्जत करजा

कुलुस्सियां 4:10 ပူးပေါင်းရင်းမြစ်များ

प्रेरितां चे काम 12:12

ते ईं जाणती कर, ओ वे यूहन्‍ना ची आई मरियम चे घरे आला, यूहन्‍ना जको मरकुस किहवावे। ओठे ब़ोहत लौक भेले हुती कर प्राथना करी पलते।

प्रेरितां चे काम 12:25

जिसे बेले बरनबास ते शाऊल आपणी सेवा पुरी करती चुकले तां यूहन्‍ना नु जानु मरकुस किही, लारे गेहती यरुशलेम कनु पुठे आले।

प्रेरितां चे काम 13:13

पौलुस ते ओचे साथी पाफुस शहरा कनु जहाज खोलती कर पंफूलिया प्रदेस चे पिरगा शहरा मां आले, ते यूहन्‍ना वानु छोड़ती कर यरुशलेम सनु पुठा चाह्‍ला गेला।

प्रेरितां चे काम 13:5

ते सलमीस शहरा मां पुज़ती कर, नरीकारा चा वचन यहूदिया चे प्राथनाघरा मां सुणाला ते यूहन्‍ना वांचा सेवक हुता।

प्रेरितां चे काम 19:29

ते सारे शहरा मां बङी हलचल मचती गेली ते लौका ने गयुस ते अरिस्तर्खुस, मकिदुनिया कनु आले जको पौलुस चे लारे रेहणे आला बन्दा नु पकड़ती गेले, ते सारा नु हेक रंगशाला मां गेहती गेले।

प्रेरितां चे काम 20:4

बिरीया चे पुरूर्स चा पूत सोपत्रुस, ते थिस्सलुनीकियां शहरा चे अरिस्तर्खुस, ते सिकुन्दुस, ते दरबे गयुस ते तीमुथियुस आसीया चा तुखिकुस, ते त्रुफिमुस आसीया तक ओचे लारे टुरती पले।

प्रेरितां चे काम 27:2

अम्ही सारे जणे अद्रमुतियुम शहर चे हेक पाणीया आले जहाजा उपर चढ़ले, जको एशिया इलाके चे समुन्दर चे किनारे लारे जको शहर हुते वांचे लारे हुती कर जाणे आला हुता। ते अम्चा सफर शुरु हुला, ते अरिस्तर्खुस वी अम्चे लारे सफर करने आला यात्री हुता, ते जको मकिदुनिया प्रदेस चे थिस्सलुनिके शहर चा रेहणे आला हुता।

प्रेरितां चे काम 4:36

ओठे यूसुफ नांवा चा हेक शक्स हुता जको साइप्रस मां पैदा हुला हुता ते लेवी गोत्र चा हुता। प्रेरित ओनु बरनबास (जाया मतलब “शान्ति ङेणे आला”)केहते।

रोमियां 16:2

तम्हानु जिसड़े कि नरीकारा चे लौका नु करने चाही छै, यूंही विनु प्रभु मां ग्रहण करा, ते जिसी कुई बाते मां विनु तम्चे कनु सहायता ची जरुरत हो, विची सहायता करा, कांकि खौद्द विणे कईयां ची सेवा करली ते माई वी सहायक हुली।

रोमियां 16:7

अन्द्रनीकुस ते यूनियास नु जको माये कुणम्बे चे छी, ते माये लारे कैद हुले हुते, ते प्रेरितां मां मनले आले छी, ते माये कनु पेहले मसीही हुले हुते, नमस्कार।

2 तीमुथियुस 4:11

सेर्फ लूका माये लारे छै, मरकुस नु गेहती चाह्‍ला आ। कांकि सेवा चे वास्ते ओ माया ब़ोहत कामा चा छै।

फिलेमोन 1:23

इपफ्रास चा तम्हानु नमस्कार, जको मसीह ईशु मां माया साथी कैदी छै,

फिलेमोन 1:24

माये साथी कार्यकर्ता, मरकुस, अरिस्तर्खुस, देमास, ते लूका चा तम्हानु नमस्कार किही।

1 पतरस 5:13

जको बेबीलोन मां तम्चे आलीकर चुणले आले कलीसिया चे लौक छी, वे ते माया पूत मरकुस तम्हानु नमस्कार किही पले।